تجربة أضافة stp علي البنزين

**SYD** · 22-03-2012 04:35 PM

المشاركة الأصلية كتبت بواسطة hellboy

ربنا يكرمك يا باشمهندس...
انا قصدي فعلا زي ماعملت في الطرمبه وتعكس الاقطاب وهكذا...
-في طريقه تانيه اسهل شويه .بص ياباشا..
-هتجيب سرنجه تخينه شويه وتشيل المكبس بتاعها خالص
-هتحشر طرف الرشاش فيها من تحت بدل الكباس
-هتركب الشاليموه اللي بتيجي مع منظف الانجكشن (الاسبراي اللي بيستخدم في تنظيف البوابه)
في طرف السرنجه (مكان السن ) وطرف الشاليموه التاني يركب في منظف الانجكشن مكانه عادي خالص
-هتوصل الرشاش علي بطاريه 12 فولت عن طريق فيشه قديمه للرشاش او باي طريقه
-اضغط علي السبراي ..هينزل في الحقنه ...وصل الدايره ....الرشاش هينزل البلاوي اللي جواه.
-ابدا في العمليه دي بالعكس (خلي in هو out) في الرشاش علشان تنظف المصفه الداخليه اللي جوه الرشاش
وبعد كده غير وضع السرنجه بالنسبه لفتحه الرشاش (ارجع للطبيعي)
-لو لقيت فتحه السرنجه اوسع من الرشاش ممكن تحط علي جوان كاوتش رفيع زي اللي بيبقي جوه الايديال كونترول كده او تخلع اللي في طرف الرشاش وتركبه الناحيه التانيه ..
-الطريقه دي تنفع للي عربيته mpi اللي فيها 4 رشاشات ومسطره ...انما اللي عربيته spi زي حاله العبد لله فماينفعش لان الرشاش الواحد بياخد تغذيته من مانفولد السحب نفسه من الجنب
مش عارف حاسس ان شرحي صعب شويه حد فاهم حاجه ؟؟ بالتوفيق ان شاء الله ..

والله المستعان...

الصراحة
هو صعب نوعا ما
ومش قادر اتخيله اوي
اعتقد خلينا في الطريقة الأولي
اسهل شوية

ويارب تنفع معايا

انا عربيتي mpi وفيها اربع رشاشات ومسطرة

ربنا يسهل واجرب طريقة حضرتك بس انا للأسف حطيت علبة المنظف كلها ومش باقي فيها حاجة اجرب بيها

والله المستعان
،
،

**فادى محمد** · 22-03-2012 05:03 PM

في اقرب فرصه ان شاء الله هصورلك انا قصدي ايه ...

**SYD** · 22-03-2012 06:06 PM

المشاركة الأصلية كتبت بواسطة hellboy

في اقرب فرصه ان شاء الله هصورلك انا قصدي ايه ...

انشاء الله رب العالمين
في انتظار الصور

والله المستعان
،
،

**SYD** · 16-04-2012 12:24 PM

بالنسبة للأر بي ام فهو عداد لفات الموتور
اما بالنسبة للسرعة
لو حضرتك موتورك 1000 سي سي
علي اربي ام 3 وانت علي الخامس المفروض تجيب 90
3.3 100
4 130

بس دة بتقيس بيه كفاءة طقم الدبرياج

بالنسبة لثرموستات المياة
لازم ترجع تركبها تاني

خطر تمشي بالموتور علي سرعات والموتور بارد

والله المستعان
،
،

**ehab_mansour** · 16-04-2012 03:06 PM

المشاركة الأصلية كتبت بواسطة syd

بالنسبة للأر بي ام فهو عداد لفات الموتور
اما بالنسبة للسرعة
لو حضرتك موتورك 1000 سي سي
علي اربي ام 3 وانت علي الخامس المفروض تجيب 90
3.3 100
4 130

بالنسبة لثرموستات المياة
لازم ترجع تركبها تاني

خطر تمشي بالموتور علي سرعات والموتور بارد

والله المستعان
،
،

متفق مع هذا الكلام
و حابب اوضح فقط ان تناسب السرعه مع الأر بي ام ده بيعتمد علي نسبة تروس الفتيس و اللي بيعتمد في التصميم علي عزم المحرك و قوته لذلك تجد دائما المحركات الصغيرة زي ال 1000 سيسي مثلا علي الغيار الخامس سرعة 100 بتيجي عن ار بي ام 3.35 مثلا و لكن مع المحركات الأعلي زي ال 1600 مثلا تجد هذه السرعة بتيجي عن 2.5 الي 3 ار بي ام

ومن ذلك تجدهم دائما مع المحركات الصغيرة يتم تصميم فتيس ذو تروس أكبر و بالتالي نسب سرعات أقل و علي العكس مع المحركات الكبيرة يصمم فتيس ذو تروس اقل و بالتالي نسب سرعات أعلي و ذلك طبعا لنفس عدد لفات المحرك

**SYD** · 17-04-2012 08:01 PM

المشاركة الأصلية كتبت بواسطة zika99_eg

السلام عليكم
طيب يا كبير ايه الخطر لما امشي علي سرعات والحرارة قليلة
انا عندي الموتور 1600
وراكب سربنتينه بتاعت 2000
لما بكون ماش جوه البلد الحرارة بتكون تحت الشرطة اللي في النص بسنه لكن لما اخد طريق سريع تبداء الحرارة تقل لحد ماتوصل لل70
وفي الشتاء اقل كمان
انا مشتري العربية كده ايه اللي ممكن اعمله
اه وفي حاجه كمان لما بشغل التكيف الحرارة بتنزل بردو!!!!

اولا الموتور متصمم انه يشتغل بحرارة معينة وبيسموها حرارة التشغيل
الألماني عموما بيشتغل علي درجة حرارة عالية تقترب من ال90
انخفاض درجة حرارة الموتور مع التشغيل باقصي طاقته خطر جدا علي البساتم بتاعته والشيميز ومعظم مكوناته

الحاجة التانية ان الزيوت بردو ليها درجة حرارة للوصول الي الخواص المصممة ليها وهي تزييت كافة اجزاء الموتور ورفع اداءه

وبالتالي انخفاض درجة حرارة الموتور عن درجة حرارة تشغيله بتمثل خطورة عليه شديدة جدا

ومش السيات بس ولا الألماني بس الي فيه الثرموستات دة

الثرموستات دة موجود في معظم العربيات وتقدر تقول فيها كلها ابتداء من الثمانينيات

والله المستعان
،
،

**Youssef.Awad** · 06-07-2012 08:56 PM

شكرا لتجربتك الجميلة .. واسمحلى اقدملك تأثير منظف الانجكشن ليكوى مولى على حالة عربيتى الصنى 2010 بعد استخدامه فى اخر تفويلة قبل اجراء صيانة ال60.000 كم فى التوكيل

المشاركة الأصلية كتبت بواسطة y2y1500

وفى النهاية .. بعد هذا التقرير المستفيض قررت أن اهديكم ملخص مصور عن حالة قطع غيار السيارة المستهلكة بعد 3 صيانات كبيرة هى 20 – 40 – 60 الف كم وقطع 60.000 كم فى سنة ونصف علما بأنى المالك الاول للسيارة نيسان صنى 2010 ex saloon مانيوال من خلال استعراض حالة فلتر الهواء

وحالة البوجيهات

وهنا كانت المفاجآة بالنسبة لى وفى انتظار آرائكم وتعليقاتكم وتحليلاتكم بعد الاطلاع على صورة مقربة من زاويتين مختلفتين لحالة البوجيهات تحديدا علما بأنه قد تم استخدام منظف الانجكشن عند 59500 كم اى قبل اجراء الصيانة ب500 كم !!!

اعداد وكتابة وتنسيق

يوسف عوض

y2y1500@nilemotors.com

الموضوع: تجربة أضافة stp علي البنزين

LinkBack

أدوات الموضوع

عرض

-

-

-

-

-

-

-

المواضيع المتشابهه

تجربة تحويل السيارة لغاز طبيعي بعد غلاء البنزين-تجربة ومناقشة

تجربة تحويل السيارة لغاز طبيعي بعد غلاء البنزين-تجربة ومناقشة

أضافة الكلمات الدلالية للموضوعات (هام جدا)

تجربة الفكترا B مع البنزين 95

الكلمات الدلالية لهذا الموضوع

المفضلات

المفضلات

ضوابط المشاركة