--- المرة دي ترد عليا -- تجربتي للكورولا يومين والتحليل كالاتــــــي ....... !

**S O P H O S** · 03-04-2012 05:09 AM

المشاركة الأصلية كتبت بواسطة Ahmod

مش محتاجة كهربائي ولا حاجة المشكلة دي بالظبط ظهرت معايا قبل كدة

جيت اشحن ال Gps من شاحن الولاعة الكاسيت فصل وكهرباء العربية كلها عموما فصلت

المشكلة دي شكلها كدة Common في التويوتا ! علبة الفيوزات بتاعتها فيها مشكلة او ضعيفة ! ! ؟

كدة انت عندك فيوز الولاعة ضرب ! بعد كدة بتبدأ علبة الفيوزات تضعف ومع الوقت بدل مافيوز الولاعة اللى هيضرب هتلاقي الفيوز ال starter هو اللى ضرب !

دلوقتي انت اللى تعمله كالتالي

افتح علبة الفيوزات اللى تحت عند الدواسات

غير فيوز الولاعة هو فيوز من نوع 15 A لونه ازرق ! هتلاقي كذا واحد لونه ازرق بس اول ماتفتح علبة الفيوزات هتلاقي ارشادات على الغطا بتاعتها مكتوب كل حاجة عليها ايه

الفيوز اللى المفروض تغيره بتاع الولاعة اسمه CIG

ويفضل برضوا انك تغير بالمرة الفيوز ال starter وده فيوز A25 لونه رصاصي وهتلاقيه اول فيوز موجود

ودي صورة موضحة ! هي من علبة فيوزات الياريس بس اعتقد ان مش هيكون فيه فرق كبير

غير فيوز الولاعة والفيوز ال starter وان شاء الله الامور هتظبط معاك

الفيوزات الاصلية بتتباع في التوفيقية الواحد ب 2 جنيه وبتتباع بالفرد ! سيبك من العلبة اللى فيها 10 فيوزات وب 5 جنيه ! دي ابعد عنها نهااااائي

دور في التوفيقية كويس هتلاقي واحد بيبعهم انا مش فاكر اسمه بصراحة بس دور لحد ماتلاقيه

وان شاء الله الامور عندك تتظبط

انا عملت زي ما قولتي ووصلت لعلبة الفيوزات لكن لن اتمكن من فتحها لقيتها متلصمه كده تحت خالص فوق الدوسات بشوية فقلقت بصراحة اوبظ حاجة مش عارف ايه الحل
تعبك معايا

**Ahmod** · 03-04-2012 06:48 AM

المشاركة الأصلية كتبت بواسطة ahmed1006

انا عملت زي ما قولتي ووصلت لعلبة الفيوزات لكن لن اتمكن من فتحها لقيتها متلصمه كده تحت خالص فوق الدوسات بشوية فقلقت بصراحة اوبظ حاجة مش عارف ايه الحل
تعبك معايا

ليه يا باشا لا متلصمه ولا حاجة ده هي بتتفتح بالكبس وبتتقفل بالكبس برضوا !

هتلاقي ليها مكان في النص كدة بتتفتح منه

**S O P H O S** · 03-04-2012 07:54 PM

المشاركة الأصلية كتبت بواسطة me_medoo

اه ياخوفي لاتكون العربية قلبه عداد وانتا اشتريتها على انها
ماشية ٨٠.٠٠٠ كيلو بس
العربية دي لازم نعاينها حتى نقلولك على حبت اكسسورات عليها وتضبيطات تروشنلك العربية مشكلتك انك مجتش اجتماع القمة بتاع تويوتا. والا كنا فدناك يا بوحميد انا والدكتور احمد وفيرمان

قلبه عداد ماشـــــــــــــــــــي يا ميدو
وقع فقلبي براحتك بس تيجي ازاي انا لو قولتلك ان لحد دلوقتي الكاوتش الاصلي لسه فيها وخلاص جاب اخره هتجري ورايا بالسكينة هتقولي ماشي ازاي بيه خليني ساكت
ده واضح ان الست الي كانت ركباها مكنتش بتعمل اي حاجة فيها اصلا حتي زي ما قولتلك عاوز اغير تيل برده وشكلها طنابير كمان زي ما قولتلك فالموضوع التاني لان علي سرعة 80 وانت طالع دواسة الفرامل بتترعش تحت رجلي وعلي 120 لما السرعة تزيد يعني الدواسة برده بتترعش وبحس كمان برعشة ( خفيفة ) اوي فالدريكسيون مش باينة اوي يعني بس انا لسه مافقتش علشان اصلح

**me_medoo** · 03-04-2012 08:47 PM

ههههههههههه حبيب قلبي لا انا مش عاوز أوقع قلبك ولا حاجة ... بس اصلي تعاملت قبل كده مع ستات كتير في موضوع الشراء والبيع وتلاقيها تقولك اسمها ايه دي البتاع المدورة الي في الشنطة اقولها استيبن تقلي ايوه الاستيبن منزلش خالص مالص على الارض ... قال يعني ماكنتش فكرة كلمة الاستيبن ولمن كشفت على العربية لقيت العربية مدعوكة قبل كده مرتين ... هههههههههههه انتا مقرتش الموضوع الي انا عاملو عن تجربة الشراء والبيع في مصر ...
(ناس مبتعرفش تبيع ؟؟؟ )

**asaadpw** · 04-04-2012 12:25 PM

السلام عليكم اخي الكريم هندي كورلا 2003 كان فيها نفس المشكله وكنت بحس انها عايزه تتحط علي جهاز الصدمات الكهربائيه وبعد معاناه غيرت فيوزه في علبه الفيوزات الخارجيه اللي في الكبوت والحمد لله ما عملتهاش ولا مره بعد كده

**S O P H O S** · 04-04-2012 03:58 PM

المشاركة الأصلية كتبت بواسطة asaadpw

السلام عليكم اخي الكريم هندي كورلا 2003 كان فيها نفس المشكله وكنت بحس انها عايزه تتحط علي جهاز الصدمات الكهربائيه وبعد معاناه غيرت فيوزه في علبه الفيوزات الخارجيه اللي في الكبوت والحمد لله ما عملتهاش ولا مره بعد كده

هي 2004 وهل الكورولا فيها 2 علبة فيوزات اصل في علبة جوا هل في علبة تاني عند الماتور
؟؟؟؟؟؟؟؟؟؟؟؟؟؟؟

**me_medoo** · 04-04-2012 07:53 PM

يانهارك ازرق يا أحمد ... أنتا أيه يبني قاعد كده في المنتدى وخلاص ... مش تقعد تزاكرلك كلمتين في منتدى التويوتا ... ياعزيزي انتا لو قلبت في صفحات قسم تويوتا هتلاقي كمية معلومات رهيبة بس مين الي يزكرها ... اقعد زاكر يابوحميد علشان المرة الجاية هسمعلك ...

http://www.nilemotors.net/Nile/275079-a.html

**S O P H O S** · 05-04-2012 02:47 AM

المشاركة الأصلية كتبت بواسطة me_medoo

يانهارك ازرق يا أحمد ... أنتا أيه يبني قاعد كده في المنتدى وخلاص ... مش تقعد تزاكرلك كلمتين في منتدى التويوتا ... ياعزيزي انتا لو قلبت في صفحات قسم تويوتا هتلاقي كمية معلومات رهيبة بس مين الي يزكرها ... اقعد زاكر يابوحميد علشان المرة الجاية هسمعلك ...

http://www.nilemotors.net/Nile/275079-a.html

بصراحة يا ميدو موضوع جميل تسلم ايدك ازاي مش شوفته مع اني اتولت هنا
وهجرب ان شاء الله علشان خاطرك بس وان شاء الله هنجح هههههههههههه
بكره بأذن الله تسمعلي وانا هحفظ كويس صدقني

تحياتي يا ميدوووووووووووووووووووووو وووووووووووووووووووووووو

(

)

**S O P H O S** · 06-04-2012 04:33 AM

طبعا زي ما تعبتكوا فالسؤال لازم اطمنكوا عملت ايه احتراما لمجهودكم وردكم عليا ...

حسيت بتعب اني اوصل تاني لعلبة الفيوزات فقولت في كهربائي جمب البيت بتعامل معاه فالعربية التانية قولت اخليها يغير الفيوز اسهل مني واهو فيوز وابقي متابع المهم ..
توكلت علي الله ورحت بعد معانة وصل للفيوز بعد ما جرب كل الفيوزات بالاختبار وليس الفك المهم قام مغير بواحد من عنده والتسجيل والساعة اشتغلت وفتح الولاعة لقي
قطعة حديد صغير بين مدخل الولاعة فالعربية والولاعة ذات نفسها قالي دي الي بتعمل قافله مين الي حطها هنا قولت معرفش انا جايبها كده فبالي يعني المهم طلعت هي فعلا وقام مجرب الولاعة واشتغلت بالفعل بدون قفلة علي التسجيل
بعيد قولته بصلي عالوصلة بتاعت البطارية لانها بطلت مني فجاءة زي ما قولتلكم المهم بص لقي قطاش مش مربوط اوي قام مقرط عليه
وكان في لمبة مش شغالة قدام يمين وسط مش عالي شغلها وخد 15 جنيه
جربتها حبة صغيرة مش كتير والحمد الله علي كل شئ وان شاء الله خير ومتبطلش تاني وتزعلني منها ...
....وهي دي حكايتي كلها وشكلي هغير زيت اهو اخرة مرة حطيب شل ومشيت 2000 كيلو مش عارف اغير احط ايه نظيف وبيتمشي بيه قد ايه بس ما عاوز 10 الاف ده عاوز العادي الي انتوا بتحطوا فاليارس ,,,

وشكرا لتعبكم معايا بالاخص :
__ احمد باشا __ ميدووووووووو حبيبي قلبي