الموضوع: ابيزا - ليون - قاشقاي

محدش ينكر إن seat عربية محترمة اوييييييييي في كل حاجة خصوصا leon و كمان قشقاي عربية ما شاء الله عليها يعني اسد ..

بس احتياج حضرتك إيه في العربية عشان دول فءات مختلفة تماما

المشاركة الأصلية كتبت بواسطة silvermask

انا حيران بقالي شهور

اشتري ايه .. من تيدا .. للريو .. للسبورتاج ؟؟؟

اخيرا بقول لنفسي لو ياباني هايبقي قاشقاي و اسمها ياباني
لكن لو حاجه صغيرة يبقي سيات سواي ابيزا جديدة او ليون كسر زيرو

ادوني رايكم لاني محتار بقالي كتير قوي

حضرتك كنت راكب كيا وفاهم
الفورد الفوكس الأستيشن رائعة وعائلية والتيدا ناس كثيرة شكرت فيها
الأوروبى بوجه عام سيارات رائعة لاأحد ينكر ذالك . المشكله تكمن فى 1-سعر إعادة البيع 2- توفر وسعر قطع الغيار 3- لازم ولابد للمحافظة على السيارة عمل جميع الصيانات فى مواعيدها وفى الوكيل المعتمد
4- لازم تعامل السيارة معاملة خاصة للمحافظة عليها وإلا السياره هتعجز بدرى بدرى
السيارات الكورى بوجه عام أصبحت سيارة تكاد ان تكون شعبية بل هى بالفعل شعبية بمعنى هات السيارة وهنها يعنى عملها معاملة سيئة خاصتا فى شوارعنا العظيمة ومتصينش فى التوكيل وهات أى قطع غيار من بره الوكيل هتلاقى السيارة ماشية تمام التمام والأهم عند البيع هتجيب السعر المطلوب .
انا فى الآخر شايف ان كيا سبورتاج مناسبة جدا" لحضرتك وجمعت كل أحتياجاتك
وأستخير المولى عز وجل