الموضوع: رأى top gear فى ال hyundai veloster

المشاركة الأصلية كتبت بواسطة CryptonX

في مصر ... مينفعش تركب على مزاجك ... دي مقولة خاطئة .. حتلبس في الحيط لوحدك ...

على كده محدش هيركب عربيات نظيفة..؟!!

صديق لي معاه 400 الف جنيه ... قلتله اخلص ... هات يا 320 ي C250 ... قالي لا انا زهقت !
راح جا ب Audi A4 1.8T ب 380 الف - و الي هي مفروض منافس محترم للماركات دي
حلو ؟؟

btw: الـA4 بتهاندل احسن من الأثنين,
موتورها وفتيسها أجمد من الـ320, وأوسع وComfort عنها,
وشاسيه, عفشة و Road-Holding أعلى من الـC250.. فقط موتور الـCGi اقوى فـ الـMerc.

العربية عاملة 10 الاف كم جميل ؟
زود زيت 3 مرات و التوكيل مش عارف المشكلة فين ... كل مشوار طويل يلاقي العربية بتاكل زيت !

طبيعى جدا فى مواتير VAG الـTFSI انها تاكل زيت فـ أول 10,000..؟؟!!!
دا موتور مشحون جبريا (تربو), وحقن مباشر (FSI)..
مش عايز أقولك فـ السواقة الـSpirited لاااااااااازم يتعملها Top-Up للزيت كل كام ألف.. عادى جداااا
مش مشكلتنا ان التوكيل مايعرفش حاجة منتشرة جدا فـ مواتير الـTSI/TFSI

المشاركة الأصلية كتبت بواسطة semsem kane

يعنى الناس بتجرى اهوة وبتطير وبتسابق يعنى عايزة تركب عربية عشان تجرى بيها , يبقى حضرتك بقى ماتقولش عشان 75% من الشعب المصرى بيركب عربية عشان اداء مهمة

محدش بيركب عربية لمجرد اداء مهمة لازم هيجيلك وقت وتبقى عايز تجرى

ياعم بيجروا وبيغرزوا وبيسوقوا بتهور عاااااااااادى جدا زى أى واحد راكب عربية "جراية"..
لكن معظمهم مايعرفش ان العربية عشان تجرى, لازم يبقى كل حاجة فـ العربية على مستوى قوة الموتور.. الثبات والتحكم والفرامل...etc.

عشان كده بنقول هى مش عربيات "جرى".. ولا ليها فيه.

المشاركة الأصلية كتبت بواسطة ashouhdy

لا اركن بقى عند الكارينز يافورميولاتر هههههههههههههه انا سقت كتير ولسة سايق اوروبى 2012 وبصراحة تقريبا عبارة عن كورى بتقفيل تابلوة جلد !!

الفلوينس اللى انت جربتها يا شهدى.. مش هى كل الأوروبى, ولا حتى مقياس لعربيات رينو نفسها..!!
وتجربتك (ماتزعلش منى) لا تعتبر indication لأى حاجة..؟!!

انا بقيت مقتنع ان الاوروبى يعنى 200الف وطالع

لا معلش ياشهدى, ده أكيد عشان انت اللى ماركبتش يابرنس..
الاسترا الجديدة عادى وتربو, الجراند والبرافو تربو, الأبيزا والليون الـDSG, الفوكس والفييستا... أقول تانى؟؟؟!!
كل دى عربيات فـ رينج الـ200 ألف.. وأجمد بكتيييييييير وعربيات Fun-to-drive اكثر من عربيات أغلى منها..!! وهتعجبك (كـ شهدى) لو سوقتها.

أنا مش عارف انتو ليه بتقيسوها بسعر العربية يا جدعان؟؟؟!!

المشاركة الأصلية كتبت بواسطة ashouhdy

وشوف الدينو حيديك كام على اى عربية سيراتو

أنا عامل Topic قبل كده عن الجزئية دى.. وجبت صور وCharts لكذا سيراتو مطلعة مابين 89-92 حصان عـ الدينو عند عادل وجدى.
من أصل 124 حصان.. يعنى (المفروض) الـTransmission والـDrivetrain بيهدروا اكثر من 25% من الباور بتاع الموتور..؟؟!!!!!!

الرقم ده مستحيــــــــــــل نظريا وعمليا وهندسيا فى عربية FWD حتى لو الفتيس أوتو..
يبقى كده التفسير الوحيد:
أرقام الأداء الـClaimed من كيا كاذبة.. والموتور ده مابيطلعش 124 حصان من على الكرنك.
يعنى الحصنة دى كورى..!! هههههههههههههههههههه

وسؤال بقى اذاى عربية فيها ebd و اوروبى وتلف مع كبسة الفرامل لو نص على اسفلت ونص على رملة ناعمة ؟!

مانا قولتلك, انا معرفش الـParameters اللى انت اعتمدتها فـ تجربتك؟؟؟!!
ضغط الكاوتش كام؟؟ الفرامل كانت مطبعة ولا العربية لسه زيرو؟؟ العربية خرجت منك Out-of-Control ولا عرفت تلمها (ولحد فين)؟؟!!!
فيه حاجات كتيييييييييير ياشهدى تخلى تجربتك مش عملية, ولا يؤخذ بيها..
أصل اللى انت بتقوله برضه Weird؟؟؟!! دا الميجان II اللى قبلها عمرها ماكانت بتعوم ولا تـSpin حتى فـ السواقة العنيفة؟؟!!!

المشاركة الأصلية كتبت بواسطة CryptonX

اقولك حاجة ؟
بمناسبة AutoTPS :)
الWebmaster بتاع الSite اعتقد .. صاحبي .. اسمه كريم ياسين :)
و ده الي عمل Egytuner :)
عارف معاه ايه ؟
Speranza M11 :D
بعد ماكان معاه جولف و بولو ... و انا احترم اي كلام منه :) و مبسوط بيها الحمد الله D:
و راجل مرتاح يعني مش مزنوق ولا حاجة D:
(اذواق بقى)

أنا مش بتكلم فـ اختلافات الأذواق بين الـCustomers يا كريبتون..
أنا بتكلم فـ أيـــــــــــه:
لو سألت صاحبك ده, الـM11 ولا الجولف فـ الجرى والثبات والهاندلينج والأعتمادية؟؟ هيقول أيه؟؟؟!!

طب مانا برضه أقولك على ناس اعرفهم جابوا الـM11/12 دول.. حساسات ضربت, طلمبات قطعت.. ولمبات وشاشات طفت..؟!!
والله واحد ضربت منه كنترول عشان عيب فـ الضفيرة؟؟؟!!!

المشاركة الأصلية كتبت بواسطة CryptonX

Hyundai i30 .. المفروض انها GAMMA I الي هو 122 حصان ... ( بتاع السيراتو و الالنترا الشكل القديم)
ببنزين 95
Hyundai i30 Stock Dyno - YouTube
Hyundai i30 1.6 (Gamma) Stock Dyno.
89,5 kW / 165 Nm
Fuel: Normal 95E
89.5 KW = يعني 119.9 حصان .. قول 120 ياعم .. معلش سرقوا في 2 حصان ؟ D:

e Respect يا كريبتون, الفيديو ده ولا يلزم..!!
اعتقد كلنا متفقين ان محدش يعرف موتورها ايه (ماليش دعوة باللى مكتوب, دا حتى حسام قال 2000cc),
معدل فيها ايــــــــــه؟؟ فلتر ولا Re-map ولا شكمان؟؟؟!!!!!!
ولا حاطط بنزين ايه, ولا درجة الحرارة-الضغط الجوى-والأرتفاع عن سطح البحر ايه؟؟؟!! ممكن يبقى كل ده Blue-Print

عايز تشوف مواتير الهيونداى-كيا.. الـGamma/Theta بتقرأ كام على الدينو, طالع منتديات الـKia/Forte والـGenesis, وشوف الأرقام بتتكلم فـ كام؟!!
لكن ماتجبش فيديو تايه من اليوتيوب, محدش يعرف عنها اى حاجة..

المشاركة الأصلية كتبت بواسطة Hosam_Optrawy

98.3 يعنى 133.65 ps

دا الموتور ال 2000 سى سى اكيد اللى هو 143 حصان يعنى نزلت 10 حصان

أهو ياعم... كلام تانى خاااااااااالص على موتور مختلف أصلا؟؟؟!!!!!!
تأكيدا ان الكلام (Technically) مش منطقى:
أفضل عربيات الدفع الأمامى, وأقلهم فـ تهدير الباور بتاع الموتور.. بعد الجيربوكس والـDrivetrain مايركب.. بتطير من 8-12% من الهورسباور الـGross.
(دى كمان عربيات الشركات المتقدمة.. اللى بتعرف تقلل الفقد من الموتور, وبفتيسات مانيوال)..
الآسيوى بيهدر من 15-18%, وممكن يوصل لـ25% فـ الهندسة التعبانة مع فتيس أوتو..!!

هنحسب على 8% أفضل حاجة:
يبقى الموتور الـ1.6 122حصان.. هيطلع 112 حصان..؟؟!!!
والموتور الـ2.0 143حصان.. بيطلع 131 حصان..؟؟؟!!!
جبتوا الأرقام دى منيــــــــــــــن يا رجالة؟!! ولا هى هيونداى-كيا هيبقى عندها حصنة كورى زيادة ومش هتقول عليها..
معلش: ده أى كلام فـ أى حته.. على رأى ياسر الصياد. ههههههههههههههههه

المشاركة الأصلية كتبت بواسطة Hosam_Optrawy

بص موضوع البرافو دى اكيد متعدل فيها حاجه مينفعش عربيه استوك تتحط عالداينو تطلع احصنه زياده :)

لا والله.. ستوك, ولا حتى فلتر.. واسألوا Titish (وعادل وجدى نفسه عنده backup للـChartــات)..!!
الجراند التربو 120 طلعت 118 حصان WHP
والبرافو الـ150 طلعت 143 حصان WHP.. ودى متوسطات 3 run لكل عربية..؟؟!!!

ده فى مصر, بنزين 95 مضروب, وجو حر.. ومعرفش ظروف الأرتفاع عن سطح الأرض؟؟

عشان كده فـ أوروبا الكلام بيختلف..
المواتير الـ120 T-JET بتطلع 132-139 حصان من على الـFlywheel (يوصلوا 120 على العجل).
والمواتير الـ150 T-JET بتطلع 160-163 حصان Flywheel.. و 150 عـ العجل..!!

ايـــــــــــه يا جدعان, ماشفتوش الـThread اللى العبد لله كان عامله من فترة فـ قسم الفيات.. بالدليل وCharts الدينو والفيديوز:
http://www.nilemotors.net/Nile/210315-t-jet-120-a.html

أى خدمة,
عشان بس لما نقول ان فيه ناس بتقيس من عـ الـWheel, وناس بتقيس من على الـFlywheel.. تبقوا تصدقوا.
وبرضه لما نقول حصان أوروبى = 1.25-1.3 حصان كورى.. محدش يتكلم. هههههههههههه