ابيزا - ليون - قاشقاي

**Dawns_Mist** · 11-04-2012 03:04 PM

* لصاحب الموضوع ...
لو عايز عربية بالمواصفات اللي قولتها شبابية ليك أعتقد الفيات برافو t-jet 120 هتكون حل مثالي لحضرتك
لو عايز عربية عائلية كبيرة suv و محتار بين السبورتاج و القاشقاي .....
السبورتاج كماليات أكتر .... القاشقاي أداء أفضل ( دي وجهة نظري )

* بالنسبة لأحبائنا و اخوانا اللي كانوا بيتكلموا على تقيمات توب جير و غيره :
توب جير لو كان بياخد فلوس مقابل الدعايا فماكانش هيلاقيها منين ولا منين .. دلوقتي شعبية البرنامج و الويب سايت ده أكبر من شعبية الشركات الكبيرة نفسها ... و فعلا فيه معارض لما تحب تسوق لسيارة تكتب عليها التقييم بتاع توب جير لو كان عامل تقييم كويس ليه .. كل الشركات مستعدة تدفع ملايين لتوب جير علشان يسوق عربياتها .. ولو ده كان حصل مرة واحدة كان البرنامج كله هيقع ... وجهة نظري إن لا توب جير ولا وات كار ولا غيرهم من المتخصصين متحيزين أبدا ...

تقييمات توب جير بتكون مبنية على القيمة مقابل السعر .... مافيش كلام إن البي إم x1 عربية ممتازة .. لكن المتخصصين شايفين إن فيه عربيات تانية في نفس فئتها السعرية تتفوق عليها ( و ده من حقهم ) ... و بنصح اللي بيتابع تقييمات توب جير يقرأ التفصيل الكامل بتاع التقييم مش الدرجات بس لإن هتفرق كتير أوي .. ساعات كتير بيكون التقييم بتاع عربية 4 من 10 و لما تيجي تقرا عن الأداء تلاقي الأداء لوحده 8 من 10 لكن هو شايف إن كتقييم عام السعر ده زيادة عليها مثلا أو إنها بتاكل بنزين كتير و هكذا ...

تقييمات توب جير أو غيرهم من المواقع المشهورة تقييمات عملية و يتاخد بيها في مصر مافيش مشاكل مدام العربيتين اللي بتقارنهم ببعض موجودين في مصر بنفس الموتور و الإمكانيات ....

*و اتمنى مايكونش فيه مشاكل أبدا و بعتذر لاخواني الكبار اللي أنا بتعلم منهم لو كان كلامي ضايق أي حد فيهم .. و اتمنى تكون النفوس صافية .. ولو أنا غلطت في أي حاجة فأنا موجود هنا علشان تصححولي غلطي و اتعلم منكم ..

**محمد بدر** · 11-04-2012 03:23 PM

المشاركة الأصلية كتبت بواسطة dawns_mist

*

*و اتمنى مايكونش فيه مشاكل أبدا و بعتذر لاخواني الكبار اللي أنا بتعلم منهم لو كان كلامي ضايق أي حد فيهم .. و اتمنى تكون النفوس صافية .. ولو أنا غلطت في أي حاجة فأنا موجود هنا علشان تصححولي غلطي و اتعلم منكم ..

أعتذار مين وغلط فين
نشكر معاليك على المعلومات المفيدة والأسلوب الراقى ويارب نتعلم منك حاجة
والله بدون مجاملة تستحق مليون تحية

**DarkMagician** · 11-04-2012 06:15 PM

المشاركة الأصلية كتبت بواسطة mmbadroo

لوكان الكلام هيوصلنا لكده انا أسف انى علقت على هذا الموضوع أساسا" لأنى كنت فاكر الناس أكبر من كده ولن أتخيل ان ممكن موضوع مقارنة يجعل الناس تكتب كلام لا تحترم فيه مشاعر الأخرين وتجرح بكلامات لامحل لها من الأعراب فى هذا الموضوع . أختلفنا كثير فى هذا المنتدى ولم يتدنى بنا الحوار إلى هذه الدرجة
وعلى فكرة مش انا إلى خدتها على قلبى !!!!!!!!!!!!! .......... حتى لو حصل لا تكتب بهذا الشكل المفروض اننا ارقى من كده بكثير وان يكون الأخترام متبادل والله يقطع العربيات كلها وأخيرا"
أنا كاتب كلام موثق مش كلام وخلاص انا حبيت أوضح فقط .

يا اخي الكريم انا عمال اقول حضرتك و بحاول قدر الامكان مقولش حاجة تدايقك وانت تقول تدني ومش عارف اي
ومفيش اي مشاكل او زعل انا حتى دخلت ومتكلمتش انت اللي جريت الحوار كاني اجرمت

لمجرد حضرتك حابب العربية زعلك جدا ان في حد مجرد حط كم صورة بدون ما حتى اقول رايي

حتى بقولك بلاش تاخد الامور على قلبك كعتاب ليك ان الامور مش مستاهلة

ولو جبت اي عاقل يحكم حيغلطك على كلامك

انت قبل كده رديت علي رد برضو مش كويس وعديتها لان الامور مش مستاهلة

ربنا يسامحك

**DarkMagician** · 11-04-2012 06:16 PM

المشاركة الأصلية كتبت بواسطة dawns_mist

* لصاحب الموضوع ...
لو عايز عربية بالمواصفات اللي قولتها شبابية ليك أعتقد الفيات برافو t-jet 120 هتكون حل مثالي لحضرتك
لو عايز عربية عائلية كبيرة suv و محتار بين السبورتاج و القاشقاي .....
السبورتاج كماليات أكتر .... القاشقاي أداء أفضل ( دي وجهة نظري )

* بالنسبة لأحبائنا و اخوانا اللي كانوا بيتكلموا على تقيمات توب جير و غيره :
توب جير لو كان بياخد فلوس مقابل الدعايا فماكانش هيلاقيها منين ولا منين .. دلوقتي شعبية البرنامج و الويب سايت ده أكبر من شعبية الشركات الكبيرة نفسها ... و فعلا فيه معارض لما تحب تسوق لسيارة تكتب عليها التقييم بتاع توب جير لو كان عامل تقييم كويس ليه .. كل الشركات مستعدة تدفع ملايين لتوب جير علشان يسوق عربياتها .. ولو ده كان حصل مرة واحدة كان البرنامج كله هيقع ... وجهة نظري إن لا توب جير ولا وات كار ولا غيرهم من المتخصصين متحيزين أبدا ...

تقييمات توب جير بتكون مبنية على القيمة مقابل السعر .... مافيش كلام إن البي إم x1 عربية ممتازة .. لكن المتخصصين شايفين إن فيه عربيات تانية في نفس فئتها السعرية تتفوق عليها ( و ده من حقهم ) ... و بنصح اللي بيتابع تقييمات توب جير يقرأ التفصيل الكامل بتاع التقييم مش الدرجات بس لإن هتفرق كتير أوي .. ساعات كتير بيكون التقييم بتاع عربية 4 من 10 و لما تيجي تقرا عن الأداء تلاقي الأداء لوحده 8 من 10 لكن هو شايف إن كتقييم عام السعر ده زيادة عليها مثلا أو إنها بتاكل بنزين كتير و هكذا ...

تقييمات توب جير أو غيرهم من المواقع المشهورة تقييمات عملية و يتاخد بيها في مصر مافيش مشاكل مدام العربيتين اللي بتقارنهم ببعض موجودين في مصر بنفس الموتور و الإمكانيات ....

*و اتمنى مايكونش فيه مشاكل أبدا و بعتذر لاخواني الكبار اللي أنا بتعلم منهم لو كان كلامي ضايق أي حد فيهم .. و اتمنى تكون النفوس صافية .. ولو أنا غلطت في أي حاجة فأنا موجود هنا علشان تصححولي غلطي و اتعلم منكم ..

الحمد لله ان حد شرح وجهة نظري

شكرا ليك