استفسار بخصوص توكيل السيارة (قانونيا) استفسار بخصوص توكيل السيارة (قانونيا)

**f4f8f12** · 09-04-2012 06:37 PM

السلام عليكم جميعا .. مبدئيا انا مقدم على شراء سيارة مستعملة ودى مش اول مرة ليا .. زمان كنت بحب تبقى الرخصة فيها مدة كبيرة وبمشى بالتوكيل وخلاص .. وكنت ببيعها قبل ما ارخص او اكتبها بأسمى اصلا .. وده اللى انا كنت متعود عليه علشان انا تبع مرور رخم شوية وموضوع الترخيص فيه بيبقى مليان رشاوى ونصب وعلى عينك يا تاجر .. استفسارى دلوقتى يا ترى هل فى خطورة من موضوع التوكيل ده؟ يعنى لو دفعت الفلوس واخدت العربية والرخصة وكله.. هل ياترى ممكن اللى اشتريت منه العربية لو معاه صورة الرخصة الاصلية يقول انها عربيته ويعمل محضر انها مسروقة او يعرف يطلع بدل فاقد للرخصة مثلا باسمه؟ حتى لو التوكيل مسجل عقارى انا بحسه مش اثبات ولا دليل خالص على موضوع البيع والشراء .. البلد دلوقتى مش مضمونة وانا مش عارف قانونية الموضوع ده ايه وخصوصا ان التوكيل بيبقى حتة ورقة كده ملهاش اى لزمة .. ارجو رد قانونى وافى للاحتياط .. وشكرا

**vmallek** · 09-04-2012 07:25 PM

بالطبع صاحب السيارة يستطيع استخراج رخصة جديدة كبدل فاقد - ولذلك يفضل عمل عقد بيع ابتدائي مع البائع لضمان حقك-

**ahmedmok** · 16-04-2012 06:56 PM

لا يستطيع مالك السياره الغاء التوكيل الا بحضورك يا سيدى فالتوكيل ضمان كافى لك وليس فى صالحه لان السياره مازلت باسمه و سيستمر فى حاله قلق لحين انتهاء الرخصه و التسجيل باسمك

**specialist50** · 16-04-2012 11:23 PM

الموضوع محير فعلا والمشكلة فى مصاريف التسجيل الخرافية

**tananybasha** · 17-04-2012 12:26 AM

التوكيل غير قابل للألغاء حتى بحضور الطرفين فى بعض مكاتب الشهر العقارى
لدرجة ان مكاتب شهر عقارى زى الجيزة و الأهرام لو العربية فيها اكتر من توكيل
يقول لصاحب اخر توكيل اعمل عقد بيع
انما التوكيل لا يلغى و سند قوى جداً
بس مع وجود عقد ابتدائى
يبقى افضل و افضل
ولازم يكون مكتوب فيه التعامل مع المرور و وحداته و نياباته و التجديد و الترخيص ( ده لو عندك عربية تانى و مش عايز ترخص باسمك ) و البيع للنفس و للغير و دى اهم نقطه