الموضوع: 2012: لانسر شارك - استرا j - فورد فوكس - ستروين c4. ساعدوني في الإختيار أثابكم الله

المشاركة الأصلية كتبت بواسطة mokhtarm

اخي العزيز - أولا ألف شكر على مرور سيادتك....

طبعا أنا عارف اللي إنت بتمر بيه - بس مش عارف ليه مش بالع حيرة سعادتك بين بيكاسو واسترا - بمعنى أنا حاسس إنك محتار بين كونك عايز تنام أو تخش الحمام (اقصد مالهمش علاقة ببعض)

لو حضرتك بتدور على الفرنساوي العائلي يبقى هتحتار مابين البيكاسو وال 308 sw
لو حضرتك هتحتار في الموتور التربو وعايز حاجة شبابي: هتفكر في الأسترا و البـرافو
لو حضرتك بتفكر في رينج سعر من 175 - 190: هتدخل معاك سيات التيا - قاشقاي - سبورتج - جولف - فانتازيا... وحاجات كتير

تعالى نحدد مع بعضينا أولياتك إيه من ناحية الاستخدام اليومي ونفكر مع بعض
وخلي بال سيادتك .. أظن أظن أظن .. Al-c4 البيكاسو بالطارة الثابتة !! لو إنت من الناس اللي مش بيرتحلها (اللي أنا منهم)..

اشكر حضرتك جدا علي الرد
الحقيقة تشبيه حضرتك الظريف يمكن يوريك اد ايه انا مشتت جدا . اصلا انا مش فاهم ايه فرنساوي و ايه الماني: بمعني ايه الفروقات ما بين ال trends of manufacturing الخاص بكل واحدة. يمكن ده اللي مخليني بقارن عربية بعربية بشكل مهرجل شوية . الفلوس من 180 - 190 مش اكتر. اللي انا عاوزه من العربية:
1- مش هبيع الا بعد فترة ان شاء الله لو ليا عمر من 7-10 سنين. ناس كتير قالولي ان اعاده سعر البيع مش هتفرق معايا مادام فترة الاقتناء طويلة - و لان فترة الاقتناء طويلة هحتاج توكيل محترم طبعا، مع احترامى لكل الاراء انا مش بحب اصلح غير في التوكيل.
2-ثبات
3-عفشه تتحمل التكسير (مش قصدي مصفحة بس) لكن قصدي اني بمشي في طريق مكسر غير ممهد بشكل يومي مسافه 2 كم تقريبا. فمش عاوزها تشخلل بعد كام شهر.
4-امان
5-عائلية طبعا : ابعاد الاسترا مناسبة لاستخدامي و كمان ابعاد البيكاسو و السي فور نفسها. الجوك: للاسف :(((
ده باختصار. سؤال لحضرتك: قصدك بالطارة الثابتة ايه؟ انها مش بتطلع لفوق و تحت ؟ و لا حاجة تانية؟

و اقول لحضرتك حاجة: اول ما شفت الستروين حسيت ان هي دي العربية اللي كنت بدور عليها. لكن اول ما بدأت اسأل عن الماركة اكتر: اللي قاللي توكيل و اللي قالي سعر بيع و قطع غيار و كلام مش سد نفسي... دة خلاني احس اني بجد بجد رايح ارمي فلوسي فى بلاعة. فقررت استقصى عن الموضوع اكتر ، عشان كده انا هنا في المنتدى و بحاول اقرا البوستات بتاعة الناس اللي محتارين زيي :))

تحياتى

المشاركة الأصلية كتبت بواسطة mokhtarm

اخي الغالي -- بص -- أنا مش هطول عليك... أنا انصحك بالنيسان القاشقاي (175 بلبل) تحل كل الكلام اللي إنت قلت عالية ده... وكان نفسي اقللك (سوبارو xv) (دي بقى 4wd بموتور بوكسر وكله مية مية) بس توكيل في الحالوللي, ضمان 60ألف كيلو بس وكمان لسة جديدة وقطاع غير هاي هاي هاي ده لو لقيتها أصلا في التوكيل...

أصل بالعقل كده - لو توكيل بيع 300 - 400 عربية في الجمهورية كلها تفتكر هيكون عنده ستوك قد إيه من قطاع الغيار؟ لازم عشان قطاع الغيار تبقى متوفرة دايما عند التوكيل يكون عامل مبيعات بتاع 4-5 الاف على مستوى الجمهورية, قيس بقى على كده الكوري كله والتيوتتات

شكرا أ. mokhtarm و أ. ahmed-adel :
قشقاي هي طبعا وحش نيسان الرهيب. اذا كانت ظروفي مختلفة انا اكيد كنت هختارها. و عشان اوضح اكتر انا عملت حادثة بعربيتي النيسان صني من شهرين ع الدائرى ، و العربية الله يرحمها اتباعت حوادث. الحمد لله على كل شيء . دلوقتي لما بختار عربية بدور علي الثبات و الاماااان بقدر الامكان. للاسف القشقاي عربية جبارة لكن التوكيل شال منها esp اللي هو مش مهم بس في التلج لكن في الملفات و حاجات تانية كتير. و كمان كل الجسم ده ب ٢ ايرباج بس!!!! فبأمانة اقولك انا لو مكنتش عملت حادثة (بدون اي ذنب او سرحان او عدم تركيز مني) كنت ١٠٠٪ هجيبها، بس دلوقتي نظرتي للامور مختلفة شوية. عشان كده مهتم بالاوروبي لان الثبات و الامان فيه عاليين جدا. لكن انا شفت سوبارو xv و مقتنع بيها جدا غير اني توقفت فجأة و اعدت الاهتمام بالاوروبي.
.... الجولف ٦ ممكن يدخل معانا مقارنة؟ و لا اغلي كتيييير؟

المشاركة الأصلية كتبت بواسطة ksayeds

عشان كده مهتم بالاوروبي لان الثبات و الامان فيه عاليين جدا. لكن انا شفت سوبارو xv و مقتنع بيها جدا غير اني توقفت فجأة و اعدت الاهتمام بالاوروبي.
.... الجولف ٦ ممكن يدخل معانا مقارنة؟ و لا اغلي كتيييير؟

بالنسبة للامان عندك "الرينو ميجان 3" من اامن السيارات الاوروبية و سعرها مناسب جدا

...كلم التوكيل و احجز تجربة تيست دريف و شوف كدة يمكن تغير رايك و تعجبك

و الكلام لصاحب الموضوع ايضا ..اذا كان مهتم


_

المشاركة الأصلية كتبت بواسطة KSAYEDS

شكرا أ. mokhtarm و أ. ahmed-adel :
قشقاي هي طبعا وحش نيسان الرهيب. اذا كانت ظروفي مختلفة انا اكيد كنت هختارها. و عشان اوضح اكتر انا عملت حادثة بعربيتي النيسان صني من شهرين ع الدائرى ، و العربية الله يرحمها اتباعت حوادث. الحمد لله على كل شيء . دلوقتي لما بختار عربية بدور علي الثبات و الاماااان بقدر الامكان. للاسف القشقاي عربية جبارة لكن التوكيل شال منها esp اللي هو مش مهم بس في التلج لكن في الملفات و حاجات تانية كتير. و كمان كل الجسم ده ب ٢ ايرباج بس!!!! فبأمانة اقولك انا لو مكنتش عملت حادثة (بدون اي ذنب او سرحان او عدم تركيز مني) كنت ١٠٠٪ هجيبها، بس دلوقتي نظرتي للامور مختلفة شوية. عشان كده مهتم بالاوروبي لان الثبات و الامان فيه عاليين جدا. لكن انا شفت سوبارو xv و مقتنع بيها جدا غير اني توقفت فجأة و اعدت الاهتمام بالاوروبي.
.... الجولف ٦ ممكن يدخل معانا مقارنة؟ و لا اغلي كتيييير؟

حمد الله على سلامة حضرتك اول حاجة , الجولف 6 ممكن تدخل طبعا وهي اساسا تعتبر التوب في كل ال Hot Hatchbacks في اوروبا , بس معلش تدفع 200 الف جنيه في عربية 100 حصان ؟ لو كانت نازلة بالموتور ال TSI على الاقل كانت تبقى مقبولة , لكن كده حرام بصراحة

المشاركة الأصلية كتبت بواسطة mody3on

حمد الله على سلامة حضرتك اول حاجة , الجولف 6 ممكن تدخل طبعا وهي اساسا تعتبر التوب في كل ال Hot Hatchbacks في اوروبا , بس معلش تدفع 200 الف جنيه في عربية 100 حصان ؟ لو كانت نازلة بالموتور ال TSI على الاقل كانت تبقى مقبولة , لكن كده حرام بصراحة

الله يسلمك أ. mody3on ، متشكر لمشاركتك و مرورك
الحقيقة انا مكنتش اعرف انها ١٠٠ حصان ، كنت فاكر اللي نازلة ١٦٠ حصان اللي قريت عنها. قلت ممكن آخد الريسك بتاعة DSG علي اساس ان الموتور قوي لكن كده بقيت اوت طبعا. مفيش كلااااااام. يبقي هي الاختيارات المتاحة هي اللي موجودة و هشوف الرينو الهاتشباك و اشوفها بالمرة، مش هخسر حاجة.
تحياتي

المشاركة الأصلية كتبت بواسطة Mohab.Nabil

الميجان الهاتشباك حاجة و السى فور بيكاسو حاجة تانية خالص .. اختلاف مواتير و فتيس و اوبشنز و كل حاجة .. فرق شاسع ما بينهم بصراحة

انا مش شايف عربية منافسة للسى فور البيكاسو الا البيجو 3008 .. كده نقدر نبتدى نقارن

أ. mohab.Nabil :
الف شكر لمرور حضرتك . ممكن من فضلك تدينا فكرة عن عفشة البيكاسو، و هل هى تتحمل الشوارع المكسرة و لا حساسة زيادة عن اللزوم؟
انا اتكلمت مع واحد و فهمت منه ان السي فور بتاعتة (الشكل القديم) حصل لها مشاكل بس من الفواصل المعدنية ( الفلنكات) بتاعت كوبرى اكتوبر ، و ده خلاه يغير كذا حاجة فى العفشة.
انا مهم اعرف لاني مثلا مضطر امشي علي طريق غير ممهد ٢ كم تقريبا يوميا. غير طبعا المطبات الرائعة فى شوارعنا العظيمة.
رأيي ان البيجو ٣٠٠٨ملهاش مثيل في الروعة، بس السعر فارق جدا و ده مخليني مركز مع بيكاسو لان فيها كل اوبشنز البيجو و بسعر منافس.

تحياتي