الموضوع: تقرير عن تغيير فلتر البنزين للالتو

السلام عليكم ورحمة الله وبركاته

تواصلا مع بعض واعمال الصيانه فى العربيه
ال من ساعة ما جبتها عمال اعملها صيانات بس بصراحه العربيه كويسه
ولكن دى صيانه ثانويه ......

قررت انى اغير فلتر البنزين الكلام ده من فتره تقريبا الاسبوع الماضى
ولكن لم اجد الوقت لاكتب التقرير فأليكم هذا التقرير من العبد الفقير ههههههههه

اولا فلتر البنزين بيكون معدن وليس كمثل الفلترات العاديه يعنى مش بلاستيك

وهو مصنع فى الهند وسعره 45 جنيه او 40 جنيه بعد الفصال هههههههههه

وهذه صورته .....







ودى علبة الفلتر من الخارج
اليكم صورتها ......











المهم انى رحت للميكانيكى وبدأء يحل الفلتر القديم

نسيت ان اقلكم ان الفلتر بيكون مكانه بجوار العجله الشمال من الخلف

يعنى بجوار التانك من الخلف مكانه ال حد ما كويس بعيد عن السخونه بتاع الماتور
لانه معدن فبيتأثر بالحراره بسرعه ....

المهم لما فك الفلتر طلع منه بلاوى الوان حتى الميكانيكى بعد ما ركب الجديد قالى
العربيه هتدعيلك لانه كان فيه ذى الطينه وميه وحاجات غريبه مش عارف ايه هيا

واليكم صورة الفلتر القديم والاشياء الخارجه منه ....











رايتم مدى كمية الزباله ال فى البنزين

بصراحه بعد ما ركب الجديد حسيت بفرق كبير بالاخص انى غيرت فلتر الهواء كمان والبوجيهات
كل ده جعل العربيه تفوق عن الاول ....

مع العلم انى بحط بنزين 92 امال لو بحط ال 90 كان هيعمل ايه

المهم انى عملت بنصيحة الاصدقاء وغسلت الفلتر وطلع حاجات كتير ذى ما ذكرت
ونشفته فى الشمس بس مش عارف من الداخل عامل ايه
على العموم هخليه احتياطى

معلش طولت عليكم

والى اللقاء فى تقرير اخر قريبا ان شاء الله

تحياتى للجميع

المشاركة الأصلية كتبت بواسطة hm414

بحكم خبرتي في تغيير فلتر البنزين...
متقدرش تحكم عالزباله اللي جواه غير لو كان شفاف
لان بطبيعة المكان اللي هوا فيه لازم بيخرج وعليه اطنان وساخه من بره
انما من جوه هتشوفه ازاي وهو معدن؟؟؟
يعني البلاستيك عندنا وان كان مش 100% شفاف ولكن بيبان جواه وساخه سوده اشبه بالزلط ببتحرك

ليه بقول الكلام ده؟؟
عشان اللي في الصوره بالنسبالي دي من الوساخه اللي بره الفلتر بنسبة 90% مش جواه
وانا مغير الفلتر بايدي في ماروتي اكتر من تلات مرات ولو هاخد بالشكل الخارجي يبقى انا بعبي في العربية مية طرشي!!
هههههههههههههه


لكن الفكره ان اللي جوه هو الفيصل
وعموما
التغيير مطلوب وهو ضمن الصيانة الدوريه وانا انصح بيه وبشده واتمنى ان الكل يلتزم بجدول الصيانه
وبالمناسبه
اعتقد فلتر البنزين معمول معدن عشان يستحمل ضغط طرمبة البنزين بينما في الماروتي مفيش طرمبه عندنا

تحياتي

لا يا حزوووم
ال خارج ده من جوه لانى مخرجه بنفسى
مش من بره بس

وظللت اغسل فى الفلتر بالماء مع النفخ بالهواء حتى نظف