الموضوع: تحذير : من عصابة (المحور ) سطو وسرقة زوجتي العزيزة .

المشاركة الأصلية كتبت بواسطة moh19227

لا حول ولا قوة الا بالله
فعلا حال البلد بقي خطير وداخلين علي فترة مدخلنهاش في حياتنا قبل كده بس ربنا يستر
الحمدلله انها جت علي قد كده
والمشكلة مش في الجوع المشكلة في العيال الضريبه بتوع المخدرات اللي بيسرقوا ويقتلوا علشان يشتروا الهباب اللي بيتعاطوه ده
الحل ياتجيبلها مسدس صوت اللي بيضرب بلي وبيعور زي اللي مع استاذ كريم منير يا ترخصلها مسدس وكل واحد يخلي باله من نفسه وربنا يسترها

ماهو سعتك هيا كان معاها جهاز اليكترك كنت جيبهولها وهيا حطاه في الشنطة الي اتسرقت حار ونار في جتتو ده ب ٥٥٠ جيبهولها دلوقتي مش بعيد يستخدم الاليكترك في عمليات السطو المستقبلية. ده غير حاططلها سكينتين كبار بس بتقلي ملحقش اطولهم لان القزاز طار في وشي وفي عنيا

هي دي بقي ثــورة الجياااااااع ! ! !
حمدالله علي سلامه المدام
يعني المفروض اني ابقي ابراهيم الابيض عشان اعرف اتعامل مع ولاد الحرام دول؟
ولما تمشي بسلاح ف عربيتك يقولو عليك بلطجي ويلبسوك قضيه .. طيب احميني وانا ماشيلش اصافه حتي
ويقولك العداله ان مافيش حاجه اسمها غني وفقير ومتعلم وجاهل
لأ فيه طبعا .. في غني ( ميسور الحال) ومتعلم و ابن ناس.. وفيه فقير وجاهل ابن كلب.. سوري في اللفظ
ازاي الاتنين يعيشو مع بعض ؟ لازم يكون فيه طبقيه بصراحه وولاد الكلب دول يعيشو في صحرا لواحدهم
والناس المحترمه المنتجه زي ما حضرتك قولت المدام دكتورة يعني مرأه عامله.. هما دول اللي يعيشو في البلد
والله الواحد بقي يشوف حاجات غريبه انا قبل ما اقري موضوعك كنت اعد مع صحابي لسه راجعين من اسكندريه كانو المفروض رايحين يغيرو جو
حكولي فيلم اكشن شافوه بعنيهم لولا انهم صحابي ماكنتش صدقتهم
هو في ايه ؟؟
علي رأي اغنيه عمرو دياب .. " هو احنا مالنا وايه جرالنا وليه كدا ! . .هو احنا مالنا وليه وصلنا لكل دا ؟؟؟
اسف علي الرغي بس الواحد بقي مش فاهم اي حاجه

قدر الله و ما شاء فعل
الحمد لله على سلامة زوجتك


و دة مش غريب الحرامية مش بيغلبوا :(

قاعدو يقولو عيش حرية عدالة اجتماعية لغايت مابقت البلد في المهلبية لا الفقير قادر يعيش ولا الناس العادية قادرة تعيش المشكلة هما فاكرين كل واحد عندو شقة وعربية بقى غني ويستحق السرقة طيب بدل ما تسرقونا واحنا ناس عادية زيكم ماتروحو ياخوية تتشطرو على فلوس حسني مبارك واعوانو الي سرقوكم ٣٠ سنة المشكلة الثورة الي قام بيها الناس الطيبة ومش عاملين حساب الغجر واللمامة الي هيطلعو من ورى الثورة وباسم الثورة يدمرو البلد ويحصل انفلات لكل شيء حد شاف اقبل كده الفيديو ده

[youtube]http://www.youtube.com/watch?v=Uc3_Vr3B1_U&feature=youtube_gdata_player[/youtube]

‫سرقة كارفور مصرايام الثورة‬‎ - YouTube

الله يسلمك يا باشا بس اعمل ايه الظروف حكمت وهيا بتتجنن مني كل ما اقولها عربيات او عربية او حتى منتدى العربيات. ولا حتى سوق الجمعة. فما بالك لو قلتلها خليكي متروحيش تشوفي ابوكي اصل انا في معرض العربيات بتاع الاهرام. كنت ساعتها اتجننت. ويمكن كانت طلبت الطلاق كمان بالذات اني كل يوم بسيب البيت وبنزل تحت اقاعد اغسل والمع في العربية.

المشاركة الأصلية كتبت بواسطة me_medoo

الله يسلمك يا باشا بس اعمل ايه الظروف حكمت وهيا بتتجنن مني كل ما اقولها عربيات او عربية او حتى منتدى العربيات. ولا حتى سوق الجمعة. فما بالك لو قلتلها خليكي متروحيش تشوفي ابوكي اصل انا في معرض العربيات بتاع الاهرام. كنت ساعتها اتجننت. ويمكن كانت طلبت الطلاق كمان بالذات اني كل يوم بسيب البيت وبنزل تحت اقاعد اغسل والمع في العربية.

بعد كدا هتقولك انت متجوزني ولا متجوز العربيه ههههههههه
الحمدلله انا مش متجوز كفايه عليا العربيه
لما ازهق منها هبقي اتجوز