الموضوع: خواطر يوميه للسوزوكيه...متجدد

الواحد اتنكد اليوم من ترشيح الاخوان لرئيس
ولكن عسى ان تكرهوا شى وهو خير لكم

اليوم قمت بتركيب مراية الصالون بنفسى
جبتلها وردتين كبار شويه عن ال اتكسروا
ولمبه مكان ال اتحرقت والحمد لله الان فله
الحمد لله العربيه اتظبطت بعد ما ركبتلها البوجيهات الجديده وفلتر الزيت
وفلتر الهواء ... تحس انها فاقت

رحت اليوم اشتريت ريداتير استراد
لعربية اخويا ..اكسل
الريداتير عامل 250ج بعد الفصال وكان معايا الميكانيكى بتاع الريداتيرات
المهم ان الراجل الميكانيكى علشان راح معايا ووركبوا بعد ما اشتريناه
تخيلوا يطلب منى 120ج تركيب وانه راح معايا ههههههههه
طبعا حاجه تضحك مع العلم انى اخدته بالعربيه بتاعتى من باب الورشه ورجعته تانى
يعنى متعبش فى حاجه رحت مصدرله اخويا وخلعت ههههههه
مش عارف عمل معاه ايه

المشاركة الأصلية كتبت بواسطة hm414

مش فاهم؟؟
مين فيكم اللي غير الريديتير
ولو انت او هوا فغيرته ليه بالظبط؟؟؟

عموما الحمد لله على سلامة الألتو


تحياتي

ههههههههههه لا اخويا معاه عربيه هيونداى اكسل وهو ال انا اشتراتله الريداتير
معلش التبس الامر

المشاركة الأصلية كتبت بواسطة waelgam2005

النهارده وانا رايح استلم الماروتى كان معايا واحد صحبى كان هوا اللى سايق لانى اعصابى ضعيفة بقى قولت اخلينى لما اروح بيها العاشر
المهم كنت جايبها من مدينة نصر وانا فى شارع النصر ومش عارف فى انه حته بالظبط بس هوا قبل بنك nsgb كنا عاوزين نعمل ريترن ونرجع عشان نمشى اتجاه النادى الاهلى المهم صحبى كان عاوز يدخل فى الفتحة بتاعه الاشارة اللى الناس ماشية فى وشه هههههه فجاة وقفنا فى نص الشارع والراجل ومش عارفين نعمل ايه لقينا العسكرى بيصوت والناس كلها تزعق وتكلكس واطلع يا ماروتى يا جديد يلى من غير نمررر واللى معايا مصمم يدخل مخالف عشان يلف معرفش اول مره احس انه غبى كدا ههههههههههههه
بس بصراحة انا عزرته العربيه اكمنها صغيره كانت ممكن تعدى ما بين العربيات واقفة مستنيه الاشاره عشان تعدى وكان عاوز يمشى مخالف من قدام العسكرى
ومش هقولكم بقى على الكسر اللى كان بيحصل فى العربيه الكلللللللل بيكسر علينا ياساتر اكمنا صغنططه يعنى
بس الحمد لله رجعنا بالسلامه

هههههههههههه المفروض الناس توسع الطريق مش شيفين العربيه ولا ايه !!!!!
على العموم مبارك عليك العربيه ربنا يباركلك فيها

المشاركة الأصلية كتبت بواسطة axel

موضوع جامد جداااااا يا باشا تسلم ايديك
اخر يومياتي امبارح بليل
العربية قطعت بنزين و انا بدور ع بنزين فضلت ماشي من القاهرة الجديدة لغاية مدينة نصر و لفيت ع شرطة واحدة و في الاخر قطعت و فضلت مقضيها زق لغاية ما لقيت بنزينة وطنية جنب جامع السلام و دخلتها و كنت خلاص روحي قربت تطلع من الزق قبل ما اموت جيه واحد قصادنا حب يعمل فيها اهبل ظبطناه انا و اللي قدامي و وقفناه في الطابور ورا خالص عقبال ما قربت الطرمبة اللي قدام خلصت و مبقاش فاضي غير طرمبة واحدة دخلت اتخانقت مع موتسيكل دخل قدامي بالعافية و بتوع البنزينة مونوا بهدلتهم كلهم و كل الناس واقفين زي الارانب محدش عايز يتكلم بقيت انا الوحيد اللي بتكلم في البنزينة ع كل حاجة غلط حاجة تقرفو العامل يقولي لو كل واحد شدد الدنيا مش تمشي بقوله لو كل واحد شدد و بقي في نظام البلد ديه هتبقي احسن و خد عندك بقي لما بتقلب معايا بوطنية
بعد ما الموتسيكل مون و بعد ما الراجل اللي قدامي مون دخلت موننت و الطرمبة بيشوفوها لقوا خلاص انها بتخلص
و انا خارج جي راجع عشان اعدي من بين العربيتين جيه ورايا واحد ناصح راح داخل في العربية من ورا من الجنب الشمال نزلت لقيت الاكصدام وقع من الجنب المسمار اتكسر :((
و اخيرا رجعت البيت حوالي الساعة 12 و نص ليل بعد معاناة حوالي 5-6 ساعات في زق العربية و البحث عن البنزين

كان معاكم أكسل من موقع الحدث ههههههههههه

انا كنت بمون لما بخلص عشرة لتر او خمسه عشر لتر
بعد ازمة البنزين
بقيت بعمل زيك انتظر لحد العلامة الاخيرة و هذا لانى بقف فى البنزينة من ساعة الى ساعة و نصف
ربنا يكون معاك و معانا كلنا
و ربنا يكتر لنا فى البنزين فى كل بنزينة و يرخص سعره

بالمناسبة روحت اركب غاز علشان ارتاح من مشكلة البنزين
بعد المعاينة للعربية قاللى هيركب الاسطوانة فى الشنطة و هتاخد الشنطة كلها و هايرفعها شوية علشان اعرف اطلع و ادخل الاستبن
وافقت
و لكن رفض السيارة فى الاخر لانها 3 سلندر


الحمد لله على كل حال




0