الموضوع: اول يوم تيدا معايا ..... الحمد لله على كل شئ

المشاركة الأصلية كتبت بواسطة ahmed.tv

انا معملتش حاجة غير انى تابعت بس .. لان استاذ خالد انسان محترم جدا وابن حلال .. وحقيقى مكسب لينا كلنا وجوده معانا فى نايل موتورز .. وكان لازم اطمن عليه

واللى يستاهل الشكر الحقيقى بجد شركة اوتوايجيبت والعاملين فيها كلهم .. بصراحة .. ناس قمة فى الاخلاق .. وقمة فى كيفية ارضاء العميل .. وازاى حقه ياخده وهو مرتاح .. من غير وجع دماغ

لقيت كل الشركة من العضو المنتدب الى مدير قطع الغيار الى مدير الصيانة الاخ والصديق الشهم المحترم احمد الرزاز وخدمة العملاء والجميع مهتم بحل المشكلة من غير اى تدخل .. لان هى دى سياستهم انهم يهتموا بالعميل على اكمل وجه .. وبكل طاقتهم .. وبيعتبروا نفسهم انهم مكان العميل دايما .. مش فى صورة شركة بتبيع عربيات وبتعمل صيانات وخلاص وبتدور على الربح فى المقام الاول

من خلال تعاملى معاهم .. وجدت انهم بيهتموا بالعملاء وارضائهم فى المقام الاول .. ثم فى المقام الثانى تقديم خدمة ما بعد البيع باعلى كفاءة باعلى طاقة لديهم.. ثم فى المقام الاخير اكيد الربح

فالهم منا كل حب وتقدير ..

ومعلش قدر الله ماشاء فعل يا خالد باشا .. والحمد لله انها جت على قد كدا

والف مبروك يا باشا .. وان شاء الله نشوفك فى مصر قريب ونتشرف بيك

تحياتى

استاذ احمد انت اخ كبير و بجد انا مبسوط انى اتعرفت على حضرتك وانا استفت كتير من المنتدى و من قسم نيسان جدا جدا .
و الحمد لله ان الواحد جاب العربية من عند اوتو ايجيبت لانهم ناس بتعرف تشتغل باحترافية و دة مش موجود تقريبا فى مصر .
شكررررا جدا لكل الاصدقاء الى فى المنتدى و ربنا يكرمكم جميعا و ان شاء الرحمن نتقابل قريب.