رحلتى فى البحث عن ميجان 2

**hossam_elwani** · 07-04-2012 04:47 PM

نزلت امبارح السوق فى اسكندريه للبحث عن ميجان 2 او شارك وعديت على 10 معارض وكل معرض اروح له اول ما اقول الاقى ميجان يبصلى كده من فوق لتحت ويقولى لا والتانى يقولى مابجبهمش بخاف الكارته تضرب اصلها بتضرب فى العربيه دى لوحدها والثالث يقولى فى واحده قدامى مع تاجر قولتله اتصل بيه واعرف بيانتها قالى كامله اوتو وفتحة سقف بــ
68000 (وساعةالعد ممكن توصل 65 فأقل المهم الحاله) قولتله ماشى بس بشرط كشف التوكيل قالى لا الا التوكيل حيطلع القطط الفاطسه قولتله اى حاجه استهلاكيه مش حدقق فيها زى التيل المساعد الكاوتش الكويل مش مشكل المهم الحساسات والفتيس وحالة المكنه والرفايع الى مفيش حد يقدر يعرفها الا التوكيل اصر على موقفه وقالى الا التوكيل مع ان الكشف على حسابى .... عرفت ان فيها إن السوق عندنا غريب

حتى الشارك فى معارض مكنتش عارفه يعنى ايه شارك او لانسر ex وشغالين فى العربيات عجبى والله فى ناس كانت بتبصلى بذهول لما بقول شارك او لانسر ex

سوق متشقلب

**S O P H O S** · 07-04-2012 05:57 PM

علي رائيك في ناس بتبيع وهي اصلا مش فاهمة
ودي المشكلة

**abdo_2812** · 07-04-2012 07:25 PM

ربنا يوفقك، بس بالنسبة للميجان لا تتنازل أبدا عن كشف التوكيل مادام بتشتري من حد ماتعرفهوش

وحاول توسع الدائرة شوية بره اسكندرية، القاهرة فيها حاجات كويسة كتير وممكن تتابع على كونتاكت ممكن تلاقي حاجة لقطة في فترة مش كبيرة