2012: لانسر شارك - استرا j - فورد فوكس - ستروين c4. ساعدوني في الإختيار أثابكم الله

**TFSI** · 17-04-2012 01:54 AM

لو عايز عربية 308 مانيوال 2011 كسر زيرو 1470 كم فقط وموتور 1600 تربو 175 حصان (موتور المينى كوبر s(
واللون فضى ميتالك

العربية تحفة وSpecial Order والوحيدة فى مصر بالمواصفات ديه والموتور ده وكان سعرها 172000 جنية و فيها كل ما تتخيله ماعدا فتحىة السقف واللون فضى .

والعربية بتاعت واحد صاحبى جابها بقاله سنة بس لظروف الشغل ما بيركبهاش

**KSAYEDS** · 17-04-2012 03:26 PM

المشاركة الأصلية كتبت بواسطة mokhtarm

اخي العزيز - أولا ألف شكر على مرور سيادتك....

طبعا أنا عارف اللي إنت بتمر بيه - بس مش عارف ليه مش بالع حيرة سعادتك بين بيكاسو واسترا - بمعنى أنا حاسس إنك محتار بين كونك عايز تنام أو تخش الحمام (اقصد مالهمش علاقة ببعض)

لو حضرتك بتدور على الفرنساوي العائلي يبقى هتحتار مابين البيكاسو وال 308 sw
لو حضرتك هتحتار في الموتور التربو وعايز حاجة شبابي: هتفكر في الأسترا و البـرافو
لو حضرتك بتفكر في رينج سعر من 175 - 190: هتدخل معاك سيات التيا - قاشقاي - سبورتج - جولف - فانتازيا... وحاجات كتير

تعالى نحدد مع بعضينا أولياتك إيه من ناحية الاستخدام اليومي ونفكر مع بعض
وخلي بال سيادتك .. أظن أظن أظن .. Al-c4 البيكاسو بالطارة الثابتة !! لو إنت من الناس اللي مش بيرتحلها (اللي أنا منهم)..

اشكر حضرتك جدا علي الرد
الحقيقة تشبيه حضرتك الظريف يمكن يوريك اد ايه انا مشتت جدا . اصلا انا مش فاهم ايه فرنساوي و ايه الماني: بمعني ايه الفروقات ما بين ال trends of manufacturing الخاص بكل واحدة. يمكن ده اللي مخليني بقارن عربية بعربية بشكل مهرجل شوية . الفلوس من 180 - 190 مش اكتر. اللي انا عاوزه من العربية:
1- مش هبيع الا بعد فترة ان شاء الله لو ليا عمر من 7-10 سنين. ناس كتير قالولي ان اعاده سعر البيع مش هتفرق معايا مادام فترة الاقتناء طويلة - و لان فترة الاقتناء طويلة هحتاج توكيل محترم طبعا، مع احترامى لكل الاراء انا مش بحب اصلح غير في التوكيل.
2-ثبات
3-عفشه تتحمل التكسير (مش قصدي مصفحة بس) لكن قصدي اني بمشي في طريق مكسر غير ممهد بشكل يومي مسافه 2 كم تقريبا. فمش عاوزها تشخلل بعد كام شهر.
4-امان
5-عائلية طبعا : ابعاد الاسترا مناسبة لاستخدامي و كمان ابعاد البيكاسو و السي فور نفسها. الجوك: للاسف :(((
ده باختصار. سؤال لحضرتك: قصدك بالطارة الثابتة ايه؟ انها مش بتطلع لفوق و تحت ؟ و لا حاجة تانية؟

و اقول لحضرتك حاجة: اول ما شفت الستروين حسيت ان هي دي العربية اللي كنت بدور عليها. لكن اول ما بدأت اسأل عن الماركة اكتر: اللي قاللي توكيل و اللي قالي سعر بيع و قطع غيار و كلام مش سد نفسي... دة خلاني احس اني بجد بجد رايح ارمي فلوسي فى بلاعة. فقررت استقصى عن الموضوع اكتر ، عشان كده انا هنا في المنتدى و بحاول اقرا البوستات بتاعة الناس اللي محتارين زيي :))

تحياتى

**KSAYEDS** · 17-04-2012 03:50 PM

المشاركة الأصلية كتبت بواسطة ahmed-adel

زي ما قال ال أستاذ mokhtaram ,
يا ريت حضرتك توضحلنا حضرتك محتاج إيه من العربية و إيه العيوب اللي حضرتك سمعت عنها
عشان نقدر نساعدك و اوضحلك إذا كانت موجودة فعلا ولا لأ علما إني معايا العربية من سنة بس
مش من 2009 زي ماحضرتك قلت وأنا معايا ال c4 العادية مش ال picasso

بالنسبة لتجربتي أنا عملت صيانة واحدة في التوكيل 30000 و الحمد لله مكنش فيه مشاكل
بس دي برده صيانة خفيفة يعني مش مقياس
بس عموما التوكيل كانوا محترمين جدا
بالنسبة لان الناس بتقول لحضرتك بلاش فرنساوي ,ده فعلا بيحصل
بس لو حضرتك عاوز تركب حاجة محترمة ,متسمعش كلام الناس
من الآخِر الفرنساوي مش عربيات بهدلة , عشان كده مابتعجبش أغلب الناس
اللي عايزة أي بلية صنايعي يعملهم صيانة العربية و يلاقوا قطع غيار في السوبر ماركت
و دول ليهم وجهة نظر محترمة برده ,كل واحد يشوف استخدامه إيه للعربية
وعلى اساسه يشوف يشتري إيه
من الاخر , أي عربية فرنساوي ,طول ماحضرتك مراعيها
عمرها ماهتأثر مع حضرتك

متشكر جدا لحضرتك. معظم العيوب اللي سمعتها تتلخص في:
1-العربية هاي تك جدا ، و التوكيل نفسهم مش فاهمين فيها (مش عارف ازاي) . انا فعلا اعرف واحد حصلت له مشكلة نادرة جدا و هي ان العربية بتجيب 140 و مش عارف يزود عن كده. المهم فعلا التوكيل معرفش فيها ايه ، و بعت صديقي (اللي بيحذرني من العربية) للشركة الفرنسية و كان عطل بسيط مدة اصلاحة لا تتجاوز 40 دقيقة علي ما اذكر. بس مش ممكن آخد الحالة دي عامة لانه كان هاين العربية جدا الحقيقة.
2-قطع غيارها غالية جدا و مش موجودة !
3-كله بيكلمني عن سعر اعادة البيع انه فى الضياااااع . بس زي ما كتبت في بوست تاني اني مش بغير و العربية اللي بجيبها بتبقي بيني و بينها عشرة :)) يعني لو ليا عمر ممكن اغير بعد 7-10 سنين ان شاء الله، و عشان كده انا بدقق جدا فى الاختيار و بسأل كتييييير جدا
4-العفشة بتاعتها تعبانة و هحتاج اغير مساعدين كتير لاني (للاسف مضطر امشي علي طريق يومي 2كم شوارع غير ممهدة)

دي الحاجات اللي انا فاكرها ، و لو جد حاجة هقول لحضارتكم ان شاء الله.

تحياتى

**mody3on** · 17-04-2012 04:40 PM

طب حضرتك بتفضل البيكاسو عن ال c4 العادية ليه ؟
وليه مفكرتش في الفورد فوكس ؟

**KSAYEDS** · 17-04-2012 04:55 PM

المشاركة الأصلية كتبت بواسطة mody3on

طب حضرتك بتفضل البيكاسو عن ال c4 العادية ليه ؟
وليه مفكرتش في الفورد فوكس ؟

شكرا لمرور حضرتك أ. Mody3on
البيكاسو تتميز برحابة في الصالون و شنطة ضخمة و مساحة تخزينية كبيرة غير ان موتورها تربو 156 حصان @6000 لفة . بالاضافة لبعض الاوبشنز الاضافية الغير موجودة في السي فور العادية.

فورد: اختيار متميز لكن البوستات اللي اتكتبت و الريفيوهات عنها بره بتقول ان في مشكله في ال gearbox transmissions بالرغم من انه هنا مش عامل مشاكل او لسة مظهرتش، الله اعلم. كمان بعض الاعضاء الكرام اكد علي موضوع مشاكل الفتيس اللي في الريفيوهات.

شكرا لمرور حضرتك و مشاركتك :)
تحياتي

**Formulator** · 17-04-2012 06:18 PM

المشاركة الأصلية كتبت بواسطة ahmed-adel

ليه مثلا شركات كبيرة زي BMW و mercedes كانوا مصممين على المواتير ال naturally-aspirated لحد فترة قريبه !!!!

هى BM اللى كان عندها هسس من التربو فـ مواتير البنزين.. Merc عادى الـKompressor من زمان..؟!!
وكانوا ضد التربنة.. فقط عشان الـTurbo-Lag, مش عشان أى حاجة تانى.. BM كانت عايزة تحافظ على الـResponse بتاع مواتيرها Linear/Smooth مفيهاش interruption.

دلوقتى لما الشركات المصنعة للـTurbohargers قدرت تعمل تربوهات Low-inertia/Fast-Spooling.. يعنى بتوصل للـboost بتاعها بسرعة من أقل rpm تخرج عادم..
وكمان BM طورت معاهم الـTwin-Scroll تربوتشارجر (توربينتين: واحدة لكل 2-سلندر.. وكومبريسور واحد).. المشكلة بتاع الـLag اختفت..؟!!!

هل المواتير ال turbo ممكن تعيش لحد 300000 مثلا زي ما بيحصل في مصر ولا لأ ؟؟
لان متهيألي بره ماحدش بيمشي بعربيته كيلومترات كتيرة كده
وهل التيربوهات اللي في مصر صغيرة فـتاثيرها مش كبير بدام بيتعملها صيانة كويسة

هى مش قصة كيلومترات ولا احجام تربو قد ماهى صيانات منتظمة, نوعية الزيوت المستخدمة.. طريقة السواقة وكده.
فيه حاجة كمان من شركات العربيات نفسها: التربو اللى راكب شغال بكام % من الـboost بتاعه كـunit.. ولا جايب آخره عـ الـLimit بتاع الـCompression؟؟!!!

- أعتقد ممكن يقعد لحد 200-250 ألف كم أو أكثر (حسب الاستخدام والسواقة برضه), والصراحة أنا شايف ان ده رقم Fair أوى, وهقولك ليه:

لما تشترى عربية 1600cc عليها تربو = 2400cc فـ الأداء (كـ Torque عـ الأقل)..
انت بتستهلك بنزين 1600, بتدفع جمارك وضريبة 1600.. وانبعاثات موتور 1600 لو هتتطبق...

دلوقتى بعد 150-200 ألف كم: ضغط التربو قل, ياعم التربو كله انفجر (لو انت ضاغط على طول وسواق مفترى)..
هتروح تجيب تربو جديد (ستوك أو Bigger Turbo), وشوية mods صغيرة كمان..
يبقى انت كنت مشترى عربية 175-180 حصان, وصلت 200 ألف وعايزة Restore.. عملتلها الـTune ده.. وبقت 225-250 حصان..؟؟؟!!! عايز أيه تانى؟؟

انهى عربية N/A هترجع بـ75% بس من قوتها بعد أى عمرة ممكن تتعمل؟؟؟!!

المشاركة الأصلية كتبت بواسطة KSAYEDS

السي فور بيكاسو بموتور تربو ١٥٦ حصان (اظن بتاع البي ام ميني، صح؟ )

هى الجزئية دى فيها خلاف كبير (حتى على المنتديات الأجنبية)..؟؟؟!!
الرأى المنتشر ان مواتير البيجو-ستروين بتبقى نسخ De-Tuned من مواتير الـCooper-S..

لكن فيه حاجات مابتنزلش على مواتير الـPSA وبتنزل على مواتير الـBM-Mini:
- BM ادتلهم الـValvetronic لكن الـDouble-VANOS لأ,
الـDouble-VANOS بينزل على نسخ مواتير الـCooper-S ونسخ الـBM الجديدة 116i/118i

وفيه حاجات Optional (أيوه أوبشنز فـ الموتور

), بتنزل على المينى كوبر بس:
- الحقن المباشر Gasoline Direct injection
- Variable-Displacement Oil-pump يعنى طلمبة الزيت بتشتغل حسب الـrpm والـLoad للتوفير فـ البنزين
- وكمان On-Demand Water-Pump يعنى طلمبة المية مابتشتغلش فـ الدوارة مثلا ولا فـ الأجواء الباردة..
- الـTwin-Scroll Turbocharger أعتقد كان بينزل على نسخ الـRCZ والـDS من بيجو ستروين (أو المواتير اللى عند mark الـ200 حصان).
لكن كان بينزل فـ كل مواتير الـBMW-Mini, حتى المينى كوبر S الأولانية (موتور الـ172 حصان)..؟!!
ياريت الأستاذ TFSI يأكدلنا الجزئية دى..

المشاركة الأصلية كتبت بواسطة ahmed-adel

ثبات مقبول دي غريبة شويتين !!!, أنا أول مرة أشوف حد بيعيب في ثباتها و خصوصا إنهم زودوا عليها ESP بـ traction control

الصراحة الـC4 طول عمرها معروفة بالثبات العالى.. أنا ركبتها الـ2 شيب اللى فاتوا (5 باب والكوبيه 3-باب).. ثابته أوى وبتكلبش فـ الأرض فـ الملفات والغرز,
وده من غير أى مساعدة الكترونية (ولا ESP ولا TC)..!!

المشاركة الأصلية كتبت بواسطة ahmed-adel

بالنسبة لانك تجيب الفتيس عال N لما تفرمل ده غلط
حضرتك عارف إن ال c4 بتعمل engine break في حالة الفرملة الجامدة
وده بيبان قوي في السبورت مود
اللي حضرتك بتعمله ده مش هتخليها تعمل كده !!!!!!
أنا بصراحة أول مرة أشوف حد بيعمل اللي حضرتك بتقول عليه ده :)
ممكن تجيب عال N لو في إشارة مثلا , بس مش كل متفرمل تجيب N !!!

+111
مفيش حاجة اسمها تجيب الفتيس عـ الـN كل ماتحتاج تفرمل, (ولا تمور فـ عربية مانيوال.. بالعكس دانت المفروض تسقط نقلات Sequential)..؟؟!!!
أنت كده بتضيع كل الـEngine-Brake اللى الموتور والجيربوكس متبرمجين انهم يعملوه فـ الفرامل..؟؟؟!!!

وخد بالك ان ده (فـ عربية مصممة لكده) ممكن يطول معاك أزمنة ومسافات التوقف.. خصوصا فـ الطوارىء..؟؟!!!
تحط الفتيس عـ الـN وانت بتفرمل؟؟؟!! هار أسود..!!

**TFSI** · 17-04-2012 09:57 PM

THP Engines ليها أربعة مستويات للقوة :

140 حصان فى ال 308 الموديل القديم الأتوماتيك 4 نقلات (detuned for the Trans.)
156 حصان (بيجو 308 6 نقلات مانيوال - و 3008 و 508 و ستروين C4و DS4, DS3 and C5 -فتيس أتوماتيك 6 نقلات - GT 207 فتيس مانيوال 5 أو 6 نقلات ).
175 حصان ( بيجو 207 RC - و بيجو 308 ومينى كوبر S ).

المواتير ديه كلها VTI على ال Intake cam فقط

موتور 200 - 210 حصان ( بيجو RCZ - بيجو 308 GTI - مينى كوبر JCW - سيتروينRacing DS3)

الموتور ده فقط هو الـDouble-VANOS يعنى VTI على Both Intake and Exhaust Cams

BMW خدت نفس فكرة الموتور وبرده الـDouble-VANOS وطورته بصورة بسيطة وأصبح من 136-170) حصان والموتور ده فعلاً detuned وممكن مع ال remap يعدى ال200 حصان مستريح

كل المواتير ديه فى تكنولوجيا الـTwin-Scroll وده مش معناه إنها twin Turbo زى كل الناس ما هى فاكرة
الفكرة إن ال turbo Inlet بيبقى متقسم جزئين (فتحتين) وكذلك ال turbo manifold متقسم جزئين (تجميع 2 سلندر فى كل جزء (فتحة) عشان يدى fast spooling مع أى كمية Exhaust

**Hossam_hassan4** · 18-04-2012 12:28 AM

المشاركة الأصلية كتبت بواسطة tfsi

لو عايز عربية 308 مانيوال 2011 كسر زيرو 1470 كم فقط وموتور 1600 تربو 175 حصان (موتور المينى كوبر s(
واللون فضى ميتالك

العربية تحفة وspecial order والوحيدة فى مصر بالمواصفات ديه والموتور ده وكان سعرها 172000 جنية و فيها كل ما تتخيله ماعدا فتحىة السقف واللون فضى .

والعربية بتاعت واحد صاحبى جابها بقاله سنة بس لظروف الشغل ما بيركبهاش

عامله كام طيب ؟؟؟

-

الموضوع: 2012: لانسر شارك - استرا j - فورد فوكس - ستروين c4. ساعدوني في الإختيار أثابكم الله

LinkBack

أدوات الموضوع

عرض

-

-

-

المواضيع المتشابهه

استفسار بين فورد فوكس 2012 و بيجو 508 2012

لانسر شارك 2012 بالموتور الجديد ولا تيدا ولا فورد فييستا

فورد فوكس 2012 .سوبارو امبريزا 2012.سيفيك 2010 مستعمل

محتاره جدا ساعدوني ارجوكم اوبل كورسا 2012 أو فورد فييستا 2012

فورد فوكس 2012

الكلمات الدلالية لهذا الموضوع

المفضلات

المفضلات

ضوابط المشاركة