الموضوع: صوت التصفيق( التسقيف ) في المارشدير فقط.. حد يفهمني لو سمحتوا

المشاركة الأصلية كتبت بواسطة sh23

عفواً لقلة خبرتي في قيادة السيارات وقلة معلوماتي عنها ؛ سياراتي ماتريكس 2008 وهي عاملة حوالي 8300 كم فقط في مدة خمس شهور ونصف ( وهي دي كل المسافة اللي سوقتها طول حياتي ) . وعندي بعض الأستفسارات البسيطة :
1-أحياناً عند الرجوع للخلف اسمع صوت تسقيف بسيط ويختفي فور الضغط علي دواسة الوقود .

و انت راجع لورا بيبقى الحمل اكبر على الموتور و بالتالى بيبقى عرضة اكتر للتسقيف لو مش دايس بنزين زى الناس

2- في حالة السير للأمام ممكن السيارة تتحرك بمجرد رفع قدمي عن الدبرياج وبدون الضغط علي دواسة الوقود ؛ وواحد صاحبي قال أن كدة العربية عالية ف السلانسية وعايزة ضبط لكن واحد تاني قال ان دة عادي في كل السيارات الحديثة ( فهل هذا صحيح ؟وأسمع كلام مين فيهم ؟) .

دة طبيعى و متخليش حد يفتى و يقول عالية وواطيه... صاحبك اللى قالك كدة راكب عربية موديل 1970... صح؟

3-السيارة باردة وتحتاج تسخين لفترة طويلة نسبياً كل صباح ؛ ولما بركنها أكثر من ساعة بتحتاج تسخين تاني فهل هذا عيب في السيارة أم لا .

متشخنش العربية... اتحرك بعد ما تدور الموتور ب 30 ثانية بس متحرقش الا لما المؤشر بتاع الحرارة يبداء يتحرك لفوق

4- كنت بأحس أن السيارة خفيفة ف المنحنيات بعد سرعة 90 وبالتحديد لما يكون أتجاة المنحني يمين ؛ وبدأ الأحساس يقل بمرور الزمن وبالتحديد بعد أن أكتشفت أن العجلة الشمال الأمامييه فيها 3 خروم وصلحتها وجربت سرعة 120 بس كان راكب ممعايا أربعة زملاء فهل ثبات السيارة وهي محملة أحسن من وهي فاضية ولا مجرد إحساس.

اى عربية بتبقى اكتر ثبات و هى محملة... بس نصيحة متضغطش على الماتركس فى الملفات عشان هى عربية عالية

أسف طولت عليكم ؛ وشكراً مقدماً

اى خدمة

MMamdouh

مش محتاجة كل دة... موضوع التسخين قتل بحث قبل كدة

و قصة الزيت لما يوصل لكل الاجزاء و القصص دى كلام فارغ من بتاع ميكانيكية مصر لان ببساطة الزيت لو مش بيوصل لكل الاجزاء يبقى اولا الموتور حيتدمر بعد شهر من الاستخدام لان كل مرة بيشتغل بيبقى فيه احتكاك معدى و ثانيا لمبة ضغط الزيت عمرها ما حتطفى الا لو فيه ضغط مناسب فى دورة التزييت و الضغط المناسب دة عمرة ما حيتحقق و الزيت مش واصل لكل مللى فى دورة التزييت

راجع كتالوج اى عربية حديثة و شوف مكتوب ايه على التسخين

MMamdouh