Bmw520 موديل 1995 تسوى كام

**transporter1000** · 09-06-2008 01:34 PM

يا جماعة ارجو افادتى فى عربية Bmw 520 موديل 95 مرفوعة من زمان بس كانت مسروقة ومفيهاش اى حاجة غير البودى الخارجى كامل والعربية فابريكة برده وجوة
العربية دى تسوى كام وهصرف عليها كام
العربيةعايزة عفشة كاملة وموتور كامل بالفتيس وفرش صالون كامل + فرش الابواب وتابلوه ودفيرة كهرباء كاملة وفوانيس امامى وخلفى وشبكة كل ما تتخيلة موجود فى عربية العربية دى عايزاه ما عادا الزجاج الامامى والخلفى والابواب الحرامى كتر خيرة سبهم
ارجو الافادة

**amrhussein123** · 10-06-2008 04:40 AM

هههههههههههههههههههه

حلوه اوي

ممكن تتجاب ب 20 جنيه

**X_MM_X** · 10-06-2008 05:32 AM

أغرب عربيه بتتباع اسمع عنها !!!!!!!1

وهوه صاحبها كان فين راميها في الصحرا
يمكن الحرامي سرقها وراح رامي البودي الخارجي ومشي بيها كده عريانه علشان مايتقفش !!!

ياريت ما حدش يزعل انا بهرررج بس
بس بجد ياريت تعرفنا حكايتها ايه

**Xpert** · 10-06-2008 10:41 PM

شوف عاوز فيها كام و ممكن نوصل لسعر كويس و اخدها منك ..

**cooleye** · 11-06-2008 04:38 PM

اتأكد الاول انها فعلا كانت مسروقه
لأنها غريبه شويه في حد عنده وقت يسرق ده كله
ممكن تكون العربيه متهربه ومضروب لها ورق او ملهاش ورق ومعمول الفيلم ده علشان تتباع ويخلص منها

**transporter1000** · 12-06-2008 07:25 AM

لا انا متأكد من اصحابها لان هى لقوها بعد متسرقت بفترة كبيرة وصحابها اساسا توفى
وهى دلوقتى فى الجراج عندهم فى البيت ومراته اللى عايزة تبعها انا بس عايز اعرف هى تسوى كام وهصرف عليها كام ياريت الافاده
انا عارف ان مستر اكسبرت خبير فى الحاجات دى ياريت تفيدنى

**Xpert** · 12-06-2008 01:08 PM

يا باشا اللعب في البي ام متعب من ناحيه الفنيين ... و لو هاتشتري قطع غيار تروح عند واحد بتاع قطع غيار تقوله هاخد منك عربيه كامله .. 4ابواب و كبوت و شنطه و عفشه و موتور و تابلوه و ضفيره و كله ... و ده هايدخله في رينج ال 25 الف جنيه .. ده غير مصنعيه التركيب و كده ..
كلم : عماد المصري : 0114441344 و قوله انا من طرف بيشوي و قدامي هيكل فاضي ل e34 و عاوز اكمل العربيه .. و عاوز كذا كذا كذا .. هاتكلف كام
(خد بالك الموتور لوحده بحوالي 12 الف ال 25 الاسود)
يا عم اسمع كلامي و بيعهالي و اشتري دماغك :D