لوجان 2012 مشكله وبدأت اكره العربيه وهى عامله 1500 كيلو

**wael30003** · 31-03-2012 09:47 PM

المشاركة الأصلية كتبت بواسطة batmancib

'طيب يا استاذ وائل لما بتعلى عن 3000 لفه بتحس بالهزه والزنه دى فى العربيه ودواسه البنزين وهل جبت بالعربيه مثلا 150 140 او كده ولو جبتها بيبقى على ار بى ام كام وحسيت بالزنه دى برضه عندها والا ايه

انا اصلا فى 1500 كم الاولى جبت 170 كم / ساعة معلش مقدرتش امسك نفسى لقيت سيراتو كوبيه بتعدى منى فصعبت على نفسى قلت اما احصلها وفعلا حصل يا باشا ومكررتهاش تانى الحمد لله حفاظا على العربية وعلى نفسى

**alsakr** · 04-04-2012 02:06 AM

المشاركة الأصلية كتبت بواسطة batmancib

تمام هو ده نفس اللى بيحصل معايا انا بس اللى قلقنى ان ناس اصحابى منهم واحد معاه لانسر وواحد معاه بيجو 307 قالولى ازاى تجيب الرابع وانت لسه معدى ال 60 وتجيب الخامس من بعد ال 80 ده المفروض الرابع يبقى من 80 لغايه 110 مثلا فحاولت اعملها لقيت زنه جامده اوى فى العربيه كلها والار بى ام على قالولى يمكن عشان بتكبس جامد بنزين الار بى ام بيعلى بس انا مش بكبس جامد اطلاقا انا بسيبها تعلى بالتدريج

**abo_pasem** · 04-04-2012 09:42 PM

انا معايا لوجان موديل2009 وكنت بجيب بيها 180 وصوت الزنه ده عادي جدا ما تقلقشش منه
وحاول إنك تعلي في الغيار التالت لأقصي حد ممكن كده السرعه تعلي معاك جامد في باقي الغيارات وده إللي لاحظته في اللوجي
بحبها جدا العربيه دي

**blackhorse123** · 04-04-2012 10:26 PM

الزنه دى حاجه طبيعيه وصوت العربيه العالى مع التالت برضه طبيعى

العربيه بعد ال 5000 كيلو حاجه تانيه خالص هتحس انى صوتها بقى اهدى وسحبتها بقت ناعمه واسرع بكتير

والحاجات دى هتتعود عليها عادى جدا

**ch_mahm2024** · 10-04-2012 08:24 AM

انا اخرى جبت ال 140 ك/س او 160 ك/س ومبقدرش ازود على كده قلبى خفيف شوية بس شوفت واحد منظل فيديو مقفل العداد خالص معدى ال 200 ك/ساعة وده لينك الفيديو Top speed with my Logan :))) | Facebook