الحل النهائي لمنع المرور عكس الاتجاه

**_hema** · 01-05-2012 09:10 PM

المشاركة الأصلية كتبت بواسطة wael_power

كثيرا نره القائدين الغير ملتزمين بالقيادة يمرون عكس الاتجاه في مناطق عديدة والحل بسيط
مطب معدنى اتجاه واحد وهو عبارة عن مطب بمفصلة محوريه من المنتصف يوجدبه سنون مدببه من الصلب في اتجاه السير العكسي ويثبت بقواعد خرسانية مسلحة تحت مستوي الشارع لاستحاله فكه ويكون مطب عادي في الاتجاه الصحيح.(وهو مصنوع منذ فترة ومثبت في دريم لاند وقري كثيرة) ..مع وضح تحذيرات واضحة للقائدين في حالة المرور العكس يؤدي الي تمزيق الكاوتش
لو اتعمم هذا المطب في المناطق التي تنتشر بها ازمات المرور الناتج عن السير العكس لحلت هذه المشكلة......:f_eyeb1[1]:

والله فكره حلوه وجميله

بس مين ينفذها

شكراً على اقتراحك

**Inteltech** · 05-05-2012 11:03 PM

السلام عليكم ورحمة الله
بما ان الموضوع اتحط للمناقشة فهقول رأيي ان الحل فينا احنا وعينا احنا بس حل المطبات من اتجاه واحد وغيره مش عملي ولاسباب مهمة اولها ؟؟ لو الطريق الجانب الصحيح اتقفل لا سمح الله لحادث او غيره معنى كده بقى ان العربيات تقف في الخطين لحد ما يتفتح الطريق ؟؟ طب في نفس الحالة والطريق مقفول اسعاف او مطافي او شرطة او اي حد من دول اللي مسموح له يعدي معاكس ويكسر اي اشارة بحالة الطواريء هيعمل ايه ؟؟؟؟
هو الحل الوحيد الوعي فينا احنا يعني الواحد من دول بيحاول يوفر كم متر ولا حتى كم كيلو ويتسبب بحوادث موت والجديد بالقصة دي التكاتك طبعا وعلى الطرق السريعة وشوفوا اسكندرية الزراعي مثلا ... بس لازم فعلا الوعي ده يجي من اعلام صح ينبه بمخاطر العمل ده ويكثفوا الحملات المرورية ملهاش الا الحل ده

**BUNSH** · 06-05-2012 01:39 PM

المشاركة الأصلية كتبت بواسطة tutankhamoun

الحل النهائي أن أبن &^%#%$&)#$& اللي يمشي عكسي
يأخدوه منه الرخصة و منعه من القيادة لمدة 6 شهور أول مرة و لو تكرر الأمر يتمنع من القيادة نهائيا بقية عمره المبجل .

هانقعد بقى نلعب حاوريني يا تيتة مع شوية و لا مؤخذة ولاد &^%$$#$&%#$#$^

المفروض الطرق تبقى عادي زيها زي أي بلد في الدنيا و مش هانقعد بقى نتحايل على الناس تمشي و تعمل الصح .

و الأفعال التالية يتطبق عليها برضه عقوبات قاسية :
الخروج عن الحارة أو السير على خط تقسيم الحارة .
السرعات العالية (تعدي السرعة المسموح بها ) مش كل واحد هايمشي بمزاجه .
الغرز و تُعامل مُعاملة السير عكس الأتجاه .
الركن الغبي و الركن الخاطئ ... الركن الخاطئ يكون له عقوبة مالية
أما الركن الغبي تكون عقوبته مد صاحب السيارة أو قائدها على رجله أمام المارة .
و أمثلة الركن الغبي زي كدا (واحد راكن في مدخل شارع أو على رأس شارع - واحد أو واحدة راكنة نص العربية جنب الصريف و النص التاني في الشارع - واحد راكن مثلا على منزل كوبري أو مطلع كوبري - ....... الخ )

الحزم و الشدة في فندم هي اللي الحاجة الوحيدة اللي تنفع في البلد دي فقط لا غير .
هاتقعد بقى تكلف نفسك و الحكومة تتكلف (لو الحكومة اللي هاتنفذ ) من فلوسنا علشان شوية ولاد &^%$#@%@#$%@#$^ مش عايزين يلتزموا بالقوانين .

أحنا ملناش غير الكرباج (و الله العظيم دي حقيقة )