البرايد والعبد لله (الحلقه 199)

**wagbr** · 10-06-2008 04:09 AM

ياجماعه طبعا كل اللي في المنتدي عارفين قصصي مع لبرايد سيدان الكوري وتابعني في الحوار ده نادر باشا وحازم وشودي ومحمد محسن الغالي والاخ سبعاوي وسامحوني لو نسيت حد بس كده شكل الحكايه دخلط في الغويط وانا اتعكيت هحكلكوا القصه بقي اولا العربيه طلعت فيها مقص غيرته وظبط زوايا وخلصت العربيه طبعا كانت بتسخن قولت لما اروح لكرهبائي بالمره وعينك ماتشوف الا النور وبعيد عن كل السامعين روحتله قولتله العربيه بتسقف وطالي الكرباء شكله نص لبه المهم ان سحب العربيه اختلف تماما وبقي بطيق جدا يعني استجابه البنزين بطيئه جدا وكمان في حاجه عداد الحراره فصل خالص والعربيه تما اتغير شكلها اكنها مش عربيتي وبصراحه انا لو رجعتله هتخانق معاه وهتبقي مشكله فقولت لما اسالكوا الاول وفي حاجه كمان الدبرياج تقل اوي والغيارات مبقتش سهله وانا عربيتي مكنتش كده ياتري الدبرياج ليه علاقه بالكهرباء اانا مش عارف اعمل ايه وقولت اسالكوا قبل الشروع في حماقه اخري بالمناسبه بستخدم بنزين 80 بعد هوجه الاسعار مستني كل ردور اخواتي وسامحوني لو طولت عليكوا وشكر خاص لمحمد محسن لانه الراجل ده محترم جدا واداني رقم تليفونه علي طول في المشكله السابقه وقالي لو في اي حاجه انا ممكن اساعدك والي اللقاء في الحلقه ال200 من مشاكلي مع الكيا برايد

**sab3aawy** · 10-06-2008 11:35 AM

هو شكله كدة المكيانيكى وطالك الاسبراتير بزيادة شوية ، فبالتالى
1- السحب قل لعدم امكان حرق البنزين بالكامل
2- العربية سخنت لأن البنزين بيكمل حريق وهو خارج على العادم وبالتالى طاقته بتطلع فى شكل حرارة وليس حركة
3- سخونة العربية هىاللى اثرت على الدبرياج والفتيس

بس ادى للميكانيكى عذره لأن ظبط السبراتير فى بلدنا بيتم بالأسلوب البلدى، يعنى اظبط واطلع جرب وبعدين ارجع اظبط تانى وهكذا، والتجربة لازم تكون فى مكان مفتوح فيه مطالع ومنازل ، وطبعا ده غير متاح، لذلك انا دايما فى السيارات اللى فيها ظبط كاربراتير انا كنت بظبطها بأيدى لأن مافيش ميكانيكى فى الدنيا ممكن يكون عنده طولة بال لظبطة الكاربراتير على الشعرة اللى كانت ممكن تاخد منى اكتر من ساعة ونص ساعتين ظبط وتجربة

رأييى على السبراتير شعرة وشوف ايه الاخبار

**mmolazem** · 10-06-2008 11:57 AM

المشاركة الأصلية كتبت بواسطة wagbr

وخلصت العربيه طبعا كانت بتسخن قولت لما اروح لكرهبائي بالمره وعينك ماتشوف الا النور وبعيد عن كل السامعين روحتله قولتله العربيه بتسقف وطالي الكرباء شكله نص لبه المهم ان سحب العربيه اختلف تماما وبقي بطيق جدا يعني استجابه البنزين بطيئه جدا

مش المفروض ان ضبط كهرباء الاسبراتير اللى يعمله الميكانيكى ..... ؟؟

**HeMa1981** · 10-06-2008 02:24 PM

والله ياباشا فى ميكانيكى " محترف " وأميـــــــــــــــــــــ ـــــــن ومحترم جداً فى فيصل
تحس انه دكتور سيارات :)

ان محتاج حاجة اديك العنوان وتليفونه

**wagbr** · 10-06-2008 04:20 PM

شكرا لردود اخواتي بس لسه فيه شويه مشاكل اتفرجوا علي الحلقه كامله ياجماعه اعذروني لو بطول شويه بس بصراحه انا قاصد عشان استفاد والناس تستفاد لان الكلام ده بيقابلنا كلنا واخيرا اكرر الشكر مره ثانيه

**wagbr** · 10-06-2008 04:22 PM

سبعاوي باشا يا لاحقني دايما بصراحه بعد الغلو النار في الزيت والبنزين انا بقيت بحط 80 انا مش هو مناسب لمحرك الكيا برايد 1998 الكوري بالاضافه اني معرفش انضغاط المحرك كام ارجو الافاده وربنا يجازيك خير علي طوله بالك وتعبك معانا

**Nader** · 10-06-2008 08:50 PM

انا بقيت بحط 80 انا مش هو مناسب لمحرك الكيا برايد 1998 الكوري بالاضافه اني معرفش انضغاط المحرك كام ارجو الافاده

الـ1100 ----> 1:9.9 يعني المفروض 92!!

الـ1300 ----> 1:9.9 نفس اللي قبلة وعجبي!!

دول بالنسبة للمواتير الكربيراتير

اما بالنسبة للموتور الـ1300 المازدا فدة نسبة انضغاطة

1:9.7 ودة انجكشن مش كربيراتير .... ايوة انجكشن

ونسبة انضغاطة اقل من الكربيراتير!! وبيطلع 4 حصان اكتر

من الـ1300 الكربيراتير لانة 64 حصان!! مازدا بقى!

طبيعي ان العربية اتخنقت والعزم قل بعد ما انت بدلت لبنزين 80

انت محتاج تروح لميكانيكي فاهم يظبطلك توقيت الشرر علشان

العربية تفوق تاني .... بس مش هتبقى زي الاول بسبب اختلاف

نوع البنزين .... رقم الاوكتان يعني.

اما بالنسبة لعداد الحرارة فدي شغلة كهربائي.

تقل الدبرياج ممكن يكون بسبب طبيعي زي مثلاً ان السلك نشف

وممكن الفتيس يتقل نتيجة لتقل الدبرياج لانك مش بتدوس علية للاخر

فطبيعي ان النقلات هنكون غير سلسة وممكن تسمع سيمفونيات كمان

وانت بتنقل.

المهم الاول ظبط الاسبيراتير وميكونش واطي علشان العربية متبطلش

منك وتحس انها بتطلع في الروح ولا يكون عالي علشان العربية متسخنش

منك وتقرفك، المهم انك تظبطة وانت حاطط البنزين اللي انت ناوي تستمر علية

اياً كان 80، 90 او حتى 92 علشان تتفادى الموجات الارتدادية او التسقيف.

المهم اللي يظبط لك الاسبيراتير يكون ميكانيكي مش كهربائي علشان احنا عندنا

الصنيعية في مصر موسوعيين يعني ممكن الكهربائي يظبط لك العفشة كمان لو

هتدفع لة فلوس!!! فمتخليش اي حد يمد ايدة في العربية عموماً غير لو انت واثق

فية.

**Nader** · 10-06-2008 09:01 PM

الـ 1100 كود الموتور B1 وبيطلع 53 حصان عند 5700 لفة في الدقيقة

الـ1300 الكربيراتير كود الموتور B3 -Aisan-وبيطلع 60 حصان عند

5500 لفة في الدقيقة.

الـ 1300 انجكشن دة كودة B3 -Mazda - ودة بيطلع 64 حصان عند

5500 لفة في الدقيقة.

المهم ان المواتير التلاتة عاوزين واكتين 91 على الاقل! شوف انت بقى موتورك

انهي واحد فيهم.