الموضوع: سواقة ستات.. كفاية بأه.. ارحمونا

تعرفو على قد ما سواقه الستات فيها مشاكل وحرقه دم على قد ما بحس انها كوميديه وباخدها بضحك من كتر مانا مش مصدق وعلى فكره ده مش في مصر بس ده في كل دول العالم معروفه سواقه الستات ان فيها عيوب كتير وتعتبر شتيمه بالامريكي كمان (u drive like a women) شفتو بره وصلت لايه
المهم نرجع هنا لموضوعنا
الحل اللي انا شايفه ان لازم الستات كلهن يعطو شويه وقت وحق لتعليم السواقه (اهتمام) وده بيرجع لجزء كبير على الراجل اللي اكيد علمها (اخوها,ابوها,جوزها) ودي غلطتهم يعني البنت دلوقتي ماشاء الله بتطلع الرخصه وهي مش بتعرف تدي اول وتطلع بالعربيه (شوفتهم بعيني) وانا مثلا كان عندي اخين ولاد اكبر مني وجامدين قوي في سواقتهم فضلت اتعلم منهم لمده 4 سنين ومركز قوي وبحفظ وبجرب عملي من اول ازاي اطلع على الاول وفضلت سنتين كاملين بركن وبس وسنه بمشي في الزحمه (جوه الجامعه او جوه السوق والمنطقه) ولما طلعت رخصه مشيت على الطريق عادي جدا ولا في اي حاجه( عشان متأسس صح ومستعجلتش واخدت خبره كويسه) وكان برضو اخويا بيقولي على خبراته في الطريق (لو تقاطع,متعديش من يمين عشان الناس, لو حد وقف متعديش من جنبه عشان اكيد في ناس بتعدي وانت مش شايفهم. الخ الخ)
كل ده مجاش في يوم وليله ده جه بعد 4 سنين يعتبر نظري على عملي خفيف وبرضه كان في غلطات بس كان الواحد بيتعلم منها متوصلش لدرجه الكوارث
دلوقتي البنت عايزه تسوق اول حاجه تجيب عربيه بعد كده رخصه ويومين الاجازه بتوع الاسبوع اخوها يعلمها وبقيت الاسبوع تروح شغلها بعربيتها
بالذمه ده اسمو كلام دي لو جابت موبايل جديد حتقعد تتعلم فيه اكتر من كده مابالكو عربيه يعني طريق وارواح ناس
انا شايف ان الغلط الكبير بيرجع للي علمها ( اللي اكيد هو راجل) لانه سابها كده من غير ما يأسسها ولا ياخد باله منها ويعرف نقط ضعفها ويعلمها صح
يعني لو مثلا لقيت اختي ولا مراتي كل مره يطلعلها حاجه قدامها تقوم سايبه الدركسيون وتحط اديها على وشها يبقى دي لو عملت اييييييه مش حخليها تسوق ابدا لانها مش عارفه تصلح عيب قاتل فيها وده موجود عند كتير من البنات وانا شفتهم وكنت بلحق انا يا بردكسيون وهاند بريك يا برجلي ادوس فرامل
شويه اهتمام ياجماعه ورفقا بالنساء وياريت تاخدو بالكو دي ارواح ناس وممكن نتسأل عليها قدام ربنا