اعمل ايه انا دلوقتي..انا اتخنقت!

**i_Am_Legend** · 21-03-2012 03:03 PM

ليه كدة يا سكريين .قفلتها في وشي يا معلم.انا ماصدقت الاقي واحدة كويسة.وساكنة في شبرا بردوا!.انا بس مش عارف ابتدي منين؟.

**FunnyMickey** · 21-03-2012 04:09 PM

ياعم استهبل واعمل نفسك متعرفش انها اخته واسأله عليها وقوله تعرف البنت دي ؟
وطالما غرضك شريف ايه المشكله
بس اوعي تطلع متجوزه

**Screenplays** · 21-03-2012 04:13 PM

الناس العاقله تبدأ تقف علي ارض صلبه الاول يعني شغل محترم بمرتب محترم + شقه فلو انت عندك كل ده فلازم برضه يكون سنك مناسب عشان تبقي برضه عشت حياتك و متعدش تندب في حظك الهباب انك خيشت بدري زي ناس معانا هنا في المنتدي و بعدين انا شوفتلك موضوع قبل كده برضه مشابه فواضح ان اي واحده حلوه بتلفت نظرك علي طول فاتمني تكون عرفت ليه رديت ردي السابق و انا بنصحك لوجه الله

**i_Am_Legend** · 21-03-2012 04:28 PM

يارجالة .انا الحمد لله عندي شقة.وشغلي كويس الحمد لله وماشية.وسني شهر 10 الجاي 27 سنة.ايه رأيكم في الكلام دة.وزهقت من حياة الوحدة.واللاجديد اللي انا فيه دة!وغير كدة العيلة كلها بتصوت عايزني اتجوز.واخواتي البنات بيزنوا عليا اتجوز.

**أبو صلاح** · 21-03-2012 05:21 PM

المشاركة الأصلية كتبت بواسطة i_am_legend

يارجالة .انا الحمد لله عندي شقة.وشغلي كويس الحمد لله وماشية.وسني شهر 10 الجاي 27 سنة.ايه رأيكم في الكلام دة.وزهقت من حياة الوحدة.واللاجديد اللي انا فيه دة!وغير كدة العيلة كلها بتصوت عايزني اتجوز.واخواتي البنات بيزنوا عليا اتجوز.

توكل على الله
دوس يا معلم

وافضل الطرق الخط المستقيم
كلم اخوها مباشرة واحكيله القصة بمنتهى الصراحة ومن غير حوارات او تزيين

وطالما هو شاب برضه فاكيد هيتفهم الموقف كويس وهيساعدك

بس الاول روح للمحل اللي كنت فيه اسال اذا كانت آنسة ولامتزوجة

**i_Am_Legend** · 21-03-2012 05:48 PM

النهاردة بالليل وانا مروح.هاعدي علي الراجل بتاع المحل.وهحاول افهم منوا اذا كانت مخطوبة ولا ايه الدنيا.بس انا ماليش كلام معاه قوي.ربنا يسهل

**أبو صلاح** · 21-03-2012 05:50 PM

المشاركة الأصلية كتبت بواسطة i_am_legend

النهاردة بالليل وانا مروح.هاعدي علي الراجل بتاع المحل.وهحاول افهم منوا اذا كانت مخطوبة ولا ايه الدنيا.بس انا ماليش كلام معاه قوي.ربنا يسهل

ما تقلقش شعب مصر بيحب يخدم من القلب في الحوارات دي

**shaddadfalcon1** · 21-03-2012 06:37 PM

ربنا يوفقك ان شاء الله واعتقد السن كده مفيش لا احلي ولا اجمل ولو استنين اكتر هيبقي بايخ بصراحه وشوف برده البنت واقعد معاها في بيتها طبعا جايز تطلع محطوبه وحاول تنجز عشان متعلقش نفسك وفي الأخر تطلع مرتبطه او مخطوبه او مش مناسبة ليك وترجه تتصدم

انا كنت قريت ليك موضوع انك مرتبط بواحده وبتحبها بس مش متاكد ان انت ولا لآ

**i_Am_Legend** · 21-03-2012 06:47 PM

ياجدعان انا استويييت في حوار الجواز والخطوبات دة..وخطبت مرتين قبل كدة.ومراراتي اتفقعت خلاص.انا عايز اتجوز واخلص.مابقاش عندي وقت للتجارب والفشل.واكتشاف اخطاء الغير.كفاية تجارب بقي.