مشاكل عدد الصوت و حلها هنا ان شاء الله

**ahmedeihab** · 22-04-2012 01:18 AM

المشاركة الأصلية كتبت بواسطة bam8572

باشا فى حاجة عاوز اخد رأيك فيها

واحد حبيبى اوى واللى بتعامل معاه فى السوند سيستم على طول يعنى ادانى الاسعار دى وعاوز اخد رأيك فيها

قالى هعملك بوكس جديد بدل اللى انت شاريه للصب وهاخد منك 90 جنيه بس وهعملهولك اكبر فى الحجم وبمواصفات وشغل عالى عاوز اخد رأيك المبلغ دا كويس ولا ايه ؟

بردو اتفق معايا يعمل لى بوردة من خشب mdf بدل البوردة الحقيرة الى عندى بمبلغ 90 جنيه بردو وهيحفر هو للسماعات وهيتعامل بس المشكلة انه ورانى خشب رفيع نوعاً ما بالنسبة لبورد كتير شفتها عنده وقالى الرفيع شوية دا اللى هيركب عندك لإن عندك تحت البوردة صاج وكدا لكن الخشب التخين اوى دا بتاع اوكتافيات وكلام من دا لكن هتظبط معاك وعلى ضمانتى انت ايه رأيك فى الكلام دا وفى السعر بردو ؟؟

بردو ياكبير عرض عليا سماعتين بايونير اصلى 500 وات بمبلغ 290 جنيه كنت عاوز اعرف منك سعرهم كام والسعر دا تمام ولا لأ ؟؟

آخر حاجة بقى ياكبير قالى على جى ام سيمفونى جامد جداً مش فاكر كام وات بالظبط لكن قالى تمنه 590 جنيه وقالى انه هيقوم الصب جامد جداً وهيقوم كمان السماعات اللى هركبها , ايه رأيك ياكبير ؟؟

معلش بطول عليك بس اوعدك مش هتشوف وشى تانى فى الموضوع غير لما اقولك ان شاء الله يعنى انى غيرت العدة الى عندى وجبت كذا وكذا :)

يا باشا متقولش كده انا تحت امرك فى اى وقت دى اول حاجه
تانى حاجه بقا انت متأكد انه حبيبك اووووووووى زى ما انت بتقول
اولا الصندوق لازم يبقى 18 مللى لو هيعملك صندوق اكبر من ده يعنى بعرض الشنطه من ورا
يستاهل ال 90 جنيه
لكن لو هيعمله بأقل من 18 مللى او الكلام ده هيبقى الصوت زى الزفت زباله
نروح للبورده
انا كنت عامل بورده ام دى اف لعربيه ريجاتا يعنى تحتيها صاج 18 مللى بردو و جبنها ب 20 جنيه من مغلق خشب
و رحت للنجار فتح السماعات و قطعها اخد 10 جنيه
و رحت جبت كوله و موكيت ب 15 جنيه
يعنى وقفت عليا البورده ب 45 جنيه
السماعات انت ممكن تروح تجيبهم من التوكيل ب 350 جنيه معاهم ضمان 3 سنين
لو دول اوريجنال و بلكرتونه يعنى انت اول استخدام و معاهم الضمان
اتكل على الله اقل من كده ملهمش لزمه
نروح للجى ام
السيمفونى الجديد بلضمان من شارع الازهر و ضمان 5 سنين 600 وات هيقوم الصبايه طلقققققه و انا مركبه عندى مقوم 3 صبات و مقالش اى حاجه ابدااااا
تمنه 550 جنيه
انت متأكد ان ده صحبك و حبيبك اوى كده

امال لو غريب كان عمل معاه ايه

^_^

**alshaer** · 22-04-2012 02:51 AM

المشاركة الأصلية كتبت بواسطة ahmedeihab

طب سؤال
الكاسيت عندك اربع مخارج طبعا طالما فيه تحكم صب
صح ؟؟

لا هو واحد بس مش 4 بس فى الابشن بتاع الكسيت بلاقى صاب وفرر 1 و صب وفرر 2 دول بقى بتوع ايه ولا ملهمش لازمه

**m7mda7md** · 22-04-2012 03:10 AM

بالنسبه للخشب يا باشا جايز انت قصدك خشب كونتر و هو قصده إم دي إف و طبيعي الكونتر هيبقي اكثر سمك عشان مش بيريح زي الإم دي اف لأن حاجه زي الاوكتافيها البورده متعلقه من الاطراف و ف نفس الوقت مساحتها كبيره ف مينفعش تبقي إم دي إف

**ahmedeihab** · 22-04-2012 11:20 AM

المشاركة الأصلية كتبت بواسطة alshaer

لا هو واحد بس مش 4 بس فى الابشن بتاع الكسيت بلاقى صاب وفرر 1 و صب وفرر 2 دول بقى بتوع ايه ولا ملهمش لازمه

لاء يا كبير مش فى الاوبشن
فى الكاسيت من ورا هتلاقى 4 مخارج ولا ست مخارج
عده المخارج اللى فى الكاسيت من ورا و قولى
^_^

المشاركة الأصلية كتبت بواسطة m7mda7md

بالنسبه للخشب يا باشا جايز انت قصدك خشب كونتر و هو قصده إم دي إف و طبيعي الكونتر هيبقي اكثر سمك عشان مش بيريح زي الإم دي اف لأن حاجه زي الاوكتافيها البورده متعلقه من الاطراف و ف نفس الوقت مساحتها كبيره ف مينفعش تبقي إم دي إف

لاء يا كبير انا قصدى ام دى ام مش كونتر
سواء فى صندوق الصب او فى البورده
مفيش حد بيركب كونتر اساسا
انا قصدى ام دى اف 18 مللى للبورده و الصندوق
^_^

**m7mda7md** · 22-04-2012 01:14 PM

انا قصدي ع الراجل يا رمانه الميزان ههههههههههههههههههههه

**ahmedeihab** · 22-04-2012 01:17 PM

المشاركة الأصلية كتبت بواسطة m7mda7md

بالنسبه للخشب يا باشا جايز انت قصدك خشب كونتر و هو قصده إم دي إف و طبيعي الكونتر هيبقي اكثر سمك عشان مش بيريح زي الإم دي اف لأن حاجه زي الاوكتافيها البورده متعلقه من الاطراف و ف نفس الوقت مساحتها كبيره ف مينفعش تبقي إم دي إف

المشاركة الأصلية كتبت بواسطة m7mda7md

انا قصدي ع الراجل يا رمانه الميزان ههههههههههههههههههههه

ما انا عارف
بس انت قلت انت جايز قصدك خشب كونتر
الكونتر ده تشيله من دماغك خالص
انا قصدى على ال ام دى اف و على فكره ال ام دى اف بيوصل سمكه لحاااااااااااد 30 مللى
لكن انا بكتفى ب 18 او 19 مللى حسب المتاح فى عمل البورده او الصندوق
^_^

**mada_76** · 22-04-2012 01:26 PM

السلام عليكم يا رجالة
اخويا اشترى عربية فيها كاسيت كينوود بيطلب كوود .
وصاحب العربية كان راجل عجوز وبيقول انه من يوم ما اشترى العربية والكاسيت عامل كده وهو مش بيسمع اغاني ولا بيشغل الكاسيت من اساسه فعشان كده مهتمش بالموضوع .
حد عنده فكرة الحل ايه ؟؟؟؟؟؟؟

**m7mda7md** · 22-04-2012 01:26 PM

مبقتش تفهمني يا هوبا هههههههههههههههههههههههه.. ....انا قصدي ان العضو الفاضل ‏‏"الشاعر‏"‏ تقريبا شاف خشب سميك عن ال عند الصنايعي ف بقوله جايز ال انت شوفته ده كونتر......متهيألي مهما كان سمك ال إم دي اف مع بوره زي الاوكتافيا هتلاقيه ريح في النص و عمل منخفض....زي منخفض القطاره كده ههههههههههههههههههههه

**ahmedeihab** · 22-04-2012 01:52 PM

المشاركة الأصلية كتبت بواسطة mada_76

السلام عليكم يا رجالة
اخويا اشترى عربية فيها كاسيت كينوود بيطلب كوود .
وصاحب العربية كان راجل عجوز وبيقول انه من يوم ما اشترى العربية والكاسيت عامل كده وهو مش بيسمع اغاني ولا بيشغل الكاسيت من اساسه فعشان كده مهتمش بالموضوع .
حد عنده فكرة الحل ايه ؟؟؟؟؟؟؟

الحل فى التوكيل علشان الكود ده
توكيل كينوود فى
شارع احمد عرابى المهندسين اول عماره على الشمال

المشاركة الأصلية كتبت بواسطة m7mda7md

مبقتش تفهمني يا هوبا هههههههههههههههههههههههه.. ....انا قصدي ان العضو الفاضل ‏‏"الشاعر‏"‏ تقريبا شاف خشب سميك عن ال عند الصنايعي ف بقوله جايز ال انت شوفته ده كونتر......متهيألي مهما كان سمك ال إم دي اف مع بوره زي الاوكتافيا هتلاقيه ريح في النص و عمل منخفض....زي منخفض القطاره كده ههههههههههههههههههههه

هههههههههههههههههههههه ماشى يا سيدى
^_^

**bam8572** · 22-04-2012 05:03 PM

يا باشا متقولش كده انا تحت امرك فى اى وقت دى اول حاجه
تانى حاجه بقا انت متأكد انه حبيبك اووووووووى زى ما انت بتقول
اولا الصندوق لازم يبقى 18 مللى لو هيعملك صندوق اكبر من ده يعنى بعرض الشنطه من ورا
يستاهل ال 90 جنيه
لكن لو هيعمله بأقل من 18 مللى او الكلام ده هيبقى الصوت زى الزفت زباله
نروح للبورده
انا كنت عامل بورده ام دى اف لعربيه ريجاتا يعنى تحتيها صاج 18 مللى بردو و جبنها ب 20 جنيه من مغلق خشب
و رحت للنجار فتح السماعات و قطعها اخد 10 جنيه
و رحت جبت كوله و موكيت ب 15 جنيه
يعنى وقفت عليا البورده ب 45 جنيه
السماعات انت ممكن تروح تجيبهم من التوكيل ب 350 جنيه معاهم ضمان 3 سنين
لو دول اوريجنال و بلكرتونه يعنى انت اول استخدام و معاهم الضمان
اتكل على الله اقل من كده ملهمش لزمه
نروح للجى ام
السيمفونى الجديد بلضمان من شارع الازهر و ضمان 5 سنين 600 وات هيقوم الصبايه طلقققققه و انا مركبه عندى مقوم 3 صبات و مقالش اى حاجه ابدااااا
تمنه 550 جنيه
انت متأكد ان ده صحبك و حبيبك اوى كده
امال لو غريب كان عمل معاه ايه

والله انا لازم اقوله على كلامك دا كله

طيب انا اعمل ايه يعنى ياجدعان ؟؟ المحلة كلها حرامية مثلاً ؟؟ يعنى عشان اركب سماعتين وجى ام اقطع مشوار للمنصورة او للقاهرة مثلاً؟؟؟

موضوع الاسعار دا خانقنى

التوكيل انا معرفش توكيل بايونير فين بصراحة وفرق 60 جنيه وضمان 3 سنين دى حاجة ممتازة اوى بس بردو انا معرفش توكيل بايونير فين

وهل انت تعتقد ان اللى ب 290 دى مش مظبوطة يعنى تقليد ولا ايه رأيك ؟

حوار الجى ام بقى مش عارف كام وات لكن قالى انه جى ام اجبار وهيقوم الصباية والسماعات كمان لإن 4 تشانل

حوار الصب بقى مش عارف الحقيقة هو البوكس هيبقى اكبر من كدا بكتير لكن معتقدش بعرض الشنطة كله لإن الى بعرض الشنطة كله دا بوكس بازوكا تقريباً

انت بقى قفلتنى فعلاً من حوار البوردة يعنى انت بتقول بوردتك كلها كلفتك 45 , قول 50 جنيه ياسيدى

بس مش عارف الحقيقة ايه حوار 90 جنيه دى ؟؟

وبينى وبينك انا معنديش الوقت الكافى انى اروح لنجار واروح لفلان وفلان يعى عاوز واحد بس يعمل لى كل حاجة ,, تفتكرى دى جازاتى يعنى انى ادفع فى الحاجة ضعف الفلوس ؟؟؟

البوكس القديم تفتكر هلاقى حد يشتريه ؟؟ ويعمل له كام ؟؟

معلش هتعبك معايا اكتر بقى :(

فى اقتراح غبى عاوز اخد رأيك فيه ,, هتصل بيك مثلاً وانا عنده واقوله ابن خالتى فى القاهرة وكدا وعاوز يسألك على الشغل الى هتعملهولى وانت ياباشا استفسر منه براحتك فى التليفون وبعدها هكلمك تقولى الشغل يسوى ولا وميسواش وايه النظام وكدا ان مكنش يضايقك طبعاً يعنى ,, لو حاجة زى كدا هتضايقك يبقى تعتبر نفسك مقرتش حاجة اصلاً

ومنتحرمش منك مقدماً يابرنس

الموضوع: مشاكل عدد الصوت و حلها هنا ان شاء الله

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مشاكل مش عارف حلها فى الالنترا

استفسارات عن مشاكل فى عربيتى ارجو حلها

مشاكل في نيو النترا ارجو حلها من الأعضاء

عندي مشاكل ومش عارف حلها

مشاكل البنزين و كيفية حلها

الكلمات الدلالية لهذا الموضوع

المفضلات

المفضلات

ضوابط المشاركة