الموضوع: مكروباص خبطلي العربية ! ! ولما اتكلمت معاه اترفع عليا مطاوي !

المشاركة الأصلية كتبت بواسطة minicooper20

حصل خير
و متمشيش من غير سلاح و لو حتى شومه
و بعدين هى موته و لا اكتر
لو على حق دوس و خليها على الله

والله العظيم الراجل ده بيقول كلام زى الفل
بص انا جربت كتير اكون زوق ومحترم مبينفعش واللى قدامك لما بيلاقيك ساكت او هادى بيتنطط
لكن لو من البدايه لقيتو محترم وعارف خلطو يبقى خلاص
انما بقى لو لون معاك ارمى قلبك وحط عليه طلاما حقك يبقى دافع عنو
انا فى مرة كنت على طريق مصر الاسكندريه وبعد ما عديت من تحت المحور عند موقف الخردة بتاع تاكسى العاصمه بطلع من هاشم باص من اليمين راح كاسر عليا كسره غبيه اوى وكان ورايا عربيات كتير
هديت وسبتو ينزل قدامى راح دايس فرامل واقف طبعا كبست فرامل وكل العربيات اللى ورايا كانت هتلبس فيا بس يدوب لمحت الشمال فاضى رحت نازل فيه
وقطعت عليه الطريق و شتمتو و قلتلو امال المرايا بنت ........* لازمتها ايه وكسرتهالو
راح نازلى هو و التباع وكان معايا صاحبى و مسكنا فى بعض عقبال ما الناس نزلت كنا روقناهم بس كزا سواق ميكروباص اتلم علينا انا لقيت كده جريت على الشنطة وطلعت الاليكتريك اللى زى العصايه ده ورحت مخبيه وراه دهرى و قلتلو تعالا يا ابن ........* انا هسقطك من طولك دلوقتى وبعد ما كانت الناس بتحوشش السواقين عننا لقيتهوم بعد ما شافو الاليكتريك سابوهوم و كانهم بيقلولهوم طب فرونا هتعملو ايه معاه
وجه كام عسكرى و امين وحلو الموقف ومشينا
هى النوعيه دى مينفعش معاهم الا كده
وزى ما كوبر بيقول لو معاك حق فوت فى الحديد ولا يهمك