الموضوع: مشكلة عاطفية...........ومحتشاج مشورة

اهوه
الموضوع بتاع الالماظ أهه

ازيكوا ياقمرات عاملين ايه وحشتونى جدااااااااااا
امبارح وانا قاعده مستنيه جوزى يجى من الشغل يااختى انتى وهى لقيته داخل وبيدينى علبه قالى افتحيها وقولتله هات بفتحها لقيت فيها خاتم قولتله ايه ده انت لاقيه ولا ايه قالى لاقى انا شاريه ليكى قولتله غريبه ده انت مابتحبش الاكسسورات قالى اكسسوار ايه ده الماظ قولتله ياراجل الماظ ايه ده فالصوا وانتى لاقيه فين قالى والله العظيم الماظ وانا اقوله اه امال ايه صادق يااخويا الماظ قالى قيسيه وشوفيه عاجبك ولا ايه ودخل الحمام وخرج قالى عجبك وريهولى فى ايدك كده قولتله ده ادم اخده يلعب بيه قالى انتى بتهزرى قولتله لا بجد اخده فجره علشان يجيبه منه ليخبيه هنا ولا هنا
فااستغربت قولتله انت بتجرى كده ليه امال لو حقيقى قالى يابنتى والله العظيم الماظ والفاتوره اهى قمت مصدومه كده قولتله طب انت جايبه ليه انا مابحبش الالماظ بشوفه زى الاكسسورات كده ومن ساعتها وانا محتاره ارجعه ولا اخده

ودي الردود عليه

خديه متكسيفيهوش خليه حتى كدا ذكرى يعنى جايبلك هديه تحرجيه كدا وترجعيه كمان

اية دة فى حد يكسف حبيبة كدااا
الماظ هو حد لاقى ههههه ياريت انا حد يدينى فضة هفرح طبعا
ترجعية ازاى هى الهدية بترجع ان مش عجبك شكلو بدلية بدهب لو بتحبى الدهب
بس الابيض اشيك بجد ربنا يسعدكو

ولي ولي لو انا محلك بنبسط كتير حتي لو مش عاجبني ومو فايت راسي
وبقلو مررسي يا عمري ويا نور عيني ويا نبض هارتي

مترجعيش حاجة علشان ميزعلش
انتى قوليله ده جميل كفاية انك جبتهولى
متشكرة قوى وكلمتين حلوين وكده

عارفة واللة كنت باعمل الاول كدة لحد ما الراجل بطل يجيب اى حاجة ىعنى اوفر دلوقتى الطماطم يجيبها بايظة اقولة الطماطم دى هطلع صلصة هايلة

والحلوة الي جاية تهدي النفوس

خافى بقا من الهدايا اللى من غير مناسبة دى وكمان الماظ هههههههه