اقتباس المشاركة الأصلية كتبت بواسطة land_cruiser مشاهدة المشاركة
مبدأيا ده منتدى منافس يا فندم ما ينفعش تحط لينكات منه هنا و بعدين حتى الكلام اللى مكتوب فى اخر التعليقات فيه بيأكد ان التوكيل زى الفل زى ما كلنا عارفين حضرتك ممكن تبقى تقراها او حتى تسأل حد من اللى بيتعاملوا مع التوكيل هنا زى حالاتنا و ده السبب فى ان الناس مستغربه من كلام حضرتك و ياريت لو عند حضرتك تجربه شخصيه سيئه تقولنا نوع عربيتك و اى توكيل اللى صادفت معه التجربه السيئه دى على الاقل علشان ناخد بالنا منه
التجربة الشخصية :- كان معي نيسان صني مو 2001 والكلام دة في أول 2002 السيارة اتخبطت ودخلت التوكيل (مش فاكر هو فين بالضبط عموما كان في الدقي وكان مشترك بين نيسان وسوزوكي ) وقاموا بالسمكرة والدوكو وعند استلام السيارة كان الشغل زي الزفت واشتكيت ولكن لا حياة لمن تنادي والرد دائما ان الشغل تمام - وجبت واسطة (كبيرة ) وأخذو السيارة لمركز آخر تابع للتوكيل أيضا ( تذهب اليه من طريق مصر الاسكندرية الصحراوي ) واستلموا السيارة ودخلت للورشة (مع الواسطة طبعا ) والعامل أفاد ان الرش السابق زي الزفت والضرر حدث وخلاص لان الرش وصل للقائم وداخل السيارة بالرغم ان مفيش أي شغل في هذة الاماكن - دة خلاف امور صغيرة متكررة عند كل صيانة الذاكرة لا تسمح بتذكرها ولكن بتترك اثر وانطباع سيئ -عموما بعت السيارة معيوبة - ودي كانت اول واخر سيارة نيسان لي (الانطباع الاول يدوم ) - مع كامل الاحترام والتقدير مش عارف كلمة :- (الناس مستغربة ) بتشير لكام شخص - زي ما حضرتك مستغرب من كلامي في واحد تاني في المقابل مستغرب من كلامك - عموما دي وجهات نظر وانطباعات بتختلف من شخص لاخر نتيجة عوامل كثيرة منها الخبرات السابقة وتعدد انواعها واماكنها (بشركة واحدة أو اكثر وبدولة واحدة او اكثر - زي ما بيقولو :- لن تعرف طعم السكر الا عندما تتذوق طعم الملح والعكس صحيح )- تقبل تحياتي