الموضوع: مشاكل عدد الصوت و حلها هنا ان شاء الله

المشاركة الأصلية كتبت بواسطة moh19227

طب ليه مخليش 2 بيز بس و2 صوت بس ؟؟ ايه الحكمه :)
مفيش حكمه ده هتظبطه على حسب مزاجك انت و يستحسن 2 بيز بس و 2 صوت بس زى ما انت قلت
معلش الحته دي عاوزه شرح :b4_282:
العربيه بتنزل ستوك ب 2 سماعتين في الرف الخلفي -- مدورين -- كده صح ؟!!
لو انا عاوز اظبط هشيل الاتنين المدورين واقطع حته في الصاج علشان اركب البيضاوي تمام كده
لو انا عاوز اركب رف ام دي اف هيركب فين ؟ :b4_282:
هقطع الرف الصاج كله
لاء يا باشا مش هتقطع رف الصاج كله
هتقطه الحته اللى هتنزل فيها السماعه بس يعنى
علشان تخلى الحته المدوره دى بيضاوى هتقطع الصاج علشان تخليها بيضاوى
و لو مفيش فتحات للسماعات التانيه هتضطر تقطعلهم
و انا مش برشح كل ده و تركب سماعات على الرف العادى بتاع العربيه
دول بيتحطوا فين ؟؟
فوق الرف العادى بتاع العربيت بيتثبت بمسامير بورمه صاج
و تركب عليهم السماعات و تثبتهم

لا انا مش قصدي كده يا باشا انا مش قصدي فلوس
انا قصدي فئات زي
8350 / 4050 / p8400bh / 4350 / 2350

فهمتك بس انا دماغى راحت للكاسيتات اللى بلسعر ده
لان الفئات دى بتوصل للسعر ده
هما اه طبعا فئات و كل فئه بتحكم على الاوبشن اللى فيه الكاسيت
تحياتى
^_^

المشاركة الأصلية كتبت بواسطة zonfuly

معلش يا رجاله انا لو عندي صبين سوني 1500 وات وحبيت اركب عليهم جي ام كينود 350 وات يقومهم ولا لأ

لاء طبعا ميشغلهمش

المشاركة الأصلية كتبت بواسطة zonfuly

ويا تري لو ده ما يشغلهمش ايه احسن جي ام يشغلهم وسعره هيبقي اد ايه جديد واد ايه مستعمل

اقل وات ممكن تركبه 600 او 700
انا برشح ال 600 السيمفونى المصرى
و ده بيبقى فى حدود 550 جنيه جديد بضمان 5 سنين
طبعا الناس هتقولى انت ليه ماسك فى السيمفونى
هقولهم علشان انا مجربهم على العده اللى عندى و بصراحه مكحوش ولا حاجه
و لسه الضمان خلصان من سنه
يعنى ما شاء الله بقالهم 6 سنين شغالين مقالوش بم
تحياتى
^_^

المشاركة الأصلية كتبت بواسطة ahmedeihab

فهمتك بس انا دماغى راحت للكاسيتات اللى بلسعر ده
لان الفئات دى بتوصل للسعر ده
هما اه طبعا فئات و كل فئه بتحكم على الاوبشن اللى فيه الكاسيت
تحياتى
^_^

دي كان في شوية اسئلة فوق

المشاركة الأصلية كتبت بواسطة moh19227

دي كان في شوية اسئلة فوق

مش فاهمك ؟؟

المشاركة الأصلية كتبت بواسطة Axel

متشكر جداااا يا باشا ع ردك

خلاص كده ان شاء الله هشوف هيد يونت بايو مناسب ليا + سماعتين كينوود 400 -500
و لما ان شاء الله ازود صب بايونيير هجيبلهم كلهم جي ام سيمفوني 600 4 تشانل
انا بصراحة شوفت العدة ديه مع زميل لسه من كام يوم هيد يونت بايو و سماعتين كينوود و جي ام سيمفوني 600 بس حاطط بازوكا و بصراحة بسم الله ما شاء الله الله و اكبر عربياتنا كلها و هي واقفة و كانت 9 عربيات كانت بتتهز في الارض و الناس كانت تعبانة في الشارع من القوة

كده السيمفوني مصري بدل الكوري عشان فرق السعر طالما هو هو
و الصب صيني عشان مفيش غيره
و السماعات الكينوود و الهيد يونت البايونيير صناعتهم تكون ايه ؟؟

و هل اخد بالي من حاجة تاني و انا بشتري بجانب طبعا الضمان و الفاتورة

لاء سيبك من الكينوود و هات بايونير الشكل القديم ال 300 وات هيعجبوووك اوى و نقاء الصوت بتاعهم ممتاااااااااااز فوق الوصف
و الكاسيت هيبقى صناعه تايلاندى لو اندونيسى متحركوش من مكانه علشان ملوش اى تلاتين لزمه
و الضمان و لو هتشترى من التوكيل متبصش على الاستيكر
لكن لو هتشترى من بره
اقلب السماعه هتلاقى محفور عليها made in thiland
و الكاسيت هتلاقى محفور عليه كلمه بايونير
و طبعا الفاتوره و الضمان
و مبروك عليك يا معلم مقدما
^_^