الموضوع: كرهت العربية بجد

غيرت حساس الشكمان (لمبادا سنسور) ؟

دة يسبب دخنة وحريق مش كويس واستهلاك بنزين

والله المستعان
،
،

المشاركة الأصلية كتبت بواسطة sameh_se

على فكرة انا بشتغل مع رشاد و هوا الى مغير لى الضفيرة و الكنترول و بجد العربية اتحسنت كتير بس لسا الخنقة الى مع دوسة البنزين .
مشكلة رشاد انه بييجى الورشة الساعة 12 و انا من الزقازيق يعنى لازم لما اروح لة يكون انا اجازة تانى يوم بس للامانه هو استاذ .
استحملونى شوية انا هحكى لكم القصة باختصار
انا اشتريت العربية دى زى الفل ابيزا عليها موتور 1800 بى بى ممتازة و الى عرفتة بعد كدا ان الموتور كان متسقط بلدى اى كلام يعنى المهم كانت كويسة و جريها ممتاز
و الحكاية دى دامت شهرين و بعدين .................................................. ...
حصل الى مكنش تخطر على بال العفريت بدا البنزين تطير من العربية و استهلاكة يزيد مع ظهور شوية دخنة سوده تحولت الى دخنة ولاد ابو اسماعيل وابتديت رحلة العزاب و الضنا مع الميكانيكية و الكهربائية و البحث عن المشكلة و كانت العربية مظبوطة و بتجرى بس كنت بفول بنزين كل يوم و فى يوم انا فاكرة و عمرى ما هنساة فولت 3 مرات فى يوم واحد المختصر رشاد حل المشكلة بتاعت الدخنة و الحمد لله و ارتحت خيرا هااااا بس على مين عربيتى تريحنى انا الظاهر بحلم .
وبدئت من تانى يوم مشكلة الكتمة مع دوسة البنزين و مفيش سحب خالص لدرجة انى اكتشفت ان عربيتى تحولت الى بطة بقدرة قادر و ادوس بنزين تكتم و ممكن تبطل منى و الى يغيظ انها ممكن تظبط و بتقى اخر جمال لدرجة انى ببقى راكبها و موش عايز اروح و مقدرش انزل منها .
و هى دى قصة حياتى .
لستة الحجات الى غيرتها
1- اول حاجه قالولى الايرماس بايظ غيرتة
2- الكنترول لان الاير ماس الجديد لما ركب معملش حاجة
3- عدد 3 اسبراتير
بدات يظهر مشكلة فى الرشاشات و بدئت الرشاشات تنزل بنزين على طول من اول ما تشغل الكنتاك و ما تفصلش
4- طقم رشاشات
لسا المشكلة موجودة
5- ضفيرة جديدة
العربية كفرت من شغل العك و فتى الصنايعية (مرحلة رشاد ) ولاد الحلال دلونى علية و رحت له كلامة عجبنى و سلمت له العربية
6- ضفيرة جديدة كلاكت ناى مرة
7-اسبراتير تانى مرة + طقم الخراطيم بتاعتة
8- تانى مرة
الحمد لله العربية ظبطت بس تانى يوم ظهرت المشكلة بتاعت الكتمة الملعونه
9- طرمبة بنزين رجعت لرشاد قالى طرمبة البنزين ضغطها تعبان و عايزة تتغير
10 - خلال الرحلة دى الى استمرت 10 شهور(منهم 3 شهور واقفة عند الصنايعية ) مجموعة لاباس بها من اطقم البوجيهات و خلافة غير الزيت الى اتغير بالهبل
و المفروض انى هروح لرشاد الاسبوع الجاى ان شاء الله على شان يشوفلى حل
اسف على الاطالة بس اعذرونى لانى مشوش جدا و عندى اكتئاب بس الحمد لله على كل شئ فى الاول و الاخر

الله يكون في عونك و لكن رأيي مازال كما هو عيوبك كلها كهرباء و ضفيرة (مشاكل تعليق و حساسات و تهييس )كل ده سببه كهرباء
ده رأيي وانا بصراحه لم أعد أحترم اي صنايعي في مصر و حتي رشاد و الدليل عندي مع واحد صديق في قسم فولكس (محمد مصطفي)باع عربيته بسبب رشاد و أخوه بعد رحلة تسقيط و مرمطه و كل المشاكل ............. ضفيرة و كهرباء

علي العموم ان شاء الله صباحا هحاول أراجع تاني كلامك و أقرأءه مرة و اتنين يمكن أقدر أفيدك في شيء و عشان اكون فايق و هحاول أساعدك ان وفقني ربي لذلك
و كان الله في عونك العربيات دي يا سيدي متتركبش غير أوريجينال غير كده انسي حتي لو قلتلي مين هيسقط و دي وجهة نظري و الله الموفق

أخي الفاضل
انا شايفك غيرت كل من (الضفيرة - الكنترول - الايرماس - الأسبراتير - الرشاشات -بوجيهات - طلمبة بنزين )
وانا شايف انك عمال بتغير حاجات أساسيه مبتتغيرش و سايب الحاجات الفرعية زي
طقم كابلات البوجيهات + الموبينة و دول من اهم الأشياء اللي تسببلك المشاكل دي

ثانيا :- فيه حاجات لازم بتتغير كل فترة كسيرفيس (فلتر هواء + فلتر بنزين) هل غيرتهم ولا لأ
ممكن تقلي انت بتتكلم علي حاجات بسيطة و هايفه و انا هقلك ان المشاكل اوقات مبتجيش غير من الحاجات دي
ياريت تراجع علي اللي قلتلك عليه و قلي ايه النتيجة
ممكن انت بنفسك حتي تراجع علي أطراف سلوك البوجيهات من ناحية الأسبراتير و من ناحية البوجيهات لو لقيتها مجنزرة او عليها شحم و زيت ومش نضيفة يبقي انسي انك تلاقي العربية مضبوطة
ربنا ييسرلك الحال و تتحل مشكلتك و منتظر مراجعتك للي قلتلك عليه و قلي ايه النتيجة