impreza 1.6 Turbo charged!!

**vet mitcho** · 07-06-2008 12:58 PM

السلام عليكم ورحمة الله وبركاته

اثناء بحثي على النت عن امبريزا 1,6 متركب عليها تربو
لقيت موقع يوناني لسوبارو
نازل فيه عربيات اظن انها ستوك
نفس المحرك 1,6 بس بشاحن تربو
المهم فيه منه 143 عند 4900 لفة بعزم 21,9 تقريبا تسارع 9,4
و 180 عند 5000 لفه بعزم 26,7 تسارع 8,4
المهم هل النسخة دي فعلا موجودة ستوك و لا ده تعديل
بس شكل الموقع انه الموديل نازل ستوك

المهم لو كده حد يعرف ايه نوع التربو المستخدم
او اي معلومات عن الموضوع ده

ادي اللينك

http://www.grdell.com/subaru-glyfada...ech-imp16.html

**SAbuhashem** · 07-06-2008 01:08 PM

مفيش ستوك
لو الموتور ١٦٠٠ مفيش مناسب ليه إلا الجاريت T25 أكبر من كدة بالسلامة
والبوست ميعديش ٦ أو ٧ لو على الستوك إنترنلس
وهيطلع حوالي ٥٠ Hp زيادة .من التوربو بس

الكيت كاملة مع كل المواسير وال-BOV وال-ECU والتوربو هيدر وال-Intake بتعمل بين ١٠ أو ١١ ألف جنيه

إتجربت على لانسر ١٦٠٠ ١٠٥ حصان مع بعد التعديلات التانية في الكهربا وال-pullys والفتيس والذي منه وكانت نك تو نك مع ال Mivec بدون نايترس أو توربو..

Tanks
Eng.Sherif Shaker

**vet mitcho** · 07-06-2008 01:34 PM

تمام اللي انت قلته يا بشمهندس
انا اللي استغربتله ان موتور السوبارو TS ال 1600 بيطلع 95 حصان
هل ممكن تكزن مقدار الزيادة في الهورس باور حوالي 100% عشان يطلع 180 هورس باور
طيب ممكن يكون مركبينله سوبر تشارجر صغير مع التربو
ازاي ممكن يبقى الهورس باور دي تطلع من الموتور بعد اضافة تربو مع ان الموتور الاصلي 95

الكيت كاملة مع كل المواسير وال-BOV وال-ECU والتوربو هيدر وال-Intake بتعمل بين ١٠ أو ١١ ألف جنيه

يعني ممكن لو ركبت الكيت كامل تكون الزيادة الي 180 و لا الاقصي 143

في اللينك اللي انا حاطه تحس ان ده موديل ستوك

**vet mitcho** · 07-06-2008 01:35 PM

إتجربت على لانسر ١٦٠٠ ١٠٥ حصان مع بعد التعديلات التانية في الكهربا وال-pullys والفتيس والذي منه وكانت نك تو نك مع ال Mivec بدون نايترس أو توربو..

طيب الميفك اظن حوالي 170 هورس باور في الحدود دي
يعني ممكن توصل ال 1600 يكون 180؟

**Ahmed Hassan** · 07-06-2008 04:22 PM

هوه انا اليوناني بتاعي ضعيف شويه

بس الشيء الأكيد ان مفيش 1600 تربو ستوك... ده متركب طبعا.

لو عايز تلعب اللعبه دي.. يبقى بدل ما تصرف على الموتور اللي عندك... تخليه عندك على جنب.. و تشتري موتور تاني من بره (في حاله عربيتك ممكن 2000 و 2500 سي سي) و دول من غير تربو و قوتهم 150/170 حصان ده غير انك لو عايز حاجه اكتر من كده.. التعديل بيدي نتايج جامده عليهم... بس في الآخر كله بتمنه :)

**vet mitcho** · 07-06-2008 04:39 PM

هوه انا اليوناني بتاعي ضعيف شويه

هههه بس الارقام واضحة

طبعا و الله فكرة ال 2000 او 2500 دي كانت مخيشة جوه دماغي(حتى لو مش دلوقتي)
بس حصل حاجتين ورا بعض خلوني اغير تفكيري
1- البنزين غلي واكيد ال 1.6 حتى لو تربو مش هيستهلك زي ال 2000
2-الاهم بقى يا باشا ان تراخيص فوق ال 1600سي سي بقت نااااااار بطريقة غريبة

انت عارف طبعا حجم الاستقرار اللي احنا عايشينه
اظن التربو هو الحل الامثل في الوضع الحالي

**Ahmed Hassan** · 07-06-2008 04:42 PM

الـ 2000 سي سي ترخيصه مش غالي قوي.. المشكله لو اكتر من 2030 سي سي

الحاجه التانيه... فئه محركات Ej زي اللي راكب عندي الموتور الـ 1600 سي سي (اللي راكب عندي) استهلاكه في البنزين اكتر من الـ 2000 سي سي اللي راكب في الليجاسي!!!

**vet mitcho** · 07-06-2008 06:31 PM

المشاركة الأصلية كتبت بواسطة Ahmed Hassan

الـ 2000 سي سي ترخيصه مش غالي قوي.. المشكله لو اكتر من 2030 سي سي

الحاجه التانيه... فئه محركات Ej زي اللي راكب عندي الموتور الـ 1600 سي سي (اللي راكب عندي) استهلاكه في البنزين اكتر من الـ 2000 سي سي اللي راكب في الليجاسي!!!

احمد انا شايف ان 1000 جنيه في السنة كتير كضريبة
وان طول مالحكومة مضيقاها كده عمري ماهجيب موتور اكبر

اما بالنسبة لاستهلاك البنزين في الليجاسي(7,5) هي فعلا افضل من الامبريزا 1600 (8,5)
هو طبعا اظنه في وسط البلد اكيد استهلاكه اعلى مش عارف الرقم بتاعه بالضبط
بس اظن انه موتور الليجاسي مينفعش للامبريزا (صح و لا؟)
اظن موتور الامبريزا 2000 هتلاقيه غول بنزين برضه مقارنة بفئته

**saffey** · 07-06-2008 10:51 PM

السلام عليكم
من ضمن الحاجات الى كزنت قرأتها فى الكاتالوج بيتاع العربية ان المتور ال2000 بيستعمل بنزين 90 مش 95 زى ال1600
و ده طبعا يعنى توفير أقل

**SAbuhashem** · 08-06-2008 03:14 AM

المشاركة الأصلية كتبت بواسطة vet mitcho

تمام اللي انت قلته يا بشمهندس
انا اللي استغربتله ان موتور السوبارو TS ال 1600 بيطلع 95 حصان
هل ممكن تكزن مقدار الزيادة في الهورس باور حوالي 100% عشان يطلع 180 هورس باور
طيب ممكن يكون مركبينله سوبر تشارجر صغير مع التربو
ازاي ممكن يبقى الهورس باور دي تطلع من الموتور بعد اضافة تربو مع ان الموتور الاصلي 95

يعني ممكن لو ركبت الكيت كامل تكون الزيادة الي 180 و لا الاقصي 143

في اللينك اللي انا حاطه تحس ان ده موديل ستوك

في واحد طلع بالتويوتا ستارلت ١٣٠٠ ل-٢٣٥ حصان . بنفس موتور العربية
أي نعم ممكن يوصل ١٨٠ حصان لو اضفنا بعد التعديلات الميكانيكية بجانب التربو .
عندك الشكمان وال-UP وال-Down Pipes وال intake والهيدر وعندك الكامات وتغيير نظام الكهربا والبنزين ، crank pully ، cam pully ، fly wheel ،
و لو غيرت ال-internals ممكن تعدي أكتر من 300 حصان لأن في حالة زي دي هترفع البوست بشكل أكبر .
يا راجل متفرجتش على الدراج بين الهوندا سيفك ١٦٠٠ تربو والبورشه
وجابت الربع مين أكتر من البورشه بأجزاء من الثانية !

المشكلة إنه في رأي مشروع فاشل لأنك هتصرف كتير جداً علشان تجيب ٣٠٠ حصان صحيح من موتور ١٦٠٠ لكن في نفس الوقت بنص الفلوس دي ممكن تجيب موتور ال STI وتكبر التربو و ٦ أو ٧ الآف مصاريف وتلاقي نفسك راكب عربية ٤٠٠ حصان .
لو هتركب تربو يبقى خليك في حدود ال ١٥٠ أو ١٦٠ حصان علشان المشروع يعيش معاك فترة طويلة
بس متنساش الفرامل والعفشة زي ناس كتير عايزة حاجة تجري وبس والفرامل بعدين لما تيجي كاشات :)

Thanks
Eng.Sherif Shaker

الموضوع: impreza 1.6 Turbo charged!!

LinkBack

أدوات الموضوع

عرض

impreza 1.6 Turbo charged!! - انشر الموضوع فى :

-

-

-

-

-

-

-

-

المواضيع المتشابهه

Turbo

E36 M3 Turbo

فولكس تيجوان .... أول SUV فى العالم تقدم charged engines

turbo

الكلمات الدلالية لهذا الموضوع

المفضلات

المفضلات

ضوابط المشاركة