الموضوع: استفسار عن فيات برافا موديل 2001

السلام عليكم
ممكن يكون فيه مشكلة في الايدل كنترولر..........فيه ناس بتقول انه ممكن يتنظف..........و ممكن تسأل اللي انت اشتريت منه لانه اكيد حايكون عارف ايه المشكلة اللي في عربيته

المشاركة الأصلية كتبت بواسطة samyyousef

السلام عليكم
ممكن يكون فيه مشكلة في الايدل كنترولر..........فيه ناس بتقول انه ممكن يتنظف..........و ممكن تسأل اللي انت اشتريت منه لانه اكيد حايكون عارف ايه المشكلة اللي في عربيته

المشكلة ان صاحب العربية مابيفهمش فيها خالص وكان رميها عن الميكانيكى على وضعها كدا وانا الى توليت امرها ومحتار ناس تقولى الحساس وناس تقولى دا المارش وناس تقول رشاشات مش عارف اعمل اية والله بس عموما انا متشكر اوى لردك عليا وان شاء هلاقى حل

ربنا معك....و يا ريت لما توصل لحل .......توضحه لنا حتى تعم الفائدة..........بالتوفيق

بص يا باشا دا حساس بوابه الانجكشن اللي هو حساس الايدل
وعلى ما اعتقد ان الحساس دا بيتباع لوحده عادي وبتغيره ودا بالنسبه ان السلانسيه بيعلى ويوطى

انما بالنسبه انها بتبطل وتدور بعد نص ساعه او حاجه فممكن يطلع طرمبه البنزين بتسخن فبتعلق وتفصل وبمجرد ما بتسبها تريح شويه بتشتغل عادي تاني

والمشكلتين دول كانوا عندي في العربيه بتاعتي وطلعت دي العيوب
وشوف بردو ولو احتجت حاجه قولي

اخي الكريم صاحب المشكلة ارجو ان نتواصل لان عندي نفس العربية ونفس المشكلة فنساعد بعض
رقمي 01144862628

المشاركة الأصلية كتبت بواسطة korky

السلام عليكم ورحمة الله وبركاتة

انا اشتريت عربية فيا برافا موديل 2001 النهاردة والعربية كانت عند الميكانكى بتعمر المكنة تعمير كامل ولينت وكلو تمام مشيت بالعربية وبعد شوية لاحظت ان العربية بتبطل كل شوية اسيبها لحد ما تهدى وتبرد وادور تدور وكلو تمام معى العلم انها لما بتبطل ماتدورش الا لما اسيبها فترة نص ساعة ولا حاجة المهم العيب دا اتطور وفجاة لقيت المكنة بتعلى وتوطى لوحدها كان حد بيدوس بنزين ليها ف سالت ميكانيكى قالى دا الحساس ف انا عايز اعرف اية الحساس دا ولو مش موجود الحل اية ينفع تعديل او يتغلى خالص ياريت الاجابة فى اسرع وقت لانى عطلان ومش عارف اروح شغلى معى العلم انى بسافر كل يوم وماقدرش على المواصلات ولكم منى جزيل الشكر

باش الموضوع بسيط مشكلة الموتور بيعلى ويوطى لواحده ديه عيب شائع فى البرافا ال 1.2 16v انا معياه العربية جبتها من سنه تقريبا بنفس العيب ده مشكلة فى الايدل كونترول فعلا بالعربى حساس البوابة ده تغييرة حاجه بسيطة الاهم بقى انك لازم تغيرة عند ميكانيكى او كهربائى بيفهم فى البرافا وعنده كمبيوتر علشان الحساس ده بيتعملة زى mapping مع الكونترول بتاعك والا العربية برده مش هتتظبط عندى نفس المشكلة بصراحا بقالها سنة ونص وماشى بيها لحد مايبقى معايا فلوس looolz

مشكلة انا بتبطل لواحدها ديه جديده عليا بس برده لازم حد بيفهم فالبرافا اللى يشخصهالك الميكانيكى يعنى لو تعرف حد بيشتغل فالفيا رحله على طول لو متعرفش ممكن اوصلك للى بتعامل معاه
وتقريبا المشكلة ديه هتبقى حاجه اسمها حساس الكرنك لان فالسيينا الموضوع ده بيحصل كتيير

اخير من الواضح ان الميكانيكى اللى عملت عنده العمرة مشتغلش فالعربية ديه قبل كده او خبرتة قليلة فيها
والاحسن كنت تغير الموتور بدل العمرة ووجه القلب العربية مواتيرها مرمية فكل مكان واسعارها مش غالية بس نصيبك ممكن بس تعرفنا العمرة اتكلغت قد ايه تقريبا

السلام عليكم ورحمة الله وبركاتة

والله انا لحد وقتنا هذا شاكك انو مش حساس لان لمبة الرشاش الى بتنور مش لمبة اتشك ودا الى مخلينى قلقان لكن فعلا الموضوع زاد عن حدة وبقت تبطل بمجرد انى اشيل رجلى من على بدال البنزين حتى وهيا واخدة نقلة ف دا مضيقنى جدا لانها لما بتبطل بيفصل الباور والفرامل بتحجر والتعامل بيبقى من الصعب جدا انك تعرف تسيطر عليها وبالنسبة للعمرة اتكلفت فى حدود 4000 جنية وهيا المكنة المستعلة ب4500 بس الميكانيكى قاى انت دلوقتى بتعمر المكنة دى على مزاجك وبتعمل شغل مية مية مين عالم ما يمكن تجيب مجنة جديدة وتمشى شوية ويطلع فيها مشكلة ف قولت يبقى الى موجود احسن هيا فعلا العربية قطع غيارها مولعة نار وقليلة جدا جدا جدا لكن بأذن الله هلاقى الحساس دا وياريت الى يعرف تمنة جديد او مستعمل كام يقولى