أشتريت ماروتي ومحتاج شوية إستفسارات بعد إذنكم

**MHHAGAG** · 03-04-2012 12:57 PM

السلام عليكم ورحمة الله وبركاتة
أتمنى أن يكون الجميع بأفضل حال

أنا لسة شاري ماروتي مستعملة
موديل 2011 عاملة 20 ألف كيلو

ما المطلوب مني أعملة بعد الشراء بخصوص الصيانة العادية
مثل
*تغير الزيت .. أجيب زيت إية ؟ وأحط كام لتر ؟؟
*في فلاتر هتتغير أو محتاجة مراجعة ؟؟
*البوجيهات والكوندسنر والكربراتير
محتاجين تغير ولا لسة شوية ؟؟

أنا فولت لها بنزين 92 علشان مافيش 90
كدا عادي ولا غلط ؟؟

لو حبيت أعمل لها صيانة مستقبلا في القاهرة
ماهو عنوان أحسن مركز الصيانة ؟؟.. وأعمل الصيانة القادمة على كام ألف ؟؟

في نصائح من حضراتكم معينة أعملها للعربية

وجزاكم الله خيرا على المساعدة

خالص تحياتي العطرة

**dr.hazem** · 04-04-2012 12:13 AM

المشاركة الأصلية كتبت بواسطة MHHAGAG

السلام عليكم ورحمة الله وبركاتة
أتمنى أن يكون الجميع بأفضل حال

أنا لسة شاري ماروتي مستعملة
موديل 2011 عاملة 20 ألف كيلو

ما المطلوب مني أعملة بعد الشراء بخصوص الصيانة العادية
مثل
*تغير الزيت .. أجيب زيت إية ؟ وأحط كام لتر ؟؟
*في فلاتر هتتغير أو محتاجة مراجعة ؟؟
*البوجيهات والكوندسنر والكربراتير
محتاجين تغير ولا لسة شوية ؟؟

أنا فولت لها بنزين 92 علشان مافيش 90
كدا عادي ولا غلط ؟؟

لو حبيت أعمل لها صيانة مستقبلا في القاهرة
ماهو عنوان أحسن مركز الصيانة ؟؟.. وأعمل الصيانة القادمة على كام ألف ؟؟

في نصائح من حضراتكم معينة أعملها للعربية

وجزاكم الله خيرا على المساعدة

خالص تحياتي العطرة

اولا اهلا وسهلا بيك معانا في اسرة سوزوكي نايل موتورز ويشرفنا انضمامك لينا
ألف مبروك عالعربية وربنا يديك خيرها ويكفيك شرها باذن الله

مبدئيا صيانة ال20 ألف صيانه سهله وخفيفه ومفيهاش كلام كتير
هتعمل الآتي
1تغيير الزيت وفلتر الزيت (انا بفضل زيت فيسكو 3000 وده بيقعد 10 آلاف كيلو وتمنه 124 جنيه بالتغيير)

2تنظيف فلتر الهوا او تغييره ان لزم الامر
3تغيير بوجيهات وارشحلك طبعا الان جي كي bp6ey ودي بتتباع في كل حته بس قولهم عايز بوجيهات كورولا 96 واتأكد ان الكود نفس ده ويتظبط خلوصهم على 0.8 عشان يديك افضل اداء وممكن كمان تغير الابلاتين وده ارشحلك انك تجيبه زي بتاع الفبريكا ابقى ابعتلي عالخاص وانا اقولك تجيبه منين عشان انا مش بعمله دعايه
4تربيط العفشه
5-تدوير الكاوتش
6 تزويد السوائل
7حاجه انا بحب اعملها كل 20 ألف ... تغيير زيت الفتيس وتشحيم العصايه
الزيت موبيل 90 وبكرر 90 مش 140 وده العلبه بعد ما غليت العلبه لتر ب 25 والعربيه بتاخد علبتين

طبعا مش هوصيك بقا تزويد مية الريديتير بميه خضرا طبعا وارشحلك مية ادكو توتال باور صناعه مصريه بتتباع في كارفور 5 لتر ب 19 جنيه

لو حضرتك في القاهره اليومين دول ممكن اقابلك ونعمل الكلام ده كله واعرفك على ميكانيكي كويس جدا ان شاء الله وتعمل كل الصيانه بتاعتها

تحياتي وآسف على التأخر في الرد

**dr.hazem** · 04-04-2012 12:19 AM

نسيت اردلك بخصوص البنزين
عربيتنا تمشي ب 80 او 90 و 92
كل الفكره في ظبطة الكهربا

التوكيل بيقول 90 ممتاز
الفرق في تفويله ال90 عن ال 92 حوالي 3 جنيه فمش فارقه
فلو امكانياتك تسمح لل 92 حطه
لو حابب توفر لل 80 مفيش مشاكل وانا استخدمته سنه كامله فعليا ومش لوحدي بستخدمه ده كتير من مالكي الماروتي وللعلم بالشيئ كاستهلاك مفيش فرق بين ال80 وال92 في عربيتنا كل الفكره توفر ال80 صعب وانا مبحبش الطوابير اللي زادت عن حدها مؤخرا

تحياتي

**mesaharaty** · 04-04-2012 10:06 AM

مافيش كلام تانى يتقال

والله كل الناس هنا آخر جدعنة وتعاون
ربنا يبارك فيكم جميعا

**MHHAGAG** · 04-04-2012 12:11 PM

المشاركة الأصلية كتبت بواسطة hrh_sameh

الشباب قاموا بالواجب وزيادة
وياريت تحمل الملف ده وتقراه هيفيدك جدا:
http://www.nilemotors.net/nile/98669-800.html

ألف ألف شكر على مشاركتك القيمة
وجاري تحميل الملف حالا

**MHHAGAG** · 04-04-2012 12:13 PM

المشاركة الأصلية كتبت بواسطة mesaharaty

مافيش كلام تانى يتقال

والله كل الناس هنا آخر جدعنة وتعاون
ربنا يبارك فيكم جميعا

الله ينور عليكم ويبارك فيكم

**dr.hazem** · 04-04-2012 01:59 PM

المشاركة الأصلية كتبت بواسطة waelgam2005

استاااذ حازم ممكن النطة اللى كانت فيها دى عشان فولتها 92 والكهربا عاوزة تتظبط انا معرفش العربيه الجديدة تفتكر ممكن يكونو حاطين ليها 80 ؟
انا واخدها عامله 70 كيلو وكان فيها حوالى شرطه واحده
فولتها من شل اللى فى مدينة نصر 92

منور ياوائل بس النطه مش من كده خالص
المصنع بيبقى ظابطها 92
النطه زي مقلتلك شوط الدبرياج بتاعها مختلف عن العربيات اللي انت سقتها قبل كده...

المشاركة الأصلية كتبت بواسطة MHHAGAG

والله ياباشا مش عارف أقول لحضرتك إية
ألف ألف شكر .. .وربنا يبارك فيك كفييت وفيت .
دا أنا كنت محتاس في الموضوع دا
وحضرتك نورتني .. وجاري تنفيذ التعليمات
أنا هعمل الشغل دا المرة دي هنا عندنا
لإني مش هسافر القاهرة الأن بسبب ظروف العمل
لكن الصيانة القادمة .. لو مكنش فيها إزعاج هنسق مع حضرتك
وأجي أعملة في القاهرة .. بس طلب أخير لو تكرمت .. تبعتلي على الخاص
للطوارئ / عنوان محل في القاهرة بيكون بيبيع قطع غيار أصلية للماروتي
علشان لو عطلت على حاجة ممكن أتصل بأحد أصدقائي يشحنها لي من القاهرة

ولك جزيل الشكر والتقدير

ياعزيزي هنا احنا اخوان وكلنا بنساعد بعض ان شاء الله وفي اي وقت احنا في الخدمه
بالنسبه لقطع الغيار الاصليه مفيش قطع غيار اصليه ولا حتى في التوكيل!!!
انا بقول ابلاتين زي بتاع الفبريكا
هههههههههه
ابلاتين وكوندنسر فقط لكن انت مش محتاج تغير الكوندنسر حاليا لساع على 40 ألف ربنا يوصلك لهناك بالسلامه
بالنسبالي انا مسافر قريبا لخارج مصر واحتمال كبير مكونش موجود ابتداءا من الاسبوع القادم
عموما عندك منسق القسم عمرو Axel هيدلك على نفس الميكانيكي ان شاء الله لان هوا اللي عرفني عليه بالبدايه...
هبعتلك عالخاص عنوان الراجل وبرضوه لو حابب عمرو عارفه كمان لو هتبقى تكلم عمرو وقت الصيانه عند الميكانيكي مره واحده ان شاء الله

المشاركة الأصلية كتبت بواسطة HRH_Sameh

الشباب قاموا بالواجب وزيادة
وياريت تحمل الملف ده وتقراه هيفيدك جدا:
http://www.nilemotors.net/Nile/98669-800.html

شكرا لمرورك الطيب كالعاده

المشاركة الأصلية كتبت بواسطة mesaharaty

مافيش كلام تانى يتقال

والله كل الناس هنا آخر جدعنة وتعاون
ربنا يبارك فيكم جميعا

شكرا ليكم جميعا

تحياتي

-

الموضوع: أشتريت ماروتي ومحتاج شوية إستفسارات بعد إذنكم

LinkBack

أدوات الموضوع

عرض

-

-

-

-

المواضيع المتشابهه

عايز أشترى مازدا 3 ومحتاج شوية معلومات عنها ومحتاج مساعدة الوحوش

أشتريت عربية ومحتاج مساعتدتكم

شوية إستفسارات قبل الصيانة

أشتريت عداد rpm ومحتاج لطريقة تركيبه

شوية إستفسارات

الكلمات الدلالية لهذا الموضوع

المفضلات

المفضلات

ضوابط المشاركة