الموضوع: مشاكل عدد الصوت و حلها هنا ان شاء الله

المشاركة الأصلية كتبت بواسطة pepo_mp1

انا عندى الصب البانش 15 انش قالى قولتلك عليه قبل كده انا نو معايا جى ام 600 وات كينود
المشكله ان الصب ده 400 وات 200 ار ام اس و الجى ام فى البريدج 300 ار ام اس و انا خايف يطيرلى الصب ولا حاجه اعمل ايه ؟

و عليه سماعتين 400 على جى ام كفايه ولا هزود اى حاجه ؟

لاء متقلقش مفيش حاجه هتحصل
و انك تزود حاجه دى ترجعلك انت يعنى انت راضى بلصوت كده ولا عايز احسن
^_^

المشاركة الأصلية كتبت بواسطة ahmed_mamdouh

صباح الفل يا باشا
بعد اذن البشمهندس صاحب الموضوع ....وانا بقلب على النت على الصبات وال جي ام والكلام ده لقيت موقع امريكي اسمه crutchfield: Car stereo, speakers, home theater, lcd tv, digital cameras
والموقع ده فيه ناس خبراء جامدين جدا
المهم ... شفت فيديو ليهم بس ماعرفتش اجيبهولك بيقولو فيه ان ال rms بتاع الجي ام لازم يكون اعلى من ال rms بتاع الصب ...وممكن انت بقى تقلل الجين مثلا بحيث ان الصب ما يضربش ...لكن مش صح انك تجيب جي ام اقل من الصب في ال rms وتدي للصب ال full power بتاع الجي ام وتخلي ال جي ام يسخن ويضرب منك .... تقبل مروري

اتفضل يا كبير

المشاركة الأصلية كتبت بواسطة m7mda7md

كلام جميل جدا يا ممدوح....المعلومه دي هتلاقي ناس هنا تعرفها بس مش بنجيب سيرتها ، ليه بأه؟....انا عندي سببين....الاول هو التجربه الفعليه علي أمب jvc‏ و معلي الgain‏ بتاعه ع الآخر و الحمد لله مقالش لأ و السبب التاني اللحاليح حضرتك هههههههههههه.....و الحكايه بردو بتبقي مدارس و كل مدرسه بيبقي عندها اسباب و دوافع و في نفس الوقت مفيش جزم بخطأ الرأي الآخر.....ده ميمنعش ان الجي إم الأكبر اكيد هيكون افضل بس زي ما وضحت الاسباب فوق

المشاركة الأصلية كتبت بواسطة ahmed_mamdouh

اصل الراجل شرح الموضوع وقال اسباب مقنعة بالنسبة لان الجي ام لازم يكون اعلى في الباور ...حتى انت اي حاجه بتعليها على الاخر لازم بيحصل تشويه distortion في الصوت لما تعليه على الاخر ...فتخيل انت بقى معلي جي ام على الاخر هيحصل تشويه ناتج عن انك مشغله بأقصى طاقه وهيحصل تشويه بسبب السخونة ودي لازم كده كده بتحصل لان الايسيهات مش بتشتغل في الظروف الperfect من حيث درجة الحرارة ...لكن تعالى بقى هات جي ام اعلى من الصب في الباور هتلاقي ان مثلا لو شغلت ال جي ام بـ 75 % من الطاقه القصوى هيقوم الصب مثلا بـ 90 % من طاقته ..وكده مش هيحصل تشويه ولا سخونة زايدة ...اتمنى تكون وجهة نظري وضحت

+111 ليكوا انتوا الاتنين
^_^

المشاركة الأصلية كتبت بواسطة pepo_mp1

انا متشكر اوى يا رجاله والله

انا نزلت عليت الgain اعلى من النص بشويه الصوت بقى تمام بصراحه و اعلى من صوت فى عربيات اصحابى كتير و انا خدت قرار انى هحطوا فى صندوق بازوكا و اشوف الفرق

بصراحه حتى الان صوت اى بازوكا سمعتها احسن من صوت الى صب فى بوكس عادى بكتيرررررر اوى يتدى احساس بى البيز اكتر من الصندوق العادى بس الاثنين بتسمع صوت بردوا :) صح كده ولا انا غلطان :)

صح علشان البازوكه بتدى مساحه كبيره للصبايه علشان كده بتكون وخده راحتها و بتطلع اقصى ما عندها
^_^

ياباشا انت راجل محترم .. بس تبئا وزير بجد لو عملتلنا شرح
بالصور طريقة تركيب ساوند سيستم كامل يعني سيان لو واحد عاوز يركب
4 سماعات وكاسيت . وزيرو باور وواحد تاني عاوز عدة تقيلة بمعني اصح
تركيب كاسيت عادي ومخراج الي بتطلع من العربية .. وبعدين ال عاوز يركب اوكليزر وتوصيلتو وكدا
متابع بشدة عزيزي

المشاركة الأصلية كتبت بواسطة Ba3shq

ياباشا انت راجل محترم .. بس تبئا وزير بجد لو عملتلنا شرح
بالصور طريقة تركيب ساوند سيستم كامل يعني سيان لو واحد عاوز يركب
4 سماعات وكاسيت . وزيرو باور وواحد تاني عاوز عدة تقيلة بمعني اصح
تركيب كاسيت عادي ومخراج الي بتطلع من العربية .. وبعدين ال عاوز يركب اوكليزر وتوصيلتو وكدا
متابع بشدة عزيزي

للاسف انشغالى طول الوقت مش بيخلينى اقدر اعمل تقرير زى ما انت عايز كده

انا بعتزرلك

^_^

المشاركة الأصلية كتبت بواسطة shark_3li

عايز اسالك يا باشا عن احسن كمبوننت في مصر انا قدامي نوعين محتار جدا بينهم اول نوع ودا حاسس انو احسن الي هو كينوود KFC-S703P ودا ممكن تشوف مواصفاته في جوجل اللي عاجبني فيه انو ٨٠ rms وتاني واحد محتار فيه السوني المشهور في مصر ومنتشر الفترة دي اكيد انت عارفه بس ده ٦٠ rms مش عارف في حاجة تانية احسن من دول ولا اختار من الاتنين دول ولا اخليني في ابواب الباب العادية بس اجيب وات عالي ؟

انا من عشاق البايونير

و ده رأيي الشخصى

^_^

المشاركة الأصلية كتبت بواسطة şahin1993

السلام عليكم

اول حاجة كده انا معايا عربية شاهين موديل 1999 4 سماعات ف عايز اشيلهم خاااااالص واركب عده صوت محترمة عندي شوية اسئلة
1- البازوكا السوني اكسبلود ولا ال jbl ومكان صناعة كل منهم وياريت الاسعار
2-عايز سماعتين ورا جامدين اجيبهم ايه ومكان صناعه كل منهم وياريت الاسعار
3-عايز جي ام يشغل البازوكا والسماعات ولو مش هينفع ياريت تقولوا حل وياريت الاسعار
4-ياريت بقى تحددولي عده صوت محترمة عشان ولا سماعة تضرب ولا تتحرق لحسن انا بعت اللاب بتاعي عشان اجيب عده محترمه ومش معايا فلوس تاني ههههه
5-ياريت بلاش الاراء المتضاربه عشان اعرف انا هجيب ايه لان دماغي ساحت من المقارنات

الف الف الف الف شكر واسف ع الازعاج

و عليكم السلام

بص يا استاذى

البازوكه جى بى ال ( صينى ) ب 650 جنيه

سماعتين بايونير 400 وات هتروح تجيبهم من التوكيل ب 300 جنيه بضمان 3 سنين

جى ام يقوم الليله دى هيبقى سيمفونى 600 وات 4 شانيل ب 550 و علشان لو حبيت تزود حاجه تانيه يبقى موضوع ليها مكان

وصلات الار سى ايه ( rca) هتجيبها من راديو شاك ب 90 جنيه الوصله

الاسلاك اللى توصل بيها يبقى اسلاك 4 مللى لكهرباء الجى ام من البطاريه

و 4 مللى للارضى للجى ام من جسم العربيه

و 2 مللى للاشاره مع الكاسيت

و السماعات كده كده اسلاكها موجوده

الكاسيت لازم يبقى كاسيت محترم علشان تقدر تستفيد من العده دى و لازم يبقى معاه ضمان مش اقل من 3 سنين علشان لو لا قدر الله حصل حاجه

انصحك الكاسيت يبقى بايونير عن تجربه شخصيه ( و لازم هتشتريه من التوكيل علشان الضمان )

تحياتى

^_^