الموضوع: سوبر تشارجر

المشاركة الأصلية كتبت بواسطة yoko

اولا لازم تحط في دماغك الجمله دي
hp cost money
يعني إنسى تزود حصان واحد غير لما هتدفع قصاده
الفرق بين السوبر والتربو
السوبر بيلف عن طريق سير بيتربط مع الكرنك بتاع الموتور ميزته الأساسيه مفيش تأخير في الحصول على العزم يعني أول ما تكبس العربيه هتجري لكن عيوبه أولا بيبقى حمل على الموتور وفي الrpm العالي بيبقى وجوده زي عدمة
التربو بياخد حركته من العادم ميزته بيدي hp عالي على السرعات العاليه وبيزود كفائة الموتور (بيوفر بنزين مقارنه بعربيه بنفس الحصنه) عيبه الرئيسي بيبقى فيه تأخر في العزم يعني بتدوس بنزين بتاخد ثانيتين تلاته على ما العربيه تبتدي تجري

يبقى الإتنين الفرق بينهم ملوش دعوة بنسبه الإنضغاط
أومال غيه موضوع نسبه الانضغاط cr الموضوع ده كبير لكن أهم ما فيه إن لو الرقم ده كبير يبقى نظام الشحن (سواء تربو أو سوبر) مينفعش يعلى قوي عشان العربيه متسقفش سواء بقى البوست ده كان من تربو أو سوبر عشان تزود البوست (تاخد أكتر من 20 أو 25% من قوه الموتور زياده) لازم هتغير البساتم بحيث إنك تقلل الcr وبتكون البساتم ديه مخصوص للكلام ده والمعدن بتاعها معالج والموضوع بيبقى مكلف بهبل بس ممكن تخلي الفرنا تطلع فوق ال200 حصان بس قصاد كل حصان هتدفع مبلغ وقدرة

معلش انا مافهمتش ايه الغلط فى كلامى برضو ماكل ده طبعا لازم يتكلف

المشاركة الأصلية كتبت بواسطة yoko

ربط إن السوبر هو بس الي بيتأثر بموضوع الcr وإن التربو بيعتمد على العادم فقط (وعلى فكره مفيش حاجة إسمها نسبه إنضغاط العادم)

انا كنت اقصد بنسبة الانضغاط ان نسبة ال cr عاليه بس انا مكنتش عارف اعبر بيها بس مش اكتر ولازم يتقلل منها على العموم ادينا بنتعلم من حضرتك ومن خبراتك واتمنى ان تمدنا بكثير من الخبرات

المشاركة الأصلية كتبت بواسطة yoko

على إيه ومعلش لو كان إسلوبي حاد بس أول رد كنت بتغدى ومش عارف أكتب كويس
ومعلش بس بعيد عنك كليه هندسه علمتنا نبقى ديما دقيقين على قد ما نقدر في الكلام عشان ميحصلش سوء تفاهم أو يحصل لخبطة
والكتاب ده وهمي لو حد حابب يقرأ في التربو من كتاب قوي جدا
https://www.dropbox.com/sh/22zajocnb...imum_boost.pdf
وبيتكلم بالتفصيل الممل

+1111111 ان شاء الله هشوفه كفاية انو من ايد حضرتك

كلام جميل يا رجاله بس انتو مش فاهمين قصدي.......انا مش عاوز اطير........يعني هنفرض ان العربيه بتجيب ال ‏100 ف 10 ثواني عاوز اخليهم 8 او 8.5.......مش اكتر