الموضوع: دودج رام ولا تويوتا هايلكس

المشاركة الأصلية كتبت بواسطة ahmedbasto

انا لومكانك هجيب هايلكس ال4x4 سعرها جديدة بتمن الرام المستعملة وحاسسها اعتمادية عنها وتكلفة التشغيل اقل

المشاركة الأصلية كتبت بواسطة m!na

الله يبارك فيك :)

أيوا... التعلبة..... عربية معايا شخصيا من 2009 و بصراحة حاجة فوق الوصف

هي ممكن تكون اداء كويس بس طبعا المشكلة ان شكلها مش عاطفي :)

المشاركة الأصلية كتبت بواسطة M!NA

أنا كنت زمان عندي اعتراض عليها.... من ناحية الطول و الشكل
العربية طويلة جدا.... و كنت خايف معرفش أمشي بيها في شوارع ضيقة..... لكن في نفس الوقت عرضها مش كبير و تصميمها من ناحية كسرة العجل و زواياك و انت بتحود.... تخليك حاسس أنك راكب عربية صغيرة و مع الوقت و التعود هتلاقي نفسك بتعمل بيها كل حاجة.....

نيجي للمنظر الخارجي... لو لونها اتغير للون زي الكحلي أو السيلفر الميتاليك .... هتبقا شيك جدا

الكنبتين اللي ورا بيتغيروا ب 5 كراسي والكرسيين اللي قدام بيتغيروا بكراسي طيارة

شوية شغل يخلوها أشيك من عربيات كتير.... بالإضافة لمميزاتها اللامتناهية

ديزل - دفع رباعي 2 تانك سعة الواحد 90 لتر - يعني ماشي معاك 180 لتر سولار - بصراحة عمري ما حسيت بأزمة السولار خصوصا أني كنت بقول التنكين و أملا 3-4 جراكن.....فكان ممكن أقعد بالشهرين مش محتاج أفول تاني :)

عفشتها سوست ورق ورا و قدام.... يعني لا فيه مقصات تتكسر ولا سوست حلزون ولا أي حاجة من الكلام ده.....
يعني لو عايز تمشي على شريط قطر من هنا لأسوان بدون مبالغة... مفيش أي مشكلة....

مفيهاش أي نوع من أنواع الحساسات و لا الحاجات اللي ممكن تبوظ أو تعطل

قطع غيارها منتشرة جداااااا و موجودة في التوكيل و مش غالية (مثلا جوز مساعدين ورا ب270 جنيه الاتنين) من توكيل تويوتا العباسية

كل اللي بتحتاجه أنك تغير زيت و فلاتر في الميعاد..... و امشي انشالله مليون كيلومتر مش هتقولك لأ

طيب بعد إذنك ممكن اعرف اخر اسعارها كام دلوقتي ؟ مستعمل او جديد اللي هي تقريبا series 70 على ما اذكر

و لو فيه لينك فيه صور لها اكون شاكر :)