الموضوع: الفرق بين طقم الدبرياج الاصلي و المضروب

المشاركة الأصلية كتبت بواسطة Axel

متشكر جدااا لحضرتك
بس ممكن شوية معلومات اضافية
طقم الالتو او اخد الطقم و اروح بيه
و بالنسبة الطقم كان متبرشم و لا كان محفوظ ازاي و اخدت مسمار التثبيت معاه و لا لأ ؟؟
و اخبار الطقم معاك ايه سواء اي مشاكل واجهتك و بقاله أد ايه ؟؟
و هل فيه اي علامات تانية اخد بالي منها غير العلبة يعني مثلا طباعة ع الطقم تدل انه الاصلي و العلبه علبته او مش تقليد او اي ملحوظة ؟؟

مش عارف الألتو ايه نظامها وبينزلها ولا لأ بس أنا هقولك تجربتي مع أطقم الدبرياج
أنا الأول خالص من حوالي 3 سنين ركبت طقم صيني مضروب مالوش معالم
مكملش معايا 3 شهور وباظ
غيرته بفاليو كوري وكان كويس بس فيه رعشه في الطلعه
الميكانيكي قاللي الطقم مضروب غيره
غيرته بطقم دايكن ياباني وبرضه الرعشه زي ما هي
الميكانيكي قاللي العيب من الفلام أو وش الحدافه
عايز يروح الخراط يتمس عالمخرطه
فكيته ومسيته وركبته الرعشه خفت حاجه بسيطه بس مأختفتش
بعد كده غيرت الميكانيكي المضروب اللي كنت بتعامل معاه وغيرت الفلام وركبت طقم aisn ياباني
الطقم ده كان أنضف حاجه فالسوق وحاليا" بقي زى الزفت
النهرده غيرته بعد ظهور الرعشه مره أخري مع الطقم الaisn + تقل دواسة الدبرياج

ركبت النهرده الصبح الطقم اللي صورتهولك أمبارح باليل والحمد لله الدبرياج رجع خفيف والرعشه أختفت
وبناء عليه أقدر أقول من تجربه أستمرت 3 سنوات أن أفضل حاجه فالسوق الطقم الفاليو
وربنا يسهل بعد أستعماله فتره هكتبلك الجديد .