انا قررت اركب مروحة لكندنسر الميجان 2 ... الصيف شكلة داخل نااار ... الرجاء المشاركة

**shawkylotfy** · 08-04-2012 06:05 PM

ياجماعة المروحة ام سرعة ثانية الى عملاها رينو دى مش نافعة مع الحر الى فى بلدنا لما العربية بتقف فى زحمة ودرجة الحرارة 35 درجة والشمس وشكمانات ومواتيير العربيات الى جامبك ولو الوقفة طولت وبقت 10 دقايق التكيف بيجيب هوا عادى والسبب هقولة.

المكثف فى منظومة التكيف الى هو الكوندنسر وظيفة تحويل الغاز ذو ضغط عالى الى سائل ذو ضغط عالى عن طريق التيادل الحرارى يعنى (شفط وطرد) والى بيعمل الشغلانة دية طبعا مروحة تشفط هو من برة يخش على الزعانف بتاعت المكثف والحرارة تطرد وهكذا...

طبعا رينو عاملة مروحة واحدة بسرعتتين ورا الراديتير وظيفتها تبريد الراديتير والمكثف طب جميل.. بس المشكلة ان لما تبقى واقف فى زحمة فى الصيف وقت طويل ودرجة الحرارة فوق ال 35 والشمس المروحة ام سرعتين دية مش بتخلى الفريون يتكثف لسائل صح وبالتالى التكييف كفائتة تقل ولكن اول اما العربية تبتدى تجرى خلاص الهوا بيضرب فى صدر العربية والمكثف بيتبرد صح والفريون بيتكثف كما يجب والتكيف فعلا بيتحول لثلاجة زى العربيات اليابانى (لاحظ ان معظم العربيات الكورى واليابانى بمروحة على الراديتير واخرى على المكثف)...

المهم ياجماعة انا دلوقتى عايز اجيب مروحة كوندسر بتاعت ماتريكس مثلا واركبها بس السوال بقى للوحوش القدام

أزاى هنقعدها وكهربتها هتبقى ازاى مع العلم انا عايز اخليها تشتغل مع التكيف بس والمروحة ام سرعة ثانية بجد لو الكلام دة اتنفذ التكييف بتاع الميجان هيبقى تويتااااااا

مثال للى انا عايز انفذة فى عربيتى
car aircon fan - YouTube

**ugaritian** · 08-04-2012 06:43 PM

مهتم... متابع.

**sammor_28** · 08-04-2012 09:52 PM

متابع باهتمام جدا

ياريت الوحوش يفيدونا لنها لو تنفع هتبقى فكره هايله

**SHERIF2009BHIT** · 08-04-2012 10:15 PM

متابع باهتمام

**shawkylotfy** · 09-04-2012 07:26 AM

اية ياوحوووووش محدش عبرنى بفكرة وكلة متابع طيب انا جبتلككوا القصة وما فيها راجعوا اللينك ده :

كود:

http://www.mekshat.com/vb/showthread.php?t=371645

**shawkylotfy** · 09-04-2012 08:22 AM

مش عارف بقى فى الميجان هنقعد المروحة ازاى ... بجد بتوع رينو دول اغبياء المفروض كانوا عملوا حساب الدول الحر..

**Rsarabia** · 09-04-2012 08:00 PM

فكرة تحفة متابع باهتمام
بس فى مشكلة ان الحوض ضيق جدا و يدوب بالعافية واخد المروحة

**ecybrarian** · 09-04-2012 11:19 PM

هاتجيب المروحة من اين؟؟ هو عموما اعتقد الحوض مافيهوش مكان؟؟ كان في وحش قديم غير المروحة (او موتور المروحة مش فاكر) بواحد اقوى

**Rsarabia** · 09-04-2012 11:45 PM

تغيير المروحة او موتور المروحة مش هيفيد فى الفكرة لان الفكرة مش اننا نقوى بس مروحة الرادياتير و الفكرة اننا نبرد المكثف بحيث يكثف الفريون بالكامل بدل ما هو بيكثفه جزئيا
طيب معلش هل حد عارف مكان المكثق فين بالظبط ؟؟

**تامر.محمد** · 10-04-2012 02:34 AM

انا متابع برده لأني للأسف لا املك العلم الكافي

بس انا شفت في المنتدى هنا تقرير عمله عضو غير مروحة الشاهين بمروحة اوبل استرا و فرقت

كمان انا واخد بالي ان اللانوس كان فيها مروحتين مش مروحة واحدة , و التكييف كان كويس