الموضوع: حادثة حصلت قدامي

المشاركة الأصلية كتبت بواسطة lanos2004

الامس برضه راجع من الرحاب باسات وميجان تو مظبطين بعض على منزل الكوبرى دى اخرة الشد والتهور --المكان دة كنت بمشى فيه 190 الان كبيرى 110 علشان الطيارات الى بتعدى جنبى

لو قصدك على كوبرى الجيش اللى فـ آخر طريق السويس؟؟!!
انا كنت واحد من الطيارات دى..

لحد ما كنت بشد أنا وواحد صاحبى, وأنا قدااااااام وهو فـ ظهرى..
وطلعنا الكوبرى, ونازلين بسرعتنا 140-150 (طبعا حته blind ملف ومطلع ومنزل.. فـ مش شايفين أيه اللى بعد الكوبرى)..؟؟!!!

Oops.. لقينا الطريق كله واقف بعد 100-120 متر بالكتيييييييير, (كانوا لسه عاملين الفواصل جديدة والعربيات بتهدى عندها قبل مطب تقريبا iirc).
كل اللى أنا شايفه قدامى أنوار Stop حمراء كتييييييييييييير..؟؟؟!!

طبعا ابتديت أفرمل Hard, وعينى عـ المراية خايف صاحبى مايلحقش ينزل بالسرعة.. فـ يلبس فيا؟؟!!!
الحمد لله العربية بتدى Flasher انتظار بسرعة كبيرة (بعصبية كده) لما الـBrake-Assist بيشتغل..
دا غير أن الفتيس بيعمل Engine-Braking بيسقط نقلات Sequential لوحده..

طبعا هو فهم بسرعة.. وكان ابتدى يكشف الطريق, بدأ يفرمل جاااااااامد.. عربيته مانيوال وهو استاذ Engine-Brake الحمد لله عدت,بس بعد شوية رعب..

من يومها.. وأنا حرمت أجرى فـ الحته دى, أجرى قبلها من بعد نزلة الدائرى على طريق السويس.. لكن الكوبرى لأ..؟!!!

المشاركة الأصلية كتبت بواسطة Mostafa.Ismail

مثلا عجل واحد فقط الفرامل بتاعتة مسكت او حاجة مشابهة.

هو المفروض ان الـEBD بيمنع الحته دى..؟؟!!!
حساسات سرعة العجل بتاع الـABS بتقرأ ان فيه عجلة مسكت واللى قصادها بتلف..
فـ الـABS بيفصل ضغط الماستر الفرعى بتاعها, ويدى فرامل للعجلة المقابلة.. عشان العربية ما تلفش حوالين نفسها..!!