تحذير : من عصابة (المحور ) سطو وسرقة زوجتي العزيزة .

**me_medoo** · 02-04-2012 02:28 AM

المشاركة الأصلية كتبت بواسطة aboomar22

طبعا تعمل محضر فورا هو زى ماقالوا الاهوه غالبا هبرمى البطاقة والرخصة بس المشكلة لو راحت واحدة شبها قريب اجرت عربية وسرقوها او اى حاجة زى كده موضوع الشهر العقارى بيدققوا طبعا فى الصورة اللى فى البطاقة وبالخبرة متعديش عليهم الموضوع ده بس المهم اوقف شريحة الموبايل طبعا واعمل محضر فى القسم بالى حصل على الاقل يمكن المباحث تقدر تمسك الواد ده وتخلص الناس من شره

ياباشا ... أي حد ممكن يروح يعمل محضر ... يعني ممكن واحد لا عندو عربية ولا ديولوا ... يروح قسم الشرطة ويقلهم حصل كذا كذا واتسرقت عربيتي وهو معندهوش عربية اساساً ... انتا فاكر ان في ضابط بيقوم يفز من مكانو ويروح يعاين ويشوف العربية او يرفع البصمات او يجي فريق طبي يدور على الدي ان أيه زي مابيحصل في أمريكا ... ولا حتى ضابط المباحث بيقوم يتحرك ويهز كرشو شوية ويتعب نفسو ... ويجيبلك الواد من قفاه زي زمان ، ده زمايل مراتي في الشغل بيقلولها أنتي مش أول وحده ... وفي القسم كمان ... بيقلولها دايما بتحصل وانتي غلطانه المفروض تحطي شنطتك في الارض في الدواسة .

والي يقلها انتي غلطانه الي خلاكي تمشي على اليمين بعد كده امشي في النص او في الشمال ، أأأأأأأأأأأأأأأا الله هو بمزجها ، المحور معروف دايماً بزمحتو وقبل ميدان لبنان الطريق بيبقى واقف ومتنيل بنيله ... وده يكسر عليك وده يخش عليك هباااا بقيت في اليمين ... ومدام انتو كشرطة عارفين ان في عصابة هناك بتسرق العربيات بالمنظر ده مبتبعتوش ليه حد من المباحث متخفي يوقف هناك ... قام الضابط دحك بكل وقاحة ويقلك لا معلش يافندم أصل مش تبعنا الحته الي هناك تبع قسم كرداسة ياحلاوة يا حلاوة .

**تامر.محمد** · 02-04-2012 02:45 AM

لا حول ولا قوة الا بالله :(

**alaamousa** · 02-04-2012 03:02 AM

حمد لله على سلامة زوجتك يا استاذنا حضرتك ممكن تلغي كل الورق اللي معاه بمحضر في القسم بضياع الشنطة ومحتوياتها بس ده يكون في اسرع وفت حتى لا يتم تفعيل الورق

**Ahmod** · 02-04-2012 03:02 AM

لا حول ولا قوة الا بالله العلي العظيم

ربنا اجرنا في مصائبنا واخلف لنا خيرا منه

ربنا يعوضك ان شاء الله ولعله خير

طالما الموضوع فيه سرقة موبايل خصوصا ال Iphone لو عندك واسطة حلوة يتجاب في ساعتها بالتتبع

واحد زميلي خاله مستشار اتسرق منه Iphone 4 G

قعد يحاول يجيبه هو بمعرفته وفضل اسبوعين يحاول هنا وهنا ومعرفش

كلم خاله ! والله العظيم في اقل من 24 ساعة كان الموبايل معاه في البيت لما انا ماكنتش مصدق نفسي

فحاول تشوف واسطة كويسة وطبعا الفكرة مش فكرة الموبايل

بس لما تجيب الموبايل هيبقى طرف خيط يدلك على الحرامي وممكن منه على الاقل تجيب الرخص والبطاقة ومنها تطمن ان مافيش حاجة اكبر من كدة تحصل

او هو نفسه الحرامي لما يلاقي انك وصلت للموبايل هيخاف يعمل اي حاجة تانية

**me_medoo** · 02-04-2012 03:48 AM

المشاركة الأصلية كتبت بواسطة shakshak2011

الموضوع ده لسه حاصل مع واحده زميلتى فى نفس المكان و بنفس طريقة السرقه ديه بالضبط من 3 أسابيع .. و لما راحت عملت بلاغ فى القسم .. قالولها ده البلاغ رقم 14 عن نفس السرقه بنفس الطريقه .. يعنى الشرطه عارفه و فيه بلاغات إتقدمت فى المكان ده و مفيش فايده منفضين و حتى مفيش عربية ورديه راحت المكان

يانهر ازرق عملت بلاغ من ٣ اسابيع وكانت رقم ١٤ امال احنا المفروض وصلنا رقم كام دلوقتي مش عراف ليه عندي شعور داخلي ان الداخليه عارفه كويس العيال دي بس بيتسترو عليهم وبيقولو وانا مالي ياعم مش هما الي عملو ثورة وعوزين حرية. يالله يشربوو بقى
وبدليل انا بكلم واحد قريب ليه في الداخليه المفروض انو رتبة ومركز بصيت لقيتو مافيش في ايديه اي حيله وهو مجرد موظف عااااادي وقعد يشكيلي من وضع البلد. كلمت قريب ليا تاني كمان في الداخليه سمعت منو نفس الكلام مش ناقص غير يعطلي في التيلفون وحسيت انو زيو زي موظف في شركة الكهربا او شغال في هيئة السكة الحديد ولا موظف في البلدية. مش ضابط مهم في الداخلية وعجبي

**ahmad alshaaer** · 02-04-2012 03:49 AM

ربنا يسترها علينا ويكفينا شر بني ادم

عليك بأذكار الصباح والمساء ودعاء الركوب

وصدقني قولها انت وزوجتك واولادك عن اقتناع انها سبب لحمايتك ومش هيحصلك حاجه

ربنا يصلح حالنا جميعا وحمدا لله على سلامتكم

**me_medoo** · 02-04-2012 03:57 AM

الله يسلمك ياباشا ويسلم جميع الناس من شرور الناس بجد بجد هو فاضل ايه في الدنيا اذا البني ادم بقى يشعر بعد الامان في بلدو ووالله بنقول اذكار الصباح والمساء ودعاء ركوب المركبة كمان بس تعمل ايه في ناس تحولوا لذئاب وبلد تحولت لغابة هو مذكور في القران ادخلو مصر سالمين او امنين مش فاكر بالضبط. بس مش مذكور انك تعيش في مصر سالم او امن الي عاوز يدخل يدخل عادي اما يعيش فيها صعب ، والكلمة دي قالهالي واحد لبناني قبل كده قالي ادخلو مصر امنين واخرجو منها مفلسيين هههههههح

-

الموضوع: تحذير : من عصابة (المحور ) سطو وسرقة زوجتي العزيزة .

LinkBack

أدوات الموضوع

عرض

-

-

-

-

-

المواضيع المتشابهه

تحذير: ردارات المحور رجعت تعمل

تحذير من الدائرى المتجهه الى المحور ونزله اكتوبر

تحذير من رادارات المحور

تحذير هام لكل مستخدمي المحور

تحذير قاطني أكتوبر من رادارات المحور

الكلمات الدلالية لهذا الموضوع

المفضلات

المفضلات

ضوابط المشاركة