حصري تقرير : شراء هونداي rb (أكسينت أو فيرنا الجديدة)

**maruti** · 03-04-2012 03:20 PM

تصحيح صغير يا ميدو لو سمحت يا ريت تاخد بالك وانتا بتكتب لفظ الجلالة ( و الله ) مش واللهي

**hossam_elwani** · 03-04-2012 03:52 PM

المشاركة الأصلية كتبت بواسطة me_medoo

الله يبارك فيكم جميعاً
معليش معرفتش أكمل التقرير من الي حصلي
عامةً نيجي بأه لحتت الجنوط بتاعتها

كحجم العربية هيا اكبر من اليارس بس الي تستغربلو ان في اليارس الجنط بتاعها 15 وفي الهونداي حطنيلك جنط 14 ...
يعني كعادة هونداي مفيش نسبة وتناسب حجم العربية مع الجنط .. ده غير الطيس بتاعتها تحس انها مش قد كده من ناحية الديزين ... يعني في العادة هونداي بتبقى مبدع في حتت الطاسات الي بتبقى شبه الجنوط لكن مش عارف ليه اتسخطت كده وحطة الطاسات دي تعالو بصو كده

أما بالنسبة لشنطة العربية انا عندي كام ملحوظة رغم ان شنطتها حلوة ووسعه

أولاً تحس أنهم حطينلك حتت سجادة كده فوق الجنط الاستيبن ... مش حطين فيبر وحبة افشخنات زي الالمان او اليبان او حتى الامريكان .

ثانياً في لبادة حطينها في ظهر باب الشنطة ... اللبادة دي قصيرة مش شاملة كل الباب يعني تحسها حته كانت فاضله عندهم فقالوا خسارة بدل مانرميها خلينا نركبها في العربية اهي تدي منظر ... وعلى فكرة اهمية الابادة دي انها بتبقى كنوع عازل للصوت داخل الكبينة ... حتى تلاقي العربيات الفخمة بيحطولك لباده حتى تحت الكبوت علشان يبقى كاتم لصوت المتور ومنها حماية وشياكة لصاغ العربية .

دي صورة الاستيبن ... بيجي مع العربية كمان شنطة فيها كوريك الحقيقة شنطة شيك جداً ... وكيس كده في شوية كتب سلاح التلميذ وأضائات علشان تتعلم وتقعد تزاكر العربية كويس ... وبيبقى في الكيس كمان حتت حديدة كده علشان تفك صواميل العجل وترفع الكوريك ... + مفك هدية + ولاعة سجاير هدية + مسامير أموووت وأعرف الماسمير دي ليه وبتاعت أيه ؟؟؟

كمان من ضمن ملاحظاتي على العربية ... صوت الكلكس بتعها ... لايصلح أطلاقاً لجمهورية مصر العربية مع شعب جبلة ... معندهوش أحساس أطرش مبيمعش ... لو زمرت لحد وانتا ماشي يفتكر ان في وراه عجلة (بسكليته ) بتزمرلو ولا توك توك بيقولوا وسعلي ... حاجة كده زي (بييييييييب ) والبيييب دي متنفعش معنا هنا خالص . وخايف اغير الكلكس يجووو في التوكيل يتلككوو ويقلولي العربية بره الضمان .

مبروك عليك تانى مره على فكره العربيه حتفرق معاك تمام لو جنطها 16 وده الجنط الى بينزل فى الفئه الهاى لاين بره ومش عارف بيزل فى مصر فيها ولا لا ... العربيه دى بره فيها خامات وامكانيات غير كده خالص وعلى فكره خامة الطابلوه فى الالنترا حتى اول فئه ممتازه عن بقية هيونداى القديمه

**me_medoo** · 03-04-2012 03:59 PM

المشاركة الأصلية كتبت بواسطة hossam_elwani

مبروك عليك تانى مره على فكره العربيه حتفرق معاك تمام لو جنطها 16 وده الجنط الى بينزل فى الفئه الهاى لاين بره ومش عارف بيزل فى مصر فيها ولا لا ... العربيه دى بره فيها خامات وامكانيات غير كده خالص وعلى فكره خامة الطابلوه فى الالنترا حتى اول فئه ممتازه عن بقية هيونداى القديمه

تسلم يا غالي ... امبارح كنت في الحرفين هناك تصدق لقيت انصاص ار بي مرمية في كل حته ... قلت في نفسي يانهر اسود هيا لحقت اتقطعت ... المهم وصيت واحد على جنوط الانترا الجديدة بفكر اجيبها واركبها عليها ... بس المشكلة بعد مابركب الجنوط مبحبش اركب حد معايه ، لأن اساساً العربية صغيرة هما فاكريني راكب ميكروباص والمشكلة ان الناس كلها بتحب تركب معايا ويبقو عاوزين يقعدو على حجر بعض ورى ... وتلاقي ياعيني العربية متفتسطة كده ومتبططة على الارض ده شوية شوية هيجوو يقعدو على حجري انا شخصياً قدام هههههه

**hossam_elwani** · 03-04-2012 04:12 PM

المشاركة الأصلية كتبت بواسطة me_medoo

تسلم يا غالي ... امبارح كنت في الحرفين هناك تصدق لقيت انصاص ار بي مرمية في كل حته ... قلت في نفسي يانهر اسود هيا لحقت اتقطعت ... المهم وصيت واحد على جنوط الانترا الجديدة بفكر اجيبها واركبها عليها ... بس المشكلة بعد مابركب الجنوط مبحبش اركب حد معايه ، لأن اساساً العربية صغيرة هما فاكريني راكب ميكروباص والمشكلة ان الناس كلها بتحب تركب معايا ويبقو عاوزين يقعدو على حجر بعض ورى ... وتلاقي ياعيني العربية متفتسطة كده ومتبططة على الارض ده شوية شوية هيجوو يقعدو على حجري انا شخصياً قدام هههههه

وجنوط الالنترا الجديده الاربعه يعملو كام تقريبا حضرتك سألت؟؟

**me_medoo** · 03-04-2012 04:29 PM

سئلت بس الراجل بتاع الحرفين قلي ربنا يسهل لمن تيجي هقولك بس مش هيقلو عن ٣٠٠٠ جنية قالي لانهم الجنوط بتاعتها الاصلي

**Elawany13** · 03-04-2012 06:43 PM

المشاركة الأصلية كتبت بواسطة me_medoo

لا ابداً تحت امرك ياباشا ... الله يبارك فيك ... بص ساعتك العربية كانت ماشية لقيت فيها قرايتين بس معرفتش دي بتاعت ايه ودي بتاعت ايه او قرائة 4.5 كيلو والتانية 12.5 فعرفتش انو وحده فيهم الكيلومترات وانو وحده فيهم الرحلات .

بالنسبة لمعاملتهم ممتازة جداً لوله بعض الملحوظات عليهم هقولك عليها ... وبالنسبة لمواعيدهم دقيقه جداً ... وكلمتهم وحده وكل شوية بيتصلو بيك بيطمنوك ان عربيتك وصلت وايمتى ساعتك هتشرفهم علشان يستنو حضرتك .وتلاقي مندوب المبيعات كلامو حلو ويقعد يدعيلك في التيلفون كأنو واحد صاحبك وربنا يحميهالك ورينا يوفقك وربنا وربنا وربنا ..

بس لو هتروح تشتريها نبه عليهم انهم ميشلوش الاستيكر الابيض من عليها ولا يغسلوها قلوهم عاوزه بالتراب بتاع المصنع الي عليها كده .

الملحوظات الي عليهم ... انو لودخلت بنوته حلوة كده وانتا قاعد معاه بتمم في الاجرائات والبنوته دي كانت بتتمشى في مول العرب ولقت نفسها فاضية فدخلت وقالت يالله خينا نتمشى شوية جوا المعرض تلاقي بتاع المبيعات يسيبك ويسيب أبوك ... ويروح يكلمها ههههههههههههههههههه .
والمشكلة هيا مش فاهمه يعني ايه هونداي ولا يعني ايه كيا وايه الفرق بينهم ويعني ايه عربية اساساً ... وتلاقي بتاع المبيعات يلطعك قاعد على المكتب بتاعو وواقف يفهمها يعني ايه عربية ... وانا حاسس انو جواه عاوز يقلي طيب يا أستاذ ميدوو روح لفلك لفة كده في المول لغايت مافهم العميلة واشرح للعميلة ... وياسيدي على العميلة ياروحي على العميلة يا قلبي على العميلة ... بس طبعاً مقليش كده لأنو لو قلي كده كنت هقولوا لا معليش أقعد أنتا تمم أجرائات البيع وعد فلوسك ... ومتعبش نفسك خالص ريح نفسك انا هشرحلها كل حاجة ... يالهوي على بناطيل الجينز ياجدعان يخلي الواحد يتمنى انو يشتغل في هذا المكان .

والنقطة التانية وانا عذرو واللهِ ... انو رمالي العربية بره وفتحلي العربية وقالي يالله استلم يابشا ادي الاستيبن وادي الكوريك وادي الكتلوج عربيتك سليمة يالله أمضيلي هنا وخد بعضوو وجري وقال يافكيك وطار على العميلة ... طيب يا أخي هات العميلة وتعاله أشرحلي الزرار ده بتاع أيه والزرار ده بتاع أيه والكاسيت بيشتغل ازاي ... المهم انا كمان برضو سيبت العربية وجريت وراه ههههههههههه علشان اشوف عمل ايه مع العميلة ... واول ماشفني قال في نفسو استغفر اللهي العظيم يووووووووه .. (نعم حضرتك في حاجة ) فبصيت في عنين العميلة وقلتلو لا سعتك انتا ادتني مفتاحين بس وناقص مفتاح تالت للعربية .. بصيت لقيتو قعد يحلفلي ويقلي واللهِ والله هيا بتنزل بمفتاحين بس من التوكيل ... فرحت باصص لعنين العميلة وقلتلو أزاي ده كل عربية فيها تلات مفاتيح ...
بس الي غظني اكتر انو طلب للعميل كوبايت لموناتا (ليمون) ساقعة ومشبرة وانا مجبليش غير كوبايت شاي حتى بدون فتلة .

هههههههههههههههههههههههه
يخرب يعقلك
ملكش حل كالعادة
ههههههههههههههههههه