الموضوع: هل فعلا هوندا راحت عليها خلاص!

المشاركة الأصلية كتبت بواسطة No Comment

صباح الفل يا نبيل وربنا يعينك ... وبعدين لسة فاكر يابنى ان انا اتصلت بيك .
كنت كلمتك علشان كان فيه تجمع هونداوي على قده كدة مع بعض افراد العصابة فى المرغنى ... قولت اكلمك لو فاضى اعدى عليك اخدك معايا .
فاتك يومها حتة Type-R تيييت اتبهدلت من حتة Ek4 :) .

المهم كلامكم ده خلانى اقلب فى اليوتيوب ولو بدأت انزل فيديوهات من أول الجيل الرابع للتامن مش هخلص ... وكلهم ستوك بدون تعديل فما بالك بالمعدل بقى :) .

لمؤاخذة يا صديقى عموماً لو في حاجه الأسبوع ده سواء بكره أو بعده كلمنى

ازى Ek4 تطلع من تايب أر لو هما الاثنين نفس الموديل والشكل (الوزن) وسواقين محترمين المفروض هيجمعوا جنب بعض بعد كدة التايب أر هتطلع طبعاً ده في حالة لو مواتير صاحيه و الفتيس تمام وبنزين مش مضروب

طيب عيش مع الفيديوهات وفعلاً مش هتخلص من كترها :)

السلام عليكم انا من مالكي الالنترا الكوري لا هوندا ولا ألماني ( أيوا كدا كل واحد ما يضربشي)
انا من عاشقي الهوندا من ساعه الاكورد ال 86 اللي كانت معانا في السعوديه
راحت علي الهوندا ?!!!
انا هأرد بأسامي الموديلات و كلها من غير تربو عشان انا بيني و بينه عداوه
HONDA SI 2.0 197 Bhp Naturally Aspirated
Honda S2000
Honda Accord
Ek4
Type -R
EK-9
Delsol & CRX
MUGEN RR
Accord Coupe 2012

بأمانه جمله بأقولها و صحابي كلهم بيتريقوم عليا بسببها انا لو معايا 350 أجيب أكورد و فاكس ألماني مرطرط (ما عدا الاودي طبعا بس الاودي 1.6 أو 1.8 T ) و الاكورد 2.4

مشروعي اللي نفسي فيه بس غالبا صعب عليا عشان انا ماليش في جو التسقيط و شوف الماكنه تقيله و سلكه كهربا و مروحه و الكلام ده كله و ألف في الحرفيين أو أركن العربيه عشان مش لاقيلها قطعه غيار !

EK9 HB
فابريقه و هأجيبلها نص من بره TYPE R
و نعدل في+VTEC Tuning+ Gear BOX+ ENGINE INETRNALS+ FLY WHEEL+BRAKING SYSTEM علي رواقه و بمزاج لكن مش هأركب تربو !
بس عربيه زي ديه محتاجه ميزانيه 90-120 عشان تطلع صح و بتقول بابا و ماما !

, حتي لو ما طلعتشي من الايفو فاكس ولا يفرق معايا انا راكب هوندا و ديه متعه في حد ذاتها !

أو ال VTi ال 2010 و يا سلام لو فيراني أو أبيض بس تكون نضيفه و عداد قليل



الموتور ال K series انا صرفت مثلاا 100-200 جنيه عشان أجيب مجلات الموتور ده متعدل فيها و تابعت المجلات ديه و عجزوني الصراحه لاني عمري ما هألاقي حد بيفهم في الميكانيكا بالشكل ده ( كصنايعي) و يعملي الشغل اللي انا عاوزه !

بتركن جنبي S2000 COnvertable صوتها في ال IDLING وهميه و كنات زرقا و دلوقتي هي مط

و فيه عند الشغل واحده Si فيراني بتركن الشارع الناحيه التانيه بأتكلكك و اركن قصاده الناحيه التانيه عشان أتفرج عليها !
ما شاء الله , الله أكبر عليهم ربنا يبارك فيهم لصحابهم و يبعد عنهم كل شر و الخبطات و الحوادث و اللذي منه
حد يقول لهوندا تخف عليا شويه عشان خاطر ربنا يا جماعه

أخيرا ما ينفعشي (من وجهه نظري و خبرتي المتواضعه مقارنه بيكم ) اقارن ما بين عربيه متربنه و عربيه لا
كانك بتقارن في الجيم ما بين واحد بياكل طبيعي و واحد مقضيها أمينو و WHEY و عمال يبلبع ( التربو) !