الموضوع: هو محلات شرايط الكاسيت أختفت فين ؟؟؟

المشاركة الأصلية كتبت بواسطة المنسي

ياااااااااااااااااااه ده كان زمان اوى حاجة كده اسمها شرايط وكان فيه حاجة اسمها كاسيت شرايط متهيالى دول ممكن تلاقيهم فى المتحف او ممكن تلاقيهم سورى يعني فى سوق الخميس وممكن كمان مش تلاقيهم متزعلش انا بضحك معاك

حبيبي واللهي يا منسي ... طيب الغريب اني كنت في توكيل تويوتا من فترة بعمل الصيانة الدورية بصيت لقيت لسه اليارس 2012 بتنزل باكسيت شرايط .

المشكلة ان مصر بيسموها هوليود الشرق ... وسوق الاغاني بيسموه سوق الكاسيت ... فانا حاسس ان بالطريقة دي هيتضرب السوق بجد ... ويمكن ناس تقول احسن مش ناقصين قرف كل من هب ودب بأه يعملو شريط ... معاكم حق ... بس الشريط وتوزيعو هو مقياس نجاح الفنان ... أما دلوقتي هنقيس بأيه أذا مفيش شرايط في السوق ... لأن هز الوسط وهشك بشك مش مقياس لنجاح الفنان ، ده مقياس لنجاح الكليب والرقاصة بنت الراقصة الي طلعه تغني ... فانتا لمن تقول بحب الفنانة دي ... فانتا بتحب وسطها او بتحب وشها مش بتحب فنها ... طبعاً بأستثناء فنانتنا العظيمة أسطورة الشرق الاوسط نانسي عجرم حبيبت قلبي دي نانسي ... فنانة فنانة .

والفنانة العظيمة مريم فارس ... ودي بقة فنها في وسطها سمبتيكة كده ... بس بقيت الفنانين العظام هاني شاكر ... كاظم الساهر ... مصطفى كامل ... وائل جسار ... وجورج الراسي ، دول ياعيني هيشتغلو ايه اذا سوق الكاسيت أتضرب ... يعني معقولة واحد يشتري كلمات ولحن كويس لمجرد الظهور على التلفزيون ... ولا لازم يبيع حاجة علشان ياكول عيش من وراها ... طيب ماهو فكرة الاسطونات بالنسبه لهم فكرة فاشلة لأن اي حد هيشتري اسطوانة هيروح ينسخها لقريبو وصحابو ... في دقيقتين ... ده غير الاغاني الي هتنزل على النيت ... بخلاف شرايط الكاسيت ... صعبة النسخ لأنها بتاخود وقت ، وحتى لمن تسجل أغاني على الكاسيت مبيبقاش الشريط نقي وواضح ... زي ما تشتريه انتا شرى جاهز .

فأنا أعتقد أنهم ضربو سوقهم بنفسهم ...
ممكن نشوف مع بعض الاغنية دي بتاعت الفنان الشاب / أحمد مكي ... وكلماتو كمان ... بس بصراحة أغنية جميلة ككلمات وفكر وهدف ، يحفز الشباب ... يعني فعلا انسان راقي عندو فكر عندو موضوع يقدمو للشباب مش بحبك ووحشتيني وشوية كلام فاضي ... تحية ليك ياميكي يابو الشباب ياجدع .

[youtube]http://www.youtube.com/watch?v=fyj14J-g43o[/youtube]
[youtube]http://youtu.be/fyj14J-g43o[/youtube]

المشاركة الأصلية كتبت بواسطة amrfox2002eg

للاسف االشديد هذه ثقافة (take away ) والتى تم تصديرها لينا من الغرب وهم ابعد ما يكون عن تطبيقها وهذه الثقافة منتشرة فى جميع المجالات من مأكل وملبس ومشرب،،،الخ ، وقس على هذا ثقافة القراءة ومتعتها من الكتاب الورقى ومدى ندرة انتشاره حاليا الى جانب الكتاب الالكترونى،،للاسف من صدر لنا هذه الثقافة لا يطبقها فترى الفرد الاوروبى او الامريكى مثلا لا يحمل معه سوى ما يحتاجه فعلا وياليتنا قلدناهم فيما ينفع

ربنا يبارك فيك يا عزيزي ... بجد انتا قلت كلمتين فيهم الشفا واللهي ... بس الي يفهم صح ... ويقدر يحلل كلامك كويس ويفهمو ويقيسوو على حجات كتيرة في حياتنا ... زي انك بدل ما تشتري الحاجة وتتعب فيها لا تروح تسرقها من الانترنيت وتقعد تسمعها والمغني يغني ظلموه ... فبالتالي مش هيكسب والابداع هيموت .

نقطة تانية ... حد جرب يكتب لحبيبتو جواب كده بخط ايدو ... ويحط الجواب في ظرف ويلزق عليه دمغة او طابع ... واديه لحبيبتك كده في أيديها وشوف قد أيه راح تكون مشاعرها اتجهاك ... انا بقول جواب مش ايميل ولا sms . الورق القديم ليه طعم ونكه مختلفة ... ريحة الحبر الي على الجواب ... خطك ذات نفسوو بيدل عن مشاعرك اتجاه الطرف الاخر ، أسلوبك في الكتابه بيدل عن مدى فكرك ... انا بتفرج بشوف الاجانب كل واحد ماشي وفي ايدوو كتاب ... ولو حتى معاه اي باد ماسكو قاعد يقرى فيه مقالات ونشرات وكتب ... ويثقف نفسو النهردة ... تعاله انهرده اتفرج حتى الشباب الي معاهم اي باد ماسكو قاعد بيعمل شات او قاعد بيلعب عليه جيمز او يسمع أغني ... أأأأأأأأأأأأأأأأا الله هو الحجات الغليه دي فقط للعب واحنا جيبينها علشان نلعب عليها ... المكتبات العامة ياعيني ... مفيش حد بقى يروحها ... المكتبات دلوقتي بقت شغالة على كتب الابراج وكتب الطبخ وباقي الكتب مركونة على الرف ياعيني ... وانا ككاتب بطلت خلاص تأليف نهائي وتوبة خلاص ، دور النشر بتسرقك ده رقم واحد رقم 2 مفيش حد بيقرى المضمون كلو بيشتري الكتاب علشان شكل الغلاف والعنوان فقط ورخص ثمن الكتاب رقم 3 مفيش عندنا حقوق الملكية الفكرية ده كلام فاضي ... ومات الكتاب العربي ياولدي في الوطن العربي والي بيألف دلوقتي بس بيعملو اسم في السوق وخلاص .

انا اعرف ان الاجانب علشان يعرفو ينامو تلاقيهم ماسكين كتاب ويقعدو يقرو يقرو لغيات مايروحو في النوم حتى لو رواية جميلة ... حد فينا مثلاً جرب يمسك مصحف حتى ويقرى فيه قبل ماينام حتى لو سورة قصيرة هيلاقي نفسو ... يعرف ينام على طول ومايصبهوش لا قلقل ولا ارق ولا حتى كوابيس ... حتى جربو كده وادعولي . وهتشوفو بنفسكم .

المشاركة الأصلية كتبت بواسطة elawany13

ليه الموبايلات مخصموش منك 51 قرش !!!
خلاص كله بيجوع

ولاد الحرامية بتوع اتصالات خصموا من الرصيد اللى فى موبايل العربية الـ 51 قرش مرتين فى الشهر ده !!!!

هههههههههه ياراجل ياطيب هيا ال 51 قرش دي فلوس بالمقارنة من الي بتهبشو الشركة المصرية للأتصالات ... تقدر تقلي بأمارت أيه ياخدو مننا كل شهر 30 جنية ويقلك اشتراك ... وبأمارت ايه 10 جنيه مصاريف ادارية ... وبأمارت أيه الكاشف يبقى بفلوس ... وبأمارت أيه دليل التيلفونات ب 1.5 جنيه وكل تلات تشهر يجيلك فاتورة 60 وسبعين جنيه مع انك مبتستخدمش التيلفون الارضي خالص غير علشان وصلت dsl فقط لا غير ... ده نصب عيني عينك ... وياريت بتروح الشركة علشان تدفع يحترموك هناك غير تلاقي موظفين شبه سيد ابو حفيظة كده ومن سنة جدي وجدك ويوقفوك على الشباك بالسعات علشان تدفع وبعد ماتوقف طابور يقلك معليش اصل السيستم وقع ... سيستم ايه الي وقع يا أبو سيستم ما تخلصنا بأه ياجدع وبدل مايعتزر عن التأخير تبص تلاقيه يهب فيك ويقلك متزززززززعقش ... تقوم انتا هابب فيه اكتر وتبقى عاوز تجيب رقبتو من جوا الشباك ... علشان كده الشركة ناصحة اتفرج دلوقتي على اي فرع للشركة المصرية للاتصالات هتلاقيهم حاطين على شبابيكهم قفص حديد ... هههههههههه حماية لموظفينهم علشان عرفين ان موظفينهم قولالات الادب ... وممكن اي مواطن يمسكهم ويضربهم بسبب غبائهم مع الناس ... وسوء معاملتهم للجماهير ... ده حتى في البنوك مش عاملين الاقفاص الحديد دي ... عاملين قزاز بس سوكريت وصلى الله وبارك ... حتى الموظفين ياعيني تلاقيهم بيخروجو من باب خلفي ورى السنترال ... خايفين لحد من المواطنين يكون مستنيهم بره هههههههههه . وحتى حقك كمواطن او كعميل انك تطلب فاتورة مفصلة لأستهلاكك يقلك 15 جنية روح وردهم في الخزنة وبعد ماتوردهم يقلك لأ انتا معندكش زيرو مينفعش تجيب كشف بينات ياسلالالالالالالالالالالا م . ويخافو يدولك كشف بالنمر ... لأن عارفين ان المبالغ الي بيحطوها دي مبالغ وهمية وفواتير أعتباطية ...

غير شركات الموبايلات المحترمة الي بعد ما تتكلم يقلك رصيدك كزا على طول واتكلمت بكزا ... وبعدين انتو ناسين ايام مكان في شركات نصب واحتيال واشتراك النيت في الشهر ب 250 جنيه ده غيررررررررر ساعة التيلفون ب 6 جنية علشان تخش على النيت ... وكان كل شوية بيقطع النيت ... وتجيلك الفاتورة التيلفون بالالافاااااااااااااااااا اااااات ... هما مش نصبو علينا دول شفطونا يابه .أيام مكان الدولار ب 4 جنية .

ياعم منسي ... ماهي المصاريف تقلت عليهم ... ورغم انهم قللو سعر الدقيقه 14 قرش ... الا أني في ناس لغايت دلوقتي بيرن رنة ويقفل ... وشغالين مسجات بليز كول مي ... ليل نهار .

المهم هعمل ايه في الكاسيت الي في عربيتي ... مش خسارة ارمية ده يباني تويوتا الدوبل ... معقولة ياربي ارمي اليباني علشان اروح اشتري تايواني .

شريط mp3 زى ده كدة
و عيش حيااتك


ب 15 ج و من موبايلك او اى حااجة ب وصلة aux و اسمع اللى انت عاوزو

و كان فى موضوع زماان ازاى تعمل وصلة aux ف الكاسيت بس انا مش فااكر الصراااحة

btw انت مستغرب من الياريس ابو شرااايط انا شوفت لاندكروزر زيرو ف المعرض و كاسيت شرااايط :O !!!!