اخر كلام

**iBiZa** · 09-06-2008 03:16 PM

المشاركة الأصلية كتبت بواسطة ogouda

-توكيل الميجان أحسن (توكيل فورد لسه جديد بس مبشر)

انا رأى من خلال تجربة ناس كتير راحوا التوكيلين ان Ford أحسن فى المعاملة.

المشاركة الأصلية كتبت بواسطة som3aa

بس فى ناس كتير قالوا سيئة جدا و واحد حلف ان غير الفتيس العربية يعنى اكيد مش اشاعة و سعر اعادة البيع فى عربية بانتشار الميجان دا قليل كدا يبقى اكيد العربية فيها حاجة غلط

المشكلة كانت فى موديلات 2005 كان فيها عيوب صناعة كتير.

المشاركة الأصلية كتبت بواسطة MoToRiZeR

بس الفورد مش الماني .. امريكاني

أصل بلد المنشأ بتاعت Ford هى أمريكا طبعا بس دة الى بيعمل عربيات كبيرة. و بعد كدة عملوا Ford Europe علاشان انتاج العربيات الصغيرة {Fiesta - Escort {Mondeo - Focus و مصانعها فى اسبانيا و المانيا و الFocus بالزات تم تطويرها فى المانيا.

**medo_2060** · 09-06-2008 03:29 PM

لو الفوكس الشكل الجديدهيبقى احسن

**som3aa** · 09-06-2008 03:38 PM

المشكلة كانت فى موديلات 2005 كان فيها عيوب صناعة كتير.

معلش برده انا لما اشوف عربية بتتباع بعيوب صناعة كتير حتى لو صلحوها مستحيل اشترى نفس العربية تانى لان الواحد ميضمنش و دى غلطة مش صغيرة من شركة مش صغيرة على انها تنزل عربية و تطلع معيوبة بالشكل دا.
يعنى الموضوع مجازفة برده , على ايه؟ الفوكاس كويسة
بعدين الرينو نازل منها شكل جديد كمان سنة ان شاء الله

**MoToRiZeR** · 09-06-2008 07:12 PM

المشاركة الأصلية كتبت بواسطة iBiZa

انا رأى من خلال تجربة ناس كتير راحوا التوكيلين ان Ford أحسن فى المعاملة.

المشكلة كانت فى موديلات 2005 كان فيها عيوب صناعة كتير.

أصل بلد المنشأ بتاعت Ford هى أمريكا طبعا بس دة الى بيعمل عربيات كبيرة. و بعد كدة عملوا Ford Europe علاشان انتاج العربيات الصغيرة {Fiesta - Escort {Mondeo - Focus و مصانعها فى اسبانيا و المانيا و الFocus بالزات تم تطويرها فى المانيا.

شكرا يا باشا عالمعلومة مكنتش اعرف الكلام ده

**ogouda** · 09-06-2008 08:01 PM

شكرا يا جماعة على الردود
أنا خلاص نويت ان شاء الله على الفوكاس الجيا بصراحة ال2008 جامدة جدا . أنا اتثبت لما شوفتها فى اوتوماك.
انا روحت السبع اوتوموتيف (مصرالجديدة) و اتفرجت على الميجان و الفوكاس و قارنت بينهم كويس(الموجود عندة دلوقتى الفوكاس الأستيشن) بصراحة الفوكاس حسيتها أشيك رغم ان الميجان طبعا جامدة من جوة.
رأىال sales man هناك ان الميجان احسن و كان بيرشحالى لأن فيها تكنولوجى هتفضل تنزل فى العربيات 10 سنين قدام - بس اعتقد ان رأيه ده فيه تحيز لأنه موزع معتمد لرينو وهامش ربحه فيها اكبر - و كمان الفوكاس بالحجز مش استلام فورى زى الميجان.
بالمناسبه بأه هو مش الموزع المفروض انه يبيع ارخص من الوكيل اصل السبع بيبيع الفوكاس استلام اخر يوليو بنفس سعر الوكيل , بس الميجان بيبيعها ارخص الفين جنيه اول كلام!؟