حصري تقرير : شراء هونداي rb (أكسينت أو فيرنا الجديدة)

**BUNSH** · 30-03-2012 04:33 PM

المشاركة الأصلية كتبت بواسطة me_medoo

طيب ينفع اكشط بس ارقام الفين واسيب الاستيكر زي ماهو على العربية ولا. ممكن من الاكواد التانية الي موجودة على الاستيكر يقدرو يجيبو الفين كود وتتسرق العربية
والنقطة التانية ياباشا هما ادولي مفتاحين بس ليه ورومتين فقلتلهم بالعادة بيبقى في تالت مفاتيح فقعد يقسملي الراجل انهم هما مفتاحين بس وريمتين كنترول صحيح الكلام ده لان كل عربية بشتريها بلاقي فيها تلات مفاتيح

شالهم وريح نفسك (اهوة كدة انت بتجيب لنفسك قر وعييين) ,, فال الله ولا فالك (وربنا يسترها ان شاء الله) .. لا احنا استلمنا معاة ريموتين بيتقال علية سكينة (قفل&فتح الابواب-الشنطة) وبيتهيألى بيبقى مفتاحين مش تلاتة ,,

المشاركة الأصلية كتبت بواسطة me_medoo

[size=5][color=black]

هنا بقة ... مسكتو أتخانقت معاه ... فييييييييييييين الاستيكر الابيض ، ده غشاء بكارة العربية ... هو ده الحاجة الوحيدة الي تدل ان العربية جديدة شلتوها ليه

والله نفس اللى حصل معااااااااااى كنت بستلم انا واخويااااا ,, ولقيييت راااااااجل شغااااااال شيل فى حاجة وكنت هاكلواااا قلمييين راااجل سابة ومشى وجابولنا واااحد مسئول من معرض (وقال نفس كلام) وادينا طقم دواسات+ميدالية+فواحة+غطاء !!

**me_medoo** · 30-03-2012 06:46 PM

بس كمان شهادة لله ... شعورك وانتا سايق العربية الهونداي الار بي ... هو هو شعورك وانتا راكب عربية امريكي زي الكابريس الصابونة او الكاديلك او البيوك ... مش عارف هتبقو فاهميني في النقطة دي ولا لأ ... بس الي جرب سواقت الامريكاني ... هيحس بكلامي ...
وبالذات لمن تنيم الكرسي وترفع الدريكسيون وتنسدح كده قدام الدريكسيون ... حتى صوت دوست البانزين والسينس بتعها ... لكن في التويوتا هيا هيا بالضبط مفيش أختلاف عن سواقت الكامري او الكرسيدا ... بس متعة يا أخي سواقتها ودعست بانزينها الهونداي بالذات الاتوماتيك . فعلاً هيا رغم انها بلاستيك الا ان هونداي نجحت توصلك شعور سواقت العربيات الامريكي .

**moh19227** · 30-03-2012 07:19 PM

الف مبروك يا حبيبي وربنا يديك خيرها ويكفيك شرها
بالنسب للسحب اهدي ع العربية شوية دي لسا بتلين :)

**zangry** · 30-03-2012 08:26 PM

الف مبروك وربنا يباركلك فيها ويكفيك شرها

**me_medoo** · 31-03-2012 02:32 AM

المشاركة الأصلية كتبت بواسطة moh19227

الف مبروك يا حبيبي وربنا يديك خيرها ويكفيك شرها
بالنسب للسحب اهدي ع العربية شوية دي لسا بتلين :)

حبيب قلبي ... الله يبارك فيك ... بس انا عندي حكمة في الحياة ... بيقولك ياسيدي الكتكوووووت الفصيح في البيضة بيصيح ، بس كمان معاك حق انا لسه انشاء الله مجربتهاش على سرعات عالية عاوز اشوف الثبات بتعها عامل أيه المشكلة وضع البلد ميطمنش ...

**MNabeih** · 31-03-2012 10:33 AM

المشاركة الأصلية كتبت بواسطة me_medoo

بس كمان شهادة لله ... شعورك وانتا سايق العربية الهونداي الار بي ... هو هو شعورك وانتا راكب عربية امريكي زي الكابريس الصابونة او الكاديلك او البيوك ... مش عارف هتبقو فاهميني في النقطة دي ولا لأ ... بس الي جرب سواقت الامريكاني ... هيحس بكلامي ...
وبالذات لمن تنيم الكرسي وترفع الدريكسيون وتنسدح كده قدام الدريكسيون ... حتى صوت دوست البانزين والسينس بتعها ... لكن في التويوتا هيا هيا بالضبط مفيش أختلاف عن سواقت الكامري او الكرسيدا ... بس متعة يا أخي سواقتها ودعست بانزينها الهونداي بالذات الاتوماتيك . فعلاً هيا رغم انها بلاستيك الا ان هونداي نجحت توصلك شعور سواقت العربيات الامريكي .

100000 مبروك ربنا يديك خيرها و يكفيك شرها

بس انت بتتكلم بجد في حكاية شعورك ان انت راكب امريكاني!!!!!!
و كابريس و كاديلاك!!!
اومال بقي السوناتا تبقي اية.

**koshary** · 31-03-2012 11:24 AM

الف الف مبروك ياباشا والمقاس الاحمر ده بتاع زيت الفتيس وطبعا بيتغير كل 40 الف كيلو علشان تحافظ على الفتيس متنسااش وربنا يباركلك فيها يارب ويملهالك خير وبركة

**amagroup** · 31-03-2012 01:30 PM

انا معايا اكسنت ار بي بقالها شهر ونص شريها من غبور
العربية في المجمل جميلة
بالنسبة للبلاستيك انا شايفه كويس والعربية حلوه اما السحب سعات العربية بتسحب وسعات لأ لكن الخلاصه انا شايفها حلوه

الورق الابيض كان ملزوق عليها وقشرته قبل ما امضي علي الإستلام
تحس فعلا ان في دوشه ورا كانك راكب عربية مفتحه صوت الطريق مسموع من ورا لكن صوت الموتور هادي جدا

العربية فيها امكانية توفير للبنزين بنظام كده تشغله متكش بنزين كثيير ولما بشغلة بتستهلك حوالي ليتر لكل 10 كم داخل المدينة في المشاوير الصغيرة وعطلت المرور الكتيرة (مشاوير من 3 كم إلي 15 كم)
بالنسبة لرقم vin المفتاح انا مش ملزوق عندي علي الزجاج وملقتوش عندي أصلا

وبعدين مينفعش تقارن بين تيوتا يباني وبين الكوري وخصوصا ان تيوتا مستوي تاني ولو اني مش بحب التيوتا بعد مشاكل الفتيس اللي ظهرت فيها انا عندي الكوري يكسب لانه زكي جدا في التسويق وبيريح الزبون وبيعمل مستويات في الامكانيات علي قد فلوسك

**me_medoo** · 01-04-2012 04:34 AM

معلش انا اسف أني أتأخرت في الرد بس حاصلي مشكلة مراتي ياسيدي سرقوها وقامو بالسطو عليها وهيا على المحور وكسرو قزاز العربية وسرقو شنطتها وهيا سايقة العربية اليارس ... أنشاء الله هعمل تقرير عن الموضوع بالحكاية كاملة ... بس مش عارف أعمل تقرير وكده الناس هتخاف وتترعب ولا أقول علي حصل علشان الناس تخلي بالها محتار .

-

الموضوع: حصري تقرير : شراء هونداي rb (أكسينت أو فيرنا الجديدة)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هيونداى تطلق رسمياً أكسينت 2011 الجديدة كلياً

هونداي اكسنت 2007 1400سي سي ام رينو لوجان الجديدة ،،، ارجوا المساعدة

مشكله في هونداي فيرنا 2001

خاص و حصري : صور من الواقع للسيينا ال1500 الجديدة

الكلمات الدلالية لهذا الموضوع

المفضلات

المفضلات

ضوابط المشاركة