الموضوع: تجربتى مع الفيرنا من الزيرو لـ 15500 كم

مهو عشان حضرتك غالبا مفوت صيانة ال1000 وال5000 و 10000 طبيعى تلاقى كل القصص اللى قولت عليها دى

المشاركة الأصلية كتبت بواسطة koshary

ربنا يباركلك فيها يارب بس والله ياباشا اللى استفدتو من موضوع العربيات الجديده ده انو موضوع قرف ان حضرتك

قرفتك جت فى عربيه مش متظبطه والله ساعات بمزاج الصنايعى وطبعا مفيش حد بيتابع وراه انا اما بروح بعربيتى لاى

صنايعى بفضل واقف على ايده ودلوقتى مبقتش اروح لاى صناعيى الا للشديد القوى .....

وطبعا حضرتك مشكور على نقل تجربتك واتمنى مشاركتك دائما معانا واتمنى نشوف حضرتك فى مقابلة عيد ميلاد المنتدى ....

http://www.nilemotors.net/nile/280897-a.html

شكرا ليك ولكنى اعتذر عن مقابلة عيد ميلاد المنتدى لظروف السفر لكن إنشاء اللة أكيد فى مناسبة أخرى هكون موجود وربنا يجمعكم دايما فى الخير

المشاركة الأصلية كتبت بواسطة wael6

الف مبروك
وربنا يديلك خيرها ويكفيك شرها يارب
ومنتظرين مواصفات الاستلام من فضلك والسعر
وشكرا جزيلا

اللة يبارك فيك مواصفات الاستلام ولكن الكلام دة من 6/2011 انا العربية تقسيط من البنك فبمجرد انهاء الاجرءات يتم استلام العربية والسعر للعربية جميع الكماليات مانيوال 72500جم تقريبا اتمنى اكون افادتك

المشاركة الأصلية كتبت بواسطة lonedoctor

بجد احييك جدا واحيى الميكانيكى بتاعك اكتر وبصراحة حضرتك 100 % انك رميت التوكيل وراء ظهرك وعشت حياتك مع السيارة من الاخر

باشا انا من الناس الى قديمة شوية ومبحبش حد يشتغلنى والحمداللة فاهم فى العربيات ومع احترامى للتوكيلات التى تعاملت معها ( فورد - هيونداى - ميتسوبيشى ) هناك دائما استغلال لعدم معرفتك بتقنيات السيارة مثلا تكون فية مشكلة فى طقم الدبرياج وكل الاعراض الى بتحصل للعربية واضحة جدا تروح التوكيل تشتكى ويتقلك تمام المشكلة راحت وتدفع وتمشى بالعربية وبعد أسبوع ترجع تانى نفس المشكلةوكذلك وتكون دفعتلك 1000جم صيانة + قيمة البنزين للمشوار من بيتك للتوكيل + قيمة وقتك الضايع فى التوكيل وفى الاخر يعترف بالمشكلة !!!! فأنا بجيب من الاخر وأغلب الصيانة الى مفهاش شغل كبير فى العربية بعملها عند ميكانيكى

من وجهة نظر البعض وهى تحترم جدا صيانة السيارة فى التوكيل انا فى رأى لو انا شارى عربية كورى وفى الفئة المتوسطة من السيارات وعندى الخبرة الكافية عن الصيانة وقطع الغيار والميكانيكى الشاطر اقدر اوفر فلوس ووقت فمثلا الميكانيكى الى حكتلكم عنة نضف الموتور كويس جدا بالهواء وشيك على كل السوائل وغير الفلاتر والبوجيهات وعمل صيانة للتيل الخلفى وربط العفشة واخد 70 جنية وساعة ونصف فى الوقت الى انا اخترتة ( محجزتش فى التليفون وقعدت اقرأ مجلات ساعتين مستنى عربيتى تدخل فى الصيانة , ولما تدخل الصيانة وأحب اشوف العربية بيتعمل فيها أية يتقلى مينفعش دة نظام التوكيل ) فأعتقد ان دة افضل حل ودة رأى الشخصى