الموضوع: مشاكل عدد الصوت و حلها هنا ان شاء الله

المشاركة الأصلية كتبت بواسطة madaxman

السلام عليكم يا رجاله
انا عندي شبه مشكله هيا متعتبرش مشكله اوي لكن هيا ساعات بتخنقني
انا عندي عده صوت كاسيت بايو 4350 وسماعتين كينوود 500 وسماعتين بايونيير 500 وبازوكا jbl 1000 وات وصب jbl 1100 وات و2 جي أم سوني 600 وات 4 تشانل واحد مشغل عليه البازوكا وسماعتين كينوود وواحد مشغل عليه الصب وسماعتين البايو

المشكله عندي في الأتي
البيز طبعا ميتحكيش عليه ماشاء الله بهز الشارع المشكله بقا ان البيز بقا مغطي ع صوت ع رغم من الاربع سماعات يعني الكاسيت اخره 62 ف صوت انا مش بقدر اجيب اعلي من 17-18 من الببيز وصوت الاغنيه مش بيكون طالع لبرا يعني ال برا صوت بييييييييز وبسسسس وتربل خفيف مش عارف اعمل ايه

فكرت اجيب تويترات بس مش هطلع صوت الاغنيه طبعا


فكرت اجيب سماعات ابواب بتاعه العربيات الحديثه ال بتكون متقفله دي واحاول اركبها عندي ف ابواب الشاهين وكدا كدا عندي خرج 4 سماعات من الكاسيت بس معرفش سعرهم كام وايه الدنيا بتاعتهم

هل من مجيب ؟؟؟؟؟؟؟؟؟؟؟؟؟؟؟؟


ودا الموضوع الاصلي الناس فيه نصحتني بزيرو باور
لو زيرو باور اجيب نوعيه ايه وتعمل ف حدود كام

http://www.nilemotors.net/nile/283344-a.html

بص يا سيدى
هتعيد التقسيمه
جى ام هتخلى عليه السماعات بس و هتطلع صوت بس بدون بيز
و الجى ام التانى بيز بس للصبايه و البازوكه و ادعيلى
^_^

المشاركة الأصلية كتبت بواسطة bam8572

ادى ياباشا صورة الصب بتاعى الى حاسس انى مضحوك عليا فى البوكس بتاعه


http://www.m5zn.com/uploads3/2012/4/...q2a1xlupnm.jpg


http://www.m5zn.com/uploads3/2012/4/...9syi7908c1.jpg

الصندوق صغير و كاتم الصبايه
قفلها فى صندوق اكبر يا اما تقفلها فى صندوق بازوكه
^_^

المشاركة الأصلية كتبت بواسطة أحمد الجندى

أنا عندى فى العربية كاسيت سيمفونى من ساعة ما اشتريت العربية والكاسيت ده فيها والشاشة بتاعته فاصلة خالص ومفيش أى معلومات بتظر قدامى ومش عارف اتعامل مع الكاسيت خالص فهل فيه حد كويس يقدر يبصلى على الكاسيت ويصلحه

حضرتك منين و انا اقدر اوصفلك

المشاركة الأصلية كتبت بواسطة aoa

السلام عليكم
ازى حضرتك

انا عندى استفسار صغير
انا ركبت النهارده سماعتين بايونير 600 وات وصب كيكر 800 وات على جى ام كينوود 720 ... 4 شانل
السماعات حسيتها صوتها مش نقى وكويس مش عارف من ايه , يعنى انا حسيت ان السماعات الاصليه بتاعه العربيه صوتها احلى
دى اعلى لكن مش بالنقاء اللى انا كنت متوقعه خالص
تبقى المشكله من ايه ؟
وممكن اعرف من حضرتك ايه افضل زبط لفلاتر الصوت اللى فى الجى ام لأن اللى زبطهولى عمله اى حاجة ؟؟

شكرا جدا

حضرتك مفيش سماعات اوريجنال 600 وات بايونير و ده سبب عدم نقاء الصوت يعنى مضروبين
ظبطه فلاتر الصوت بتبقى على حسب الجى ام و على حسب ما تسمع الصوت اللى يعجبك
و ده راجعلك انت
اظبطهم بنفسك لحد ما توصل للصوت اللى عاجبك
^_^

المشاركة الأصلية كتبت بواسطة bam8572

ألراجل بقاله يومين مدخلش ولا رد ياجدعان ودى مش من عادته

محدش يعرفه يطمنا عليه طيب ؟؟؟

يا باشا انا موجود اهو بس كنت مشغول اليومين اللى فاتوا دول
شكرا على سؤالك يا كبير
^_^

المشاركة الأصلية كتبت بواسطة alshaer

ياريت حد يسعادنى
الصب عندى كل لمه اعلى البيز عليها يعلى على السمعات كمان و البيز لمه يعلى على السمعات الصوت بيبقى وحش انا عايز اعلى البيز على الصب بس مش السماعات و الصب الكاسيت عندى بايونير 2350
ياريت حد يلاقيلى حل

نوع السماعات ايه و
عندك جى ام و كام شانيل
^_^