تحذير : من عصابة (المحور ) سطو وسرقة زوجتي العزيزة .

**ahmedjumpo** · 02-04-2012 09:19 AM

استاذ ميدو قدر الله و ما شاء فعل و الحمد لله على سلامة زوجة حضرتك
و صدقنى موضوع الانفلات الامنى ده مش مرتبط بالثورة بل ده فشل امنى من قبل الثورة مرتبط بفشل على كل الاصعدة الاجتماعية و الاقتصادية و السياسية و غيرها
و شخصيا تعرضت سيارتى لموضوع مشابه قبل الثورة باربعة اشهر مع اختلاف بسيط انى ماكنتش فى العربية
فقد كنت راكن فى ساحة تبعد عن بيتى عشرون مترا و نسيت فيها جاكتين و لما نزلت الصبح لقيت الزجاج اللى ورا مكسور و الجاكتين مسروقين مع العلم ان الساحة ديه محاطة بمحلات من جميع الجهات و اغلبها بيبقى فاتح بالليل و كمان تطل على مسجد جامع
و لما كلمت الشرطة علىشان تيجى تعاين قعدت اكثر من ساعتين و لا حد سأل و بعد ما كلمت النجدة كذا مرة رد على واحد و قالى نصيحة خذ عربيتك و روح القسم لان مفيش حد هيجيلك و سمعت كلامه و ياريتنى ماروحت القسم اللى علشان اعمل محضر اكثر من ساعتين و لا معاينة و لا اى حاجة و طبعا الموضوع مات و اهو و لا كان فى ثورة و لا انفلات امنى وقتها
بس شوف حضرتك كده ممكن عن طريق التليفون تعرف الشرطة تجيب اللى عمل كده و اتكلم معاهم على كده و لو ملقيتش منهم تجاوب ممكن تطلع على ادارة التفتيش فى الوزارة
عامة ربنا يستر على البلد و مرة ثانية الحمد لله على سلامة زوجة حضرتك

**ahmedkhairy** · 02-04-2012 09:41 AM

أولا حمد لله على سلامة زوجتك
ولكن لازم تعمل محضر بالقسم إثبات حالة تعدى وسرقة
وإن شاء الله مفيش مشكلة وخير
حسبى الله ونعم الوكيل

**م.احمد زكريا** · 02-04-2012 09:52 AM

اولا : الف حمدا لله على سلمة زوجتك وفي 60 داهية اي حاجة مادام الانسان سليم

ثانيا : زي ما قال الاخوة بسرعة اعمل محضر عشان لو عمل اي حاجة بالاوراق تبقى فشنك

ثالثا : مراتك ماتخليهاش تمشي لوحدها في اماكن مقطوعة او هادئة نهارا وماتمشيش لوحدها بالليل و انتو الاتنين ماتمشوش بعد الساعة 11 بالليل

وربنا يسترها على البلد الكانت الامن والامان "فعلا" وبقت ولا شيكاغو

**wael_power** · 02-04-2012 10:15 AM

حسبي الله ونعم الوكيل في الحرامي وفي اللي سايبهم يسعوا في الارض فسادا....

**HeMa_LanCeR** · 02-04-2012 10:55 AM

أعمل محضر
وروح غير نمر العربية بالمرة

**Khaled Lanos** · 02-04-2012 10:56 AM

لا حول ولا قوة إلا بالله عليه العوض ومنه العوض البلد خلاص خربت..أنا حاسس اننا في شيكاغو, حسبي الله ونعم الوكيل

أول حاجة الحمد لله على سلامة زوجة حضرتك..المهم انها بخير.

تاني حاجة ودا المهم: انك تروح تعمل محضر أو اي حاجة تثبت الكلام ده عشان لاقدر الله الورق والحاجت اللي في شنطة المدام محدش يقدر يعمل بيها حاجة ودا المهم.

تالت حاجة: حاول بقدر الإمكان انك متسيبهاش تمشي لوحدها في اي حتة إلا للشديد الأووي, خليك معاها ووصلها انتى,

وحاول بقدر الإمكان انك متخليش أي حاجة في العربية ملفتة للنظر زي شنطة المدام أو شنطة لاب او أي حاجة مهمة تلفت النظر, وابقى غطي العربية عشان متلفتش النظر للعربية نفسها.

والله العظيم المفروض يمسكو كل بلطجي ويعدموهم رميا بالرصاص في ميدان عام عشان يخافو بعد كدا يعملو أي حاجة, دي قلة أدب وسفالة(معليش يا جماعة اعذروني بس الموضوع حرق دمي بصراحة الواحد خلاص حاسس انو مبقاش في أمن خالص), حسبي الله ونعم الوكيل.

**corsair** · 02-04-2012 11:20 AM

انا فعلا مش عارف امتي هيطبق الشريعة الاسلاميه علي السارق والبلطجي يعني لما واحد حرامي يشوف واحد حرامي زيه ايده مقطعوعه اكيد هيفكر الف مره قبل ما يسرق حد احنا عليه العوض ومنه العوض في البلد دي خلاص

**tiger76** · 02-04-2012 11:27 AM

المشاركة الأصلية كتبت بواسطة me_medoo

كان في موضوع تايجر باشا زميلنا عملو لتسليح القزاز في عربيتو النيسان ... ومعرفتش قيمت الموضوع ده غير بعد الي حصل لمراتي ... بس المشكلة هنسلح ايه ولا ايه ولا ايه ... ده حتى في البيت بقينا مركبين باب حديد تحت على باب العمر وشباك حديد على الشبابيك وببان حديد على باب كل شقة ... كمان هنسلح عربيتنا ... بس دلوقتي فهمت قيمت الموضوع الي الراجل عملو ... وانو مكنش بيلعب ولا هيا كماليات للعربية لكن الراجل ده بجد عندو بعد نظـــــــــــــر .

[youtube]http://www.youtube.com/watch?v=xa6razjxrnm&feature=relmfu[/youtube]
[youtube]http://youtu.be/xa6razjxrnm[/youtube]

[youtube]http://www.youtube.com/watch?v=on1tnqtrufw&feature=player_embedded[/youtube]
[youtube]http://youtu.be/on1tnqtrufw[/youtube]

تحياتي ليك tiger76 باشا ...

دلوقتي بس عرفت قيمت الموضوع الي عملتو ... ومكنتش عرضت مراتي لموقف سخيف وبشع زي ده .

قلبى معاك والله و حاسس باللى انت حاسس بيه ربنا يسترها علينا جميعا
و الحمد لله قضى أخف من قضى
و انا تحت امرك لو حبيت تعرف عنوان و تليفون المكان اللى انا ركبت فيه الفامية المقاوم للكسر
و تحت امر كل أعضاء المنتدى