تعليم الsport drive ؟

**abdalah_hashem** · 13-04-2012 11:15 AM

المشاركة الأصلية كتبت بواسطة montaser2005

المفروض وعلى حد علمي أنك بتدخا ممثلاً نفسك يعني تدخل وتسابق وتعرض مهاراتك قدام الحكام ووقت ماتاخد بطولة واتنين ساعتها ممكن تكون متسابق رسمي بأسم شركة أو بأسم بلدك إذا كانت بتدعم الرياضة دي وطبعاً ده مش موجود فمصر، وعندك الأمثلة كتييير يعني عندك (رامي سري ) أعتقد أنه لو حط فدماغة يكون متسابق رسمي لشركة ما هيقدر يحقق ده لأانه مهاري جداً وفاز بتصفيات مصر في ريد بول بارك دريفت ودي مسابقة بتتعمل كل سنة و راح معاهم رامي سري لحد بيروت عشان التصفيات، وعندك المتسابق الرسمي لريد بول (عبده فغالي ) وده شخصية خيالية أنا حضرتله عروض وروحت قعدت معاه السنة اللي فاتت فمسابقة ريد بول ولسه النهاردة برده كنت معاه لأن كان في عرض في مدينة ( جدة ) بخصوص مسابقة (red bull park drift)
والعربية اللي مع عبده فغالي بتجهيز شركة ريد بول وهو عليه يسوق وبس والعربية بدون مبالغة وهي ماشية بتهز الأرض اللي أنت واقف عليها من قوتها، المهم اللي عاوز أقولهولك أنك بتبتدي بمجهووودك زي مانا شفت الناس دي عملت كده.
لو عندك أسئلة أنا تحت أمرك.

اة كدة فهمت ربنا ييسرها للجميع

المشكلة ان العربيات اللى تتحمل ان الواحد يبين مهارات بيها دية هتبقى عالية حبتين

يلة ادينا صابرين لما ربنا يفرجها ان شاء الله

بس من وجهة نظركم اية اقل عربية فى السعر تتحمل الكلام دة وممكن الواحد يدخل بيها حاجة زى الاوتوكروس كدة يعنى على كام يجيب اية ؟؟

**ahmedbasto** · 13-04-2012 12:16 PM

على ما اعتقد سيفيك 88 اللى هي ef series

**montaser2005** · 13-04-2012 05:33 PM

المشاركة الأصلية كتبت بواسطة abdalah_hashem

اة كدة فهمت ربنا ييسرها للجميع

المشكلة ان العربيات اللى تتحمل ان الواحد يبين مهارات بيها دية هتبقى عالية حبتين

يلة ادينا صابرين لما ربنا يفرجها ان شاء الله

بس من وجهة نظركم اية اقل عربية فى السعر تتحمل الكلام دة وممكن الواحد يدخل بيها حاجة زى الاوتوكروس كدة يعنى على كام يجيب اية ؟؟

بص ياسيدي أنت فالأوتو كروس بتحتاج عربية قوية شوية عشان الفائز هو اللي بيحقق أقل زمن في إنهاء الجولات.
طيب ايه هي أقل عربية ممكن أنافس بيها؟
لو معاك 127 تنافس بيها عادي بس تعدل فيها شوية يعني تشوف عزم الموتور بيوصلك مسافة 30//40 متر فئد ايه بيقفل 100ك/س فكام ثانية.
تاني حاجة ثبات العربية وده مهم جداً عشان الدريفتات اللي بتعملها كتيير.
الفرامل حالتها أيه ؟
يعني أمور بسيطة كلها أهم من بعض لكن اللي يفرق معاك الموتور و العزم بتاعة وممكن تسقط موتور قوي شوية وتريح نفسك.
بس أهم شيء فالأوتو كروس هي الخبرة....أمتى تمسك بريك ....أزاي تعمل الدونات(تلف بالعربية أكتر من لفة قصاد برميل وكده يعني) بدون مالعربية تحدف منك.
أزاي تتحكم في وزن العربية وتستفاد من وزنها على ا لطريق(يستخدم وزن العربية وقت ماتعمل يوترن بقوة وتكون العربية زي اللي ماشية بجنبها.

أهم شيء إن كنت ناوي روح وخد الرخصة و أبدأ التعليم مع رامي سري أو أي حد فاهم أو لو مزنقة معاك أوي اجيبلك فيديوهات تتعلم منها.

**montaser2005** · 13-04-2012 06:14 PM

المشاركة الأصلية كتبت بواسطة ahmedbasto

على ما اعتقد سيفيك 88 اللى هي ef series

السيفيك عربية محترمة جداً برده بس تعدل التسارع والثبات وعلى قدر الأمكان فالأوتو كروس متدخلش بعربية طويلة فالبداية أنسب حاجة هاتشباك أو عربيات قصيرة شوية وده بيخليك تاخد المنحنيات وأنت مرتاح.

**montaser2005** · 14-04-2012 12:12 AM

المشاركة الأصلية كتبت بواسطة abdalah_hashem

بس من وجهة نظركم اية اقل عربية فى السعر تتحمل الكلام دة وممكن الواحد يدخل بيها حاجة زى الاوتوكروس كدة يعنى على كام يجيب اية ؟؟

الأسعار معنديش فكرة عنها والله بس تركب للعربية دعامات عند الموتور وتحت العربية وفي الجوانب ودي عشان تمسك الشاص بتاع العربية وتكون ثابتة في الأرض وأسعارها من 600 ل 4600 للطقم كامل يعني عربيتك ممكن تاخد 3 قطع فيكون السعر 600 جنيه وأكتر من كده مثلاً معاك لحد 4600 جنيه....... تركيب إكزوز سيستم كامل فحدود 1500 جنيه تقريباً + فلتر سبور الأصلي ب 500 تقريباً k&n(ماركة الفلتر) والتقليد أو التايوني من 100 ل 250 تقريباً.
كمان تركبلك بواجي رياضية بالسلوك ( البواجي فرنج 160 جنيه ماركة ngk والسلوك فرنج 400 جنيه) تقريباً ده كل اللي ممكن تحتاجه بعيداً عن التيربو والنيتروس لكن زي ما قولتلك الموتور اللي فعربيتك يفرق جداً وإن عاوز نصيحتي ممكن تعمل التعديلات اللي على قد جيبك وتروح تقدم وتقابل الشباب اللي بيقدم معاك وحاول تدردش معاهم وهتلاقي كل واحد بيديك معلومة أقوى من اللي قبله... بس حط فبالك الصيانة الدورية للعربية لأن الدريفتات والمواضيع دي بتهلك العربيات إن مكنتش بعفشة رياضية.
ربنا يوفقك

**misoalex** · 14-04-2012 02:50 AM

المشاركة الأصلية كتبت بواسطة mohamed_7amo

فيه واحد هنا فى اسكندريه بيدى الكورس ب 300 تقريبا وممكن يدي كورس مكثف فى يوم كامل او يومين

طب متعرفش بيعلمنى على عربيتى ولا هو معاه عربية بيعلم عليها[/quote]

هو عنده هوندا سيفك 92 تقريبا حتلاقيها لونها ابيض وكبوت اسود انا حافظها :)

ولو عاوز تتعلم على عربيتك يبقى افضل هو متفرقش معاه

**misoalex** · 14-04-2012 02:52 AM

المشاركة الأصلية كتبت بواسطة moh19227

ياباشا الف شكر علي الرد والمتابعه
وياريت اي حد يعرف الميعاد بالتحديد يوضحه
وشكراا

27 و 28 شهر 7 فى مارينا
ده اللى عرفته بس مش متأكد من الميعاد بس لو رحت تعمل الرخصه الرياضيه حتتأكد من الميعاد لانهم سعات بيأجلوه وحصل فى 2010 الجوله النهائيه الميعاد اتأجل

**misoalex** · 14-04-2012 02:59 AM

المشاركة الأصلية كتبت بواسطة abdalah_hashem

اة كدة فهمت ربنا ييسرها للجميع

المشكلة ان العربيات اللى تتحمل ان الواحد يبين مهارات بيها دية هتبقى عالية حبتين

يلة ادينا صابرين لما ربنا يفرجها ان شاء الله

بس من وجهة نظركم اية اقل عربية فى السعر تتحمل الكلام دة وممكن الواحد يدخل بيها حاجة زى الاوتوكروس كدة يعنى على كام يجيب اية ؟؟

اى عربيه ممكن تزل بيها اتوكروس لؤى الكنانى من كام سنه كان نازل ب 127 توب بس كانت متعدله جامد وفيها مكنه اونو تيربو يعنى مصروف على العربيه اد تمنها واكتر تعديلات

وانا كنت معدل ال 128 بتاعتى وكنت ناوى انزل بيها اتوكروس 2011 بس حصلت الثوره واتكعبلت فى حجات كتير والظروف بقت زفت ومكملتش تعديل العربيه وبعتها

بس عاوز رأيى بصراحه عاوز تنزل بعربيه يبقى يا المانى يا يابانى اى حاجه غير كده يبقى عك فى عك
وطبعا اشهر عربيات البى ام والهوندا التسعينات
وخصوصا البى ام لان عفشتها وشاسيها قوى جدا جدا ومواتيرها اصلا مش محتاجه تعديل ممكن تنزل بيها استوك

**misoalex** · 14-04-2012 03:03 AM

نسيت اقول ان الاتوكروس واغلب السباقات بيبقى متقسم لشرائح ومجموعات

يعنى العربيات ال 1000 cc لحد 1300 cc مثلا دى شريحه ومن 1300 لحد 1600cc دى شريحه ومن 1600 وطالع شريحه

الكلام انا بقوله بالتقريب يعنى عشان تفهمو قصدى بأن مينفعش تدخل تتسابق على مركذ ويبقى عربيتك 1300 واللى ادامك عربيته 2000 فاهمين قصدى
الكلام ده عرفته لما حبيت انزل بعربيتى القديمه

**abdalah_hashem** · 14-04-2012 11:51 AM

المشاركة الأصلية كتبت بواسطة montaser2005

الأسعار معنديش فكرة عنها والله بس تركب للعربية دعامات عند الموتور وتحت العربية وفي الجوانب ودي عشان تمسك الشاص بتاع العربية وتكون ثابتة في الأرض وأسعارها من 600 ل 4600 للطقم كامل يعني عربيتك ممكن تاخد 3 قطع فيكون السعر 600 جنيه وأكتر من كده مثلاً معاك لحد 4600 جنيه....... تركيب إكزوز سيستم كامل فحدود 1500 جنيه تقريباً + فلتر سبور الأصلي ب 500 تقريباً k&n(ماركة الفلتر) والتقليد أو التايوني من 100 ل 250 تقريباً.
كمان تركبلك بواجي رياضية بالسلوك ( البواجي فرنج 160 جنيه ماركة ngk والسلوك فرنج 400 جنيه) تقريباً ده كل اللي ممكن تحتاجه بعيداً عن التيربو والنيتروس لكن زي ما قولتلك الموتور اللي فعربيتك يفرق جداً وإن عاوز نصيحتي ممكن تعمل التعديلات اللي على قد جيبك وتروح تقدم وتقابل الشباب اللي بيقدم معاك وحاول تدردش معاهم وهتلاقي كل واحد بيديك معلومة أقوى من اللي قبله... بس حط فبالك الصيانة الدورية للعربية لأن الدريفتات والمواضيع دي بتهلك العربيات إن مكنتش بعفشة رياضية.
ربنا يوفقك

شكرا جدا جدا يا استاذ منتصر

اى عربيه ممكن تزل بيها اتوكروس لؤى الكنانى من كام سنه كان نازل ب 127 توب بس كانت متعدله جامد وفيها مكنه اونو تيربو يعنى مصروف على العربيه اد تمنها واكتر تعديلات

وانا كنت معدل ال 128 بتاعتى وكنت ناوى انزل بيها اتوكروس 2011 بس حصلت الثوره واتكعبلت فى حجات كتير والظروف بقت زفت ومكملتش تعديل العربيه وبعتها

بس عاوز رأيى بصراحه عاوز تنزل بعربيه يبقى يا المانى يا يابانى اى حاجه غير كده يبقى عك فى عك
وطبعا اشهر عربيات البى ام والهوندا التسعينات
وخصوصا البى ام لان عفشتها وشاسيها قوى جدا جدا ومواتيرها اصلا مش محتاجه تعديل ممكن تنزل بيها استوك
اليوم 01:52 am

نسيت اقول ان الاتوكروس واغلب السباقات بيبقى متقسم لشرائح ومجموعات

يعنى العربيات ال 1000 cc لحد 1300 cc مثلا دى شريحه ومن 1300 لحد 1600cc دى شريحه ومن 1600 وطالع شريحه

الكلام انا بقوله بالتقريب يعنى عشان تفهمو قصدى بأن مينفعش تدخل تتسابق على مركذ ويبقى عربيتك 1300 واللى ادامك عربيته 2000 فاهمين قصدى
الكلام ده عرفته لما حبيت انزل بعربيتى القديمه

بس كدة مثلا اللى ركب تيربو دة هينزل مع نفس الفئة السعوية للماتور ؟؟ يعنى لو هو 1000 سى سى وركب تيربو هينزل برضوا مع ال 1000 سى سى

ومعلش سؤال كمان اية اللى بيحصل للواحد بعد ما يكسب ؟؟

الموضوع: تعليم الsport drive ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

تعليم الاتوماتيك

تعليم القيادة

سؤال عن المساعدين الsport

is BMW 316 frontwheel drive ot backwheel drive

ما هو الفرق بين الجين 2 الstandard edition و الsport Edition

الكلمات الدلالية لهذا الموضوع

المفضلات

المفضلات

ضوابط المشاركة