الموضوع: فورد فوكس الجديده

المشاركة الأصلية كتبت بواسطة AshTurbo

ليه ( مفيش وجه مقارنة - ومتقارنش كذا بكذا ) ده على أساس أن أحنا بنقارن عربية بطيارة ولا أيه الفكرة يعني ؟

Comparison Test: 2012 Ford Focus Titanium vs. 2011 Hyundai Elantra Limited

2011 Hyundai Elantra vs. 2012 Ford Focus - Comparison - Automobile Magazine

11 Chevrolet Cruze and '12 Ford Focus vs. Jetta, Elantra, and Mazda 3 - Comparison Test - Car and Driver

2012 Ford Focus Test Drive vs 2011 Hyundai Elantra Road Test -
The Daily Green

هي مش كل دي مقارنات بردوا يارجالة ولا أيه .


خد بقى رأي في الفورد الجديدة :

عربية جميلة جداً شكلاً وموضوعاً فيها مميزات وفيها عيوب شوف أنت أيه اللي يناسبك وأختار مابينها وبين الألنترا يعني مثلاُ :

- الألنترا ككماليات مقابل السعر طبعاً تكسب .
- الألنترا أوسع من الفوكس .
- الألنترا أسرع .
- الألنترا موفرة في البنزين أكتر من الفوكس .
- الفوكس جودة خامات أفضل .
- الفوكس موتور نشيط ومتعة قيادة .
- الفوكس ثبات أفضل .

المشكلة ان العربية اللي في المقارنات دي مختلفة تماما , 6 ايرباج و ESC وكل انواع الامان , ده غير الموتور اللي مبينزلش في حتة غير الشرق الاوسط , الفرق بينه وبين الفوكس 3 حصان بس
لو الالنترا GDi مثلا ونازلة بكل وسائل الامان اقولك ينفع المقارنة وومكن كمان تبقى احسن من الفوكس , بس خد بالك لو الالنترا نزلت بالحاجات دي هنا مش هتقل عن 180 الف جنيه

وهي الفورد اللي نازلة عندنا فيها 6 آيرباج و esc وكل عوامل الأمان ؟

الفوكاس الهاتشباك ملهاش حل و لو انى ما باشجعش عاده الهاتشباك لكن العربيه دى حلوه فعلا. على فكره انا لفت نظرى برضه حكايه ضيق الكنبه الخلفيه حبتين فعلا فى موديل ٢٠١٢ لكن ما اهتمتش قوى بصراحه. هو الامان و جوده الخامات فى صالح الفوكاس بينما الوسع الداخلى و سعر اعاده البيع فى صالح الالنترا

متابع ...

انا شايف صعب المقارنه مبين عربيتن مختلفين (جوا مصر لكن برا قارن براحتك ) ... يعنى ممكن كركوبه تلاقى الهينوداى احسن (مركبتش الفورد الصراحه ) بس قلما ركبت عربيه احسن من الهيونداى كسحب و نعومه و صوت الموتور ( بعيدا عن المرسيدس )
بس كعربيه و خامات و تكنولوجيا اختلاف كبير مش هتلاقى تابلوه بيزيق و لا بلاسيتك رخيص فى الفورد
بالاضافه اعتقد هيكون فىة فروق كبيرة فى قطع الغيار و الاسعار و التوافر طبعا
يعنى اركب اى كورى مفيش اختلاف على انو جامد جدا كعربيه فى كل حاجة بس كأحترام و خامات و تحس انك راكب اوتومبيل تسسسست
لكن يابنى او اوروبى تلاقى الحاجه ماسكه نفسها و تحس بانك فعلا راكب حاجه خاماتها حلوه
و اعتقد ان دا الفرق فى الهيوانداى عن كل الكبار انها بتققل الخامات فى مقابل انها ترخص و تديك كل الى انت عاوزه فى العربيه

لكن لو انت برا مصر دى حاجة تانيه , لان عربيه تانيه تقريبا اللى بتنزل سواء للالنترا او للفورد
يعنى اول فئه فورد الازاز الى ورا بكر ! حاجه يعنى قله ادب
الالنترا اول فئه مفهاش حاجه تماما لا اية بى اس و لا ايرباج و لا ولا ولا




فالموضوع يرجعلك لان العربيتين جامدين شوف انت محتاج كاماليات و امكانيات و توافر قطع غيار و بصمه و الخ الخ
او بتفكر فى الجرى لحد 100 او عربيه ناعمه لحد 160
ولا عرربيه مش اوى على الواطى و ثابته على العالى و عزل صوت كويس و هكذا
عايز جوده و احساس بقيمه و انت راكب و لا حاجه عملى وتوفر

قارن بنفسك المواصفات موجوده وانت اختار

ولاحسن لو انا هختار و الموضوع بالنسبالى
الالنترا هاى لاين احسن من فورد اقعد اقفل ازازها ببكر ورا
ولو بتقارن الاتنين هاى لين ممكن بردو الالنترا احسن
عيبها انها هيتقال راكب هيونداى بعد متدفع 150 الف و الناس هتقولك ما كرولا و هو ندا الخ الخ الخ
لكن ارض الواقع اركب اى عربيه من دول الفروق مش اللى تخليك تقول على عربيه فيهم وحشه
ولا اللى راكب الفورد راكب طيارة و مبيحس بالمطبات
كلو بيتساوى فى الاخر

لولا اختلاف الاذواق لبارات السلع

كان لونها ايه اللي شوفتها؟؟؟؟؟؟؟؟