الموضوع: حصري تقرير : شراء هونداي rb (أكسينت أو فيرنا الجديدة)

المشاركة الأصلية كتبت بواسطة ashraf_ibrahim

ألف ألف ألف مبروك يا صديقي
والله يكرمك أجل الصور شوية عشان ربنا يسترها معاك
متبقاش مستعجل كدة
ربنا يباركلك فيها يا رب ويديلك خيرها ويكفيك شرها يا رب
نستناك كمان اسبوعين كدة بتقرير عن العربية مصور بقا :d

حبيب قلبي أشرف باشا تسلملي يارب ... ربك بيلطف واللهي ... وهو الوحيد الستار ... صدقني عن تجربة كنت زمان بخبي العربيات الي بشتريها ،ومبقلش لحد اني اشتريت عربية خالص وبرضوو بتتخبط هههههههههه وهيا وقفة ... فانا عامل حسابي على خبطة خبطتين كده علشان كده ناوي انشاء الله أأمن عليها سئلت في شركة قالولي تأمين 5000 جنية بس الي معجبنيش فيهم انهم بيقولو انك انتا بتشيل 35% واحنا بنشيل الباقي في حالة الحوادث ... محدش يعرف شركة تأمين محترمة وشريفة وصادقة في تأمينها . مش يطلعو عين الواحد لحد مايصرفو التأمين .

المشاركة الأصلية كتبت بواسطة spiderman22

شوف الكاوتش على مقاس كام
وشوف المقاس المكتوب على الزجاج
واملى الكاوتشات نيتروجين افضل من الهواء

صحيح دلوقتي في سؤال كمان مهم ... في استيكر ملزوق على القزاز مكتوب عليه كود المفتاح اسمو VIN كود فهل اشيل الاستيكر ده علشان ميحلصش فيها زي الكيا وتتسرق بواسطة كود المفتاح ولا ملهاش علاقة . ياريت تفيدونا ياشباب بالذات انا بحب الاستيكرات قووووووي ومبحبش اشيلهممن على العربية غير بعد سنة .

حبيب قلبي تسلملي ياغالي بس انا اول ما اشتريت الماتريكس كانت بتطلع صوت في الكوتش الخلفي كده وساعتها رحت التويكل قالي عادي واول ماخلص الضمان قالولي لا ده عيب رمان بلي لو كنت في الضمان كنا غيرنهولك ههههههه حرامية بتوع غبور واللهي.

المشاركة الأصلية كتبت بواسطة kareem fawzy

مبروووك عليك
وربنا يدييك خيرها ويكفيك شرها
وعايز اقول لحضرتك حاجة ان الاستيكر الابيض دة نقمه مش ميزة
لان اكم من عربيات صحابها اشتروها ورخصوها ولما جم يشيلوا الاستيكر اتفاجئوا ان فيه نقرات فى الكبوت والسقف
احمد ربنا على قد كدة
ومبرووك عليك الدواسات الجديدة :))
وعقبال لما تركبلها فرش من عند جينز كار

حبيب قلبي واللهي استاذ كريم انشاء الله هركبلها فرش من عند جينز كار وانا واللهي كنت حابب على الاقل يسيبلي الاستيكر على الكبوت او العتب افرح بيه. يعني احس اني اشتريت حاجة جديدة مش يدهالي ملط كده من غير ولا استيكر انا علشان اغيظو رحت شايل استير المعرض قدامو وراميه هههههه وحده بوحده. بس انشالله يصدق في حكاية طقم الدوسات ومرسي قوي يا حبيب قلبي

المشاركة الأصلية كتبت بواسطة engtmk

الف مبروك وربنا يحفظها لك من العين ان شاء الله ويعطيك خيرها ان شاء الله
بالنسبه لسحبها البطي فده طبيعي لانها لسه في التليين ان شاء الله مفروض تتحسن مع الوقت والف مبروك

بس انت فعلا نجم فكرني اخدك معايا لما اشتري العربيه اللي حايه ان شاء الله
قدرت تقنع الرجل يعمل لك تخفيض 250 جينه حته واحده :b4_282:

هههههههههه. ماهو انا اصلي قعدت معاه نشرب كوبايت الشاي وقعدت افاصل معاه واقولوا هزها شوية علة فكرة هما بيكسبو في العربية بلاوي ، وقلتلو اطلع طيب كلم المدير او اخليني اقابلو وهما هيعمل معايه احلى واجب بس قعد يحلفلي المدير مش موجود ، حتى قلتلوا هعملك عنها تقرير هههههههيهه قالي ياعم الحج تقرير مين بس المهم من هنا لهنا قلي خلاص هشيلك منها ربعايه قلتلو يعني ١٠٠٠ جنية بس قالي لا ٢٥٠ ههههه قلتلو ماشي