الموضوع: رأى top gear فى ال hyundai veloster

هو حضرتك متأكد انك ركبت عربيات فرنساوى و دققت فيها من جوة ؟

للأسف اه .. مفيس حاجة حسيت اني مستريح جواها غير الميجات III (فلونس)
207 و 308 للأسف ...not my cup of tea
ستروين .. شكل الدركسيون بيقفلني بصراحة :(

المشاركة الأصلية كتبت بواسطة semsem kane

هو حضرتك ماخدش بالك من المشاركة من اولها ولا اية ؟؟؟؟؟؟؟؟؟؟؟؟؟؟

معلش انا واحد ربنا رزقنى ب120 الف جنية طبعا المبلغ كبير مش قليل فلما احب اركب عربية يبقى اركب عربية تستاهل فعلا مبلغ ال120 الف جنية لكن مادفعش 120 الف جنية واجيب عربية منظر واوبشن وشكرا على كدة يبقى انا كدة حرام عليا وبيضحك عليا وش ( من وجهة نظرى )

فلما الاقى عربية فيها كل المواصفات وب155 الف جنية يبقى اقسط الباقى ماعيش اقسط الباقى يبقى اركب حاجة انظف مستعملة ويغور الزيرو اللى بالمنظر دة

اصلى مش هفرح بكلمة زيرو والعربية متنفضة من وسائل الامان وكمان بيبقى فيها عيوب صناعة

وبعدين ياباشا انت لو فهمت كلامى ماكنتش هتقول ان ال 35 الف جنية دول بالنسبالى مش حاجة

وراكب عربية موديل التسعينات ربنا يدينا ويرزقنا وبردة مش هركب غيرها دية حرية شخصية هو انت شايف ان ليها علاقة الفلوس بالعربيات مش شرط على فكرة

من الاخر هو مبدأ طالما العربية فيها كل اللى انت عايزة ومافيش عربية بتسد معاك من اللى طالعين جداد فى فئتها يبقى الحمد لله على النعمة الى ربنا رزقنتا بيها وادينا مستنين

منطق غريب جداً بصراحة خصوصاً ان كلهم عربيات 1.6 و كومباكت في الآخر

المشاركة الأصلية كتبت بواسطة semsem kane

يايوكو المشكلة ان فعلا 75% من الشعب المصرى بيبص على العربية من وجهتين فقط

( الشكل الخارجى - الاوبشن ) غير كدة مابيهموش والدليل انهم بيحجزوا العربية قبل ماحد يجربها

وهيونداى مسيطرة عشان قدرت تحقق دة

اسلوب استخدام جملةالشعب المصري و كدا مش مقبول بصراحة..حضرتك منين؟

المشاركة الأصلية كتبت بواسطة yoko

حلو بس هل ده سبب إنهم ميبصوش ل
مستوى الأمان (غبور منفض العربيه من الحاجات العيب دي)
السلعة المعمرة دي هتعمر قد إيه (ربنا يخلي الفرنا والماتريكس اكتر عربيات شفتها بتسقف)
فيه حاجات كتير غير الأوبشن والشكل تهم الناس في السلعة المعمرة مش بس الي بيحبوا الجري

طب ما هو عربية كومباكت مفيهاش ايرباجز احسن 100 مرة من عربية صب-كومباكت زي الفييستا و البولو (رينج 120 : النترا * بولو * فييستا ... اكيييد النترا اكتر امان حتى لو متنفضة... انتوا بتكلموا في اية؟؟)

الفيرنا بتسقف و سبحان الله شغالة تاكسي و لا الهوا
بلاش الفيرنا خالص
كنت راكب تاكسي في دبي هيونداي سوناتا 2009 ... عارف كانت ماشية كام ؟؟

650 الف كم (طبعاً مفيش تعليق على حر الخليج)
اعتمادية هيونداي-كيا مش عايز حد يتكلم عليها تاني لو سمحتم بعد كدا
PERIOD

المشاركة الأصلية كتبت بواسطة CryptonX

هاتلي سيارة واحدة اوروبية تحت ال 120 فيها الاشياء الاتية :
- 1600
- سيدان
- اوتوماتيك
- وسائل امان
--

اسهل عليك ... مفيش ...
فالموضوع بيبقى اضطرار للتضحية و تجيب حاجة قريبة لدرجة ما و شكلها معقول و فيها باقي الاولوليات ... و كدة ولا كدة كلها 6-7سنين و تغير تاني .. مش حتفرق معايا بقى تسقيف ولا يحزنون ..

ببساطة محدش بيقول ان الي بيشتري الانترا 2012 مثلا انها احسن عربية في العالم ! لا انا عارف ان ممكن الابيزا مثلا الي بي نفس ثمنها تكون افضل في السواقة و في الامان ! بس انا بكرهها و بكره مقصورتها التعبانة و بكره قصرها و ضيقها على سيارة ب 126 الف !
نفس الكلام لللايفو ... بس مع فارق ان عيبها الوحيد هو محرك البطة والتوكيل و الضيق برده (كفئة مش كالايفو شخصيا).

ولو تفتكر كنت سالتك زمان على موضوع اللينيا الاوتو .. لكن اوماترا لا رجاء فيهم .. بيقولوا انها حتنزل من شهر 7 الي فات !

في الاخر وفي الاول .. اذواق ..
بس مش لازم كل ماحد يشتري عربية هيونداي ... ييجي فريق ال drag ricers و يقولك دنت راكب عربية ورق و بتلف و بتنط و بتعوم و بتنفجر و بتولع و مفيهاش وسائل امان .. !

بصراحة موضوع ان كل ما واحد يشتري كوري الناس تحسسه انه غلط دا انا افتركته موضة و بطلت و كان كلام ناس كبيرة و قديمة... لكن للأسف برضه لسة ناس دماغها زي ما هي خصوصاً اللي بيقول الشعب المصري بيتضحك عليه دا

المشاركة الأصلية كتبت بواسطة semsem kane

يعنى حضرتك شايف كدة

طيب بنسمع لية واحد جاب بهيونداى 220 وهية اصلا بتبقى عاملة زى الريشة بعد ال 140

لو هنيجى للفيرنا طبعا مش هنتكلم كتير سمعتها سابقها فى كل حتة

لو هنيجى لل RB والله ماتغيرت كتير بعد 130 حسيت انى راكب الهواء وسايقة

لو هنيجى للالنترا بعد 150 نفس الكلام العربية فرقت

يعنى الناس بتجرى اهوة وبتطير وبتسابق يعنى عايزة تركب عربية عشان تجرى بيها , يبقى حضرتك بقى ماتقولش عشان 75% من الشعب المصرى بيركب عربية عشان اداء مهمة

محدش بيركب عربية لمجرد اداء مهمة لازم هيجيلك وقت وتبقى عايز تجرى

وفية بقى حاجة بردة حضرتك تبقى عارفها ( ماينفعش ادفع 128 الف جنية فى عربية من غير اى وسائل امان ) حرام عليا والله

تخيل كدة بدفع 128 الف جنية فى عربية ( اتوماتيك - تكييف - باور - سنتر - تيبترونيك - ECO MODE اللى مالهوش اى تلتين لزمة منظر على الفاضى - وحبة بقة الحاجات اللى بيقولوا عليها اوبشن ولو اى حد جابها مش هتعمل معاة 1000 ويركبوا فى عربية موديل السبعينات - كورى )

مش هو دة الاوبشن اللى فى العربية اللى ب128 الف

هو لية اهم حاجة عندك الثبات على السرعات ؟ في ناس جايبة العربية عشان داخل المدينة بس على فكرة و محدش قال ان العربيات دي لازم تكون ماسكة زي الخرسانة في الأرض يعني و بعدين العربيات الخفيفة موجودة في كل الماركات ...
روح يا شيخ الله يسهلك

المشاركة الأصلية كتبت بواسطة Mohab.Nabil

ههههههه اسلوب حضرتك دايما بيعجبنى بحسه زى ما تقول السهل الممتنع


هو فعلا يا جماعة المشكلة دايما فى المدافعين عن السيارات الاوروبية انهم بينسوا ان الموضوع فى العالم كله و فى مصر خاصة معادلة كاملة العربية نفسها جزء كبير منه بس مش هى كل حاجة فممكن عربية تبقى احسن من التانية بس بعد ما تدخل المعادلة العربية الاقل منها " فنيا " تكسب عشان اعلى منها كتير فى الاجزاء التانية فى المعادلة زى اعادة البيع و اسعار قطع الغيار و التوكيل و و و

اصلاً في اوروبا بدأوا يشتروا كوري لأنهم شافوا انها بقت value for money اكتر من الاوروبيات عادي يعني ... خصوصاً الsuper minis
المهم الناس تقارن العربية في الفئة بتاعتها بمثيلتها من غير ما يحطوا الماركة في اعتبارهم لان في شركات زي تويوتا بيطلبوا سعر عاالي عشان العلامة اللي عالكبوت مش اكتر

حد لاحظ ان الكوري بدأ يغلى في جميع دول العالم؟؟