قول ايه اكتر حاجه بتضايقك من اللى ماشى جمبك

**houras1010** · 19-04-2012 12:11 AM

المشاركة الأصلية كتبت بواسطة osama.m

لما الطريق يبقى زحمة و اللي وراك يعلق ايدة على الكلاكس
ولما تبقى ماشي في امان الله ومش بتجري و اخد يمين وتلاقي اللي بيشتمك مع ان الطريق 3 حارات

موضوع الكلاكس عشان هو متعود بيتلكع لغايه ما حد يديله كلاكس فيمشى ففاكر ان فى واحد قدام زيه
وموضوع اليمن هو شتم عشان حاول ينبهك انه حريف وبيجرى وانت بطئ وخواف وانت مخدتش فتخنق فشتم

**OMAR61995** · 19-04-2012 12:13 AM

أنك تكون مهدى قبل يوتيرن و مدى إشارة و تلاقى واحد غبى كسر قدامك عشان يدخل قبلك
ولا اللى بيقلب النور و يدى كلاكسات عمال على بطال

**Land_Cruiser** · 19-04-2012 12:13 AM

بصراحه الحركات المستفزه مفيش اكتر منها يعنى اللى بيبقى ماشى فى الحاره اللى جنبك و قاعد يحلق على حارتك و حارته و يقوم داخل فى اللى تفضى قبلك و لما تيجى تبصله يفضل مدور وشه الناحيه التانيه عشان ما تشتموش و عندك كمان اى يو ترن تيجى تلف من عنده لازم و انت بتلف تلاقى عربيه جايه من بعيييييد و شايف انك بتلف و لازم يعدى و هو لازق فيك رغم ان احيانا كتير بيكون الطريق فاضى قدامه لكن لازم يلزق فيك وانت بتلف و يقعد يزمر و يقلب نور طيب انا بلف اعمل ايه بس

**houras1010** · 19-04-2012 12:25 AM

المشاركة الأصلية كتبت بواسطة mshmshm3

عادي جدا .
تلاقي ناس ماشية كأنها في صحرا العربية تحدف منه عليك و هو فاتح بقه و في عالم تاني لازم يتشتم علشان يفوق او يبقي الشارع واقف وتلاقي الفتك اللي معاه شاهين او لادا او 132 (طبعا مع احترامي للأعضاء ملاك العربيات دي ) بيفرك وعايز يعدي منك و الشارع متروس قدامك يعني انت مش بتفهم مثلا او الصورة وقفت عندك علي ان الشارع زحمة و هو شايف الشارع فاضي ده بردو يتكتم لما يتشتم او يضرب
وياسلام لما يكون الشارع رايح جاي وتلاقي نفس الشخص بتاع الشاهين او 132 ماشي في الناحية العكس عايز ياخد الجرعة من الشتيمة او عايز يتشد .
او تبص في المراية تلاقي الشارع اول واحد وراك علي بعد 6 كيلو متر اول لما يشوفك هاتطلع في حارته تلاقيه جاي من وراك علي اخره ولما تمشي وراه يتنح دي حلها بسيط جدا بطلع قدامه و انزل امسح نمر العربية علشان عليها تراب

جزئيه الناس تتطلع بسرعه من اللى مدى اشاره ليها كذا تفسير حسب وسع الطريق
1-لو الطريق واسع عايز يقولك ان الحته دى بتاعته مالك انت بيها شوفلك حته تانيه يا اما تاخد اللى يفيض منه
يا اما هياخد اول ملف وشايف ان سرعتك اقل منه بكتير وكده هتعطله

**houras1010** · 19-04-2012 12:28 AM

المشاركة الأصلية كتبت بواسطة _hema

حضرتك تبقا ماشى فى امان الله

وتلاقى اللى جنبك حدف عليك فجأه

عشان ماشى سرحان وهو بيتكلم فى التليفون ويظهر اللى بيرد عليه نرفزو شويه قام حدف عليك من غيظوه

واما تيجى تعتب عليه يشوحلك بإيديه ويزعق فى وشك ويقولك

هوووووووووو ه فى إيييييييييييييييه

غصب عنك تمشى وانت ساكت عشان الامر ميطورش اكتر من كدا

وتقول حسبى الله ونعم الوكيل

هههههههههه ده معلش اعذره عشان حاسس زى عادل امام كلكوا عليا ولا ايييه

**houras1010** · 19-04-2012 12:30 AM

المشاركة الأصلية كتبت بواسطة dolly13

انا بيجننى اللى بيبقى ماشى تاتا تاتا جنبى فى شارع واقف شوية وتلاقيه ضارب عينه فى العربية وفاضل يجى يقعد معانا
بامانة ده تصرف ملوش اى تفسير عندى

ليه تفسير
قله ادب وتربيه

**houras1010** · 19-04-2012 12:33 AM

محدش هيفسر غيرى يا جماعه وانا محدش رد عليا ليه ؟

**memofree** · 19-04-2012 12:34 AM

[QUOTE=shaddadfalcon1;3874248124]ابقي راكن او ماشي في حاره ومفيش حد جنبي والاقي واحد جي من ورايا وعمال تيييييييييييييييييييييييي يتت[/QUOTE

انا ائولك بأ ايه السبب عن طريق موقف حصل مع واحد صحبى
انتوا عارفيين سواقين الميكرباصات و بأ فى ملاكى كمان طول ما هو ماشى عمال يوزع فى كلاكسات فى كل حته
كان واحد صحبى راكب احدى ميكروباصات جلس بجوار السواق و طول ما هو ماشى شغال كلاكسات فسأله ليه كده السواق رد عليه بأجابه جميله قاله
الحركة دى عاملة زى الملبسه لازى كل شويه اخد واحده
دى كانت اجابتة
اجابة جميله يعنى بأ ادمان الكلاكس بأ مرض عند الناس

و السلام عليكم

**houras1010** · 19-04-2012 12:43 AM

المشاركة الأصلية كتبت بواسطة omar61995

أنك تكون مهدى قبل يوتيرن و مدى إشارة و تلاقى واحد غبى كسر قدامك عشان يدخل قبلك
ولا اللى بيقلب النور و يدى كلاكسات عمال على بطال

فى المعظم اليوترن حارتيين المشاكل بتحصل من اللى مبيعرفش يلف العربيه جوه حاره واحده مبعرفش او محدش فهمه
الكلاكسات عمال على بطال
1- فى سواقين عندهم مشكله فى الرؤيا وماشى بسرعه فبيعوض مشكله الرؤيا بالكلاكس زى اوعى الجاز كده
بس مشكلتهم الحقيقيه بتبقى مع الحاجات اللى متنفعش تحاسب وتوسع من الكلاكس زى عربيه مفيهاش حد انسان مبيسمعش الخ

**houras1010** · 19-04-2012 12:50 AM

المشاركة الأصلية كتبت بواسطة land_cruiser

بصراحه الحركات المستفزه مفيش اكتر منها يعنى اللى بيبقى ماشى فى الحاره اللى جنبك و قاعد يحلق على حارتك و حارته و يقوم داخل فى اللى تفضى قبلك و لما تيجى تبصله يفضل مدور وشه الناحيه التانيه عشان ما تشتموش و عندك كمان اى يو ترن تيجى تلف من عنده لازم و انت بتلف تلاقى عربيه جايه من بعيييييد و شايف انك بتلف و لازم يعدى و هو لازق فيك رغم ان احيانا كتير بيكون الطريق فاضى قدامه لكن لازم يلزق فيك وانت بتلف و يقعد يزمر و يقلب نور طيب انا بلف اعمل ايه بس

فى ناس بتاخد اليو ترن على الواسع قوى فبتسد الطريق من غير ما تاخد بالها
وناس بتقف او تدخل الوترن على مهلها قوى فضهر العربيه ياخد مكان كبير من غير ما ياخد باله فاللى جى من ورا يخاف حد جى بسرعه يلطش وش العربيه فبيعدى لازق فيك عشان كده