الموضوع: تحذير : من عصابة (المحور ) سطو وسرقة زوجتي العزيزة .

المشاركة الأصلية كتبت بواسطة me_medoo

حبيب قلبي واللهي يابوحميد ... النهردة رحنا عملنا محضر في القسم ... وكنا ملهين في المرور عملونا رخصة للعربية مؤقتة عن طريق صورة من محضر قسم الشرطة ... وكعب الجديد للبطاقة الشحصية ... تصور واحنا طالعين من المرور لقيت الناس ملمومة وراجل ماسك لوح في ايدية ودوسية وقاعد على الارض قاعد يولول زي النسوان والناس ملمومة ... فسئلت هو في ايه في أيه بس كفالله الشر ... قالولي الراجل ياعيني شاري عربية جديدة وعليها قساط داخل يرخص عقبال مارفع البصمة واستلم النمر طلع ملقاش العربية ... صعب عليا الراجل وهو منهار وقاعد يلطم على خدودو زي الولايه وهو قاعد على الارض ويقول يالهوي يلهوي يلهوي ... دي لسه عليها اقساط دي لسه عليها أقساط ... كنت هموت واسؤلو هيا عربيتك نوعها ايه ... كان نفسي اعرف نوع العربية بتاعتو ايه ... بس قلت الراجل في ايه وانا في أيه ... أخلي عندي دم وأسيبو في الي هو فيها بس بجد بجد قلبي اتقطع عليه .

ورحتنا جبنلها عدة جديدة وطلعلنا لها شريحة بدل فاقد ... لو كنت اعرف حوار التتبع مكناش وقفنا شريحتها ... بس تتبع ايه بس يابوحميد ... دي البلد بزرميطة خالص .

يعني تصور تكون سايق وجمبيك مراتك ولا اختك أو ولدتك وماشي بالعربية سلسنسية بسبب الزحمة ويتكسر عليك شباك العربية وانتا راكبها وتتسرق صعبة قوووي على نفس البني أدم لأنو هينعدم ساعتها شعوروا بالامان . عارف لو اتخطفت الشنطة كنا قلنا ماشي بس يتكسر الشباك في وشك ... وانتا قاعد جمبيها ...

والله يسلمكم جميعاً ياشباب ويحميك ربي من كل شر ويكفيكم شرر ولاد الحرام ... ومش عارف اقولكم ايه خلي بالكم أو أحذروو ... طيب هتحذرو من أيه ولا أيه ولا أيه .. ماهو المشكلة بتبقى الحكاية دي في لمح البصر ، والواحد مبيبقاش متصور او مستوعب الي حصلو ... بس نصيحة ليكم لازم يكون عندك صورة للبطاقة ورخصة القيادة ورخصة العربية عندك صور منهم في البيت ضروري ... وتحياتي ليكم جميعاً . وأشكر مشاعركم النبيلة . وتوب علينا يارب من البلد دي . ومن شعب بقى سعران .

تتبع الموبايل مش شرط يكون بالشريحة
سهل قوى يتتبعهوه بالسيريال نمبر بتاعه بغض النظر عن الشريحة الموجوده فيه
بس اهم حاجه يسلكوا ويهتموا ويشتغلوا بضمير
والمهم يكون عندك كارتونة الموبايل علشان السريال نمبر مكتوب عليه

وخد بالك الايفون فيه تطبيق بيتحمل عليه
تتقدر انت تتبعه زى الجى بى اس تراكر بتاع العربية
وتشوفه على الخريطة
وتتحكم فيه كمان

المشاركة الأصلية كتبت بواسطة tutankhamoun

أولا ربنا يعوض عليكم يا باشا و الحمد لله أن المدام بخير.
ثانيا
مفيش جياع بتعمل كدا يا فندم و مفيش أصلا ناس جعانة بالمعنى المفهوم
الناس الفقيرة أو المحتاجة أغلبها بيشتغل حتى لو شغل بيعيشه يوم بيوم .... بس مفيش واحد جعان يقعد يحضر خطة و يقف على المحور مستنى ضحية .
دي مجرمين أصلا
المشكلة دلوقتي في حاجتين
الأولى هي أن وزارة الداخلية دلوقتي نايمة في البلالة (مبدئيا هيبتهم راحت لأن كل من هب و دب مش عاجبه الشرطة و بيتخانق معاهم حتى لو غلطان و دول كتير و ده خلاهم مش عايزين يشتغلوا )
السبب التاني هو القوانين الخيبانة اللي عندنا

طيب أيه الحل .
الحل هو التطبيق الصارم للقوانين الموجودة حاليا .
و فين الأخوة بتوع مجلش الشعب اللي الشعب أنتخبهم علشان تحسين أوضاعهم ؟؟؟
المفروض أن المجرم معتدي الأجرام ذو صحيفة السوابق (متكرر حدوث الجريمة ) يتعدم شنقا في ميدان عام .
مرة و أتنين (حبس ) في المرة التالتة ..... اعدام في ميدان عام
إنما اللي بيحصل ده ............ قلة أدب
و بعدين الناس أصبحت قليلة الأدب بطريقة بشعة ......... ازاي تشتم الناس اللي بتحميك و هي المصد رقم واحد للبلد
اللي يقولك يسقط حكم العسكر و اللي يقولك يسقط العسكر
البلاد الجاهلة زي مصر ما ينفعش فيها ديمقراطية زي بتاعة الغرب
أحنا لينا المرزبة على دماغنا علشان نمشي عدل ... إنما حرية و ديمقراطية و الكلام الفاضي ده مش للشعب الهمجي اللي عايش في البلد دي .
أحنا يا سيدي الفاضل دلوقتي بنشوف الناس ماشية عكس الأتجاه عيني عينك في الشوارع الرئيسية و السريعة و جاي يقلب في وشك ..... و طبعا الأنفلات الأمني (اللي سببه تقاعس الشرطة عن العمل لبعض الأسباب اللي ذكرتها )
لازم الحزم و الشدة مع شعب زي الشعب المصري ......... مش بنمشي غير بالحزم و الشدة للآسف الشديد .
أنا مش بترحم على أيام مبارك برضه .

بس عايز الجيش و الشرطة يمسكوا البلد بحشمة و حزم شوية .

11111111111111
كلامك واقعى ومتوازن ولا يتحيز لفئة ضد أخرى